حوار من القلب للقلب - الجزء الأول

**R A N A** · 26-02-2009 04:15 PM

عدنا
وياريتنا ماعدنااااااااا

كل دي اسئلة ياناس
حرام ياناس
دانا غلبانة ياناس

ياجدعان اقولكوا النت بايظ عندي في البيت تنزلولي بأسئلة تبيتني بره البيت عشان الحق ارد عليها

انتوا فعلا معندكوش اخوات بلاستيك

**A.Saad** · 26-02-2009 04:24 PM

انا فعلا معنديش اخوات بلاستيك
عندى اخوات شمع:k48:

وعلى فكرة
انا خلصت شغلى ومعايا مفاتيح المكتب
والاكل اهه
ومستنيلك
الاسكا احسن هه
وبعدين النت فاصل فى البيت ليه
ادفعوا فواتيركم بقى

**R A N A** · 26-02-2009 05:46 PM

عدنا من جديد
يامعين ياااااااااااارب :k40::K14:

المشاركة الأصلية كتبت بواسطة bee

انا كنت ناوي ارحم يا دينا لكن بما انها اتاخرت دي الدفعة الجديدة من الاسئلة الي بعد ما تجاوبيها ممكن تروحي ورا الشمس .. وممكن القمر مش متأكد !!
ااااااااااااه شكلي كده هاروح ورا الشمس فعلا بس عموما لو روحت مش هاروح لوحدي

انا من اول شخطة (مش هاستني القلم حتى) هاقرَ على كل حاجة وهاعترف عليك واقوللهم ان Bee هو اللي ورا كل ده وهو امير الجماعة وزعيم تنظيم القاعدة كمان

-رنا .. ايه رأيك في قضية أيمن نور .. هل انتي شايفه انه خرج لمرضه او لاسباب اخرى ؟؟
اعتقد سياسات عليا لإنهم بيقولوا مريض وعمال يقدم التماسات من 3 سنين اشمعني دلوقتي يعني؟

"هما اللي بيقولوا والله، برئ يابيه .......... ها ............برئ يابيييييييييييه"
أنا عندي عيال عايزة اربيهم

-كرومبو .. بالنسبالك يمثل إيه ؟؟؟
هو ظريف وكوميدي جداااااااا أنا عن نفسي بحب اتفرج عليه أنا واخواتي وكل لما ييجي واحدة جديدة ننده لبعض عشان نشوفها

-لو تقدري تبقى وزيره تختاري وزارة ايه .. وليه ؟؟
هو انا هاختار كذا وزارة (ماهي فانتازيا بقي فبراحتنا احنا دافعين من جيبنا حاجة

)
أولا وزارة الداخلية:
هاحبس كل سواقين الميكروباص

واعمل لدماغهم فورمات وانزلهم سيستم من أول وجديد
واعيد تأهيلهم من أول جديد
والم طبعا كل البطلجية وقطاع الطرق والمتسولين اللي بقوا ماليين البلد دول

في حاجات كتيرة طبعاً بس دول اللي في بالي دلوقتي

ثانياً:
وزيرة القوى العاملة:
هالمَ كل الشباب اللي قاعد في الشوارع وعلي القهاوي يطرقع صوابعه ويعاكس في البنات على النواصي واشغلهم بالعافية في اي حاجة

.
وفي أجازات الصيف بتاعة الكليات والمدارس هاعمل تدريب عملي اجباري لكل الكليات والمدارس في الشركات قطاع خاص وعام وحكومي
أهم ينشغلوا شوية بدل مايقضوها لعب وتهريج ومصيف وبس ويتخرجوا ميبقوش عارفين يعملوا حاجة في عيشتهم :k36:.

-ايه معاني الكلمات التاليه عند رنا :

طموح
صفة أساسية لابد من تواجدها في الإنسان عشان يكونله هدف في حياته ويطور من نفسه بدل مايعيش ويموت وهو زي ماهو

قهر
إحساس صعب جدا حد يتحمله ولو ساقته الظروف إنه
يتعرض للقهر فلازم يبذل كل مافي وسعه للتخلص من القهر ده حتى لايتحول لإنسان انهزامي يائس
ظلم
اصعب احساس ممكن يمرَ بيه الإنسان إنه يتعرض للظلم حقيقي احساس مؤلم أوي بس عند ربنا مبيضيعش لإن "الظلم ظلمات يوم القيامة" وياويل الظالم من دعوة مظلوم
ربنا يبعدنا عنه لانكون ظلمة ولا مظلومين يارب

حكومة
بتننطق كده (حاكومُه)

وأحب اهديلهم هذا النشيد:
يامهنيانا يامفرحانا
يامريحانا يامعيشانا في الخير ومنغننغانا
ويااانا يااانا...... يااانا يااانا
:10D5C8~1107::10D5C8~1107::10D5C8~1107::10D5C8~110 7::10D5C8~1107:

(متوديناش في داهية بقي يا Bee)

قلتلك عندي عيال عايزة اربيهم (لما اتجوز واخلف يعني

)

فقر

إبتلاء من ربنا يجب الصبر عليه والرضا بيه (لكن مع عدم الخنوع والكسل عن السعي) لكن بما يرضي الله

مشاعر عابرة
مشاعر بيمر بيها الإنسان تبعاً لحالته النفسية في الفترة دي أو لموقف حصله أو من كلمه اتقالتله بس هي بتكون عابرة يعني مؤقتة وبتنتهي بسرعة بإنتهاء الحالة أو الموقف

حنين
احساس جميل بنحسه لما حد أو حاجة بتوحشنا أوي لكن يتكون اختفت من حياتنا خلاص بس بنحن لذكراها :k10:
حب
اجمل شئ في الدنيا لكن لو كان صادق وحقيقي فعلاً

كفاية كده ؟؟؟
أه كفاية

ماشي كفاية عشان معطلكيش اكتر من كده ..
إن شاء الله ميرسي

بس لو اتاخرتي في الرد هاجي تالت

انا مقدرش اتاخر عن نايل موتورز وأعضاؤه ياجماعة

بس والله الموضوع خارج عني ارادتي

ادعولي بس ان النت واحرارة التليفون يرجعوا وانا هابات في المنتدي ان شاء الله

**R A N A** · 26-02-2009 06:29 PM

ماشي ماشي ده واضح إنه تخليص تاااااااااار بقي
ماشي ليك يوم يا Bee

المشاركة الأصلية كتبت بواسطة bee

طب كويس انه فاصل اهو الواحد يكمل شوية اسئلة .. هع هع

-رأيك ايه في إلغاء المنطقة الحرة ببورسعيد ؟؟

رأيي

إنه ضربوا الأعور على عينه
قال خسرانة خسرانة

بجملة القرارات يعني هي جت على دي :k40:

:k40:
الناس دي بجد مش عارفة تعملنا ايه ولا إيه تاني دااحنا شعب فولاذي والله :k48:
إحنا ممكن ناخد ندخل موسوعة جينيس في إننا حطمنا كل الأرقام القياسية في قوة الإحتمال :k48:

وعموماً قلبي معاكوا ياأهل بورسعيد ربنا يصبرنا جميعاً على ماإبتلانا

-افضل المدن الساحلية عند رنا ؟؟
إسكندرية

-سيارة احلامك لغيرك .. يعني تقولي عربية ايه وتتمنيها لمين غيرك ؟
أنا عموما بحب السيارات ال 4×4 فهاختار الهامر
واديها لصاحبتي وصديقة عمري

-انا عندي فرق بين الصاحب والصديق .. هل الفرق ده ليه معنى او موجود عن رنا ؟؟

أعتقد إن الصاحب أقرب للنفس وللقلب أكتر من الصديق

-لو السؤال الي فات رده ايونننننن هل اصدقاءك كتير .. مش اصحابك .. ؟؟
لا مش كتير ويمكن دي بتخليني ساعات في مشكلة لإني ساعات بحس بوحدة ومش بلاقي صديقة اتكلم معاها

(يعني بقعد افكر كتير اكلم مين

)
وتقريبا ماليش غير صاحبة واحدة اللي حكيتلكوا عنها الله يرحمها ويحسن إليها بقي (اصلها اتجوزت من سنة)
لكن ليا بعض الصديقات طبعا ليهم معزة كبيرة في قلبي
لكنهم حديثي العهد :k10:

-نفسك تعيشي فين في مصر ؟؟ متفكريش في الفلوس نهائي اخر حاجه تفكري فيها ..:10D5C8~1107:
لو في القاهرة يبقي المهندسين أو الزمالك على الكورنيش (يالا بقي إن شاء الله ماحد حوش)
لو اسكندرية يبقي ممكن سان ستيفانو على البحر

على الله تتأخري في الرد تاني .. عشان اكون انا الي رحت اتغدى

**R A N A** · 26-02-2009 07:05 PM

المشاركة الأصلية كتبت بواسطة asaadte

الاسكا احسن
ماشى طيب خدى عندك

مين اللى نفسك تخلفيه ولد ولا بنت
كل اللي يجيبه ربنا كويس
ايه نوع موبايلك
معايا موبايلين

نوكيا N70
سامسونج C260
ايه رايك فى الابراج
بحب اقرأ صفات الأبراج لإنها ساعات بتكون واقعية
لكن موضوع التنبؤ ده طبعاً لا اعترف بيع تماماً
لايعلم الغيب إلا الله
ايه رايك فى اخواتك ومين احبهم لقلبك
طيبين وولاد حلال

أنا بحبهم كلهم طبعاً لكني ساعات بميل اكتر لأختي (البنات بتحن لبعضها بقي وهي قريبة مني) وكمان اخويا الصغير (هو مبقاش صغير

هو خلاص هايبقي مهندس السنة دي) أصل دمه خفيف

ايه اكتر مرحلة دراسية انتى حبتيها
أيام ثانوي وبرده الكلية عشان كنا بنخرج فيها كتير

بس كنت بكره ايام الإمتحانات قوي

بتمارسى رياضة
للأسف لأ

بس بحب ساعات أمارس رياضة المشي لما بكون زهقانة

ليه بعتى عربيتك
عشان زهقت منها وكمان عشان أشتري عربية حديثة مكيفة تريحني في السواقة شوية

وكمان أصلاً انا كنت ناوية من قبل ماشتريها إنها مجرد مرحلة لحد ماتعلم السواقة واجيب زيرو لإني خوفت اجيب زيرو من الأول ابهدلها معايا وانا بتعلم فيها :k40:

طلعتى الرخصة بواسطة ولا امتحان
واسطة طبعاً

(مرور السلام مستحيل تطلعها بإمتحان ياواسطة يافلوس)

ايه الفاكهة المفضلة ليكى

الموز والتفاح والفراولة

ايه رايك فى سواقة الستات

برجاء للرجوع للمواضيع المتعلقة بالموضوع ده في المنتدى وهاتعرف فيها رأيي

ايه رايك فى لبس البنات السائد حالياً

ربنا يهدينا جميعاً

ايه مكان خروجك المفضل
وسط البلد ومصر الجديدة وسفاري اللي في طريق مصر اسكندرية

ايه برنامج التليفزيون المفضل ليكى

مفيش برنامج معين بتابعه
أنا بتفرج على اللي يقع تحت ايدي لما بفضى واتفرج علي التلفزيون أصلاً
بس ساعات بشوف العاشرة مساءاً أو 90 دقيقة أو الحقيقة
وزمان كنت بشوف البرنامج بتاع فتحي قنديل اللي اسمه رئيس التحرير تقريباً (كانت بتعجبني تعليقاته على الأخبار)
بس غالباً مش بتفرج على برامج بفضل اقعد اقلب في القنوات يمكن الاقي فيلم اجنبي ولا مسلسل كوميدي ولا أي حاجة تشدني

الاسكا احسن هه
كل ساعة من ده

الاسكا احسن
اى خدمة

أي خدمة

**R A N A** · 26-02-2009 07:21 PM

المشاركة الأصلية كتبت بواسطة asaadte

انا فعلا معنديش اخوات بلاستيك
عندى اخوات شمع:k48:

وعلى فكرة
انا خلصت شغلى ومعايا مفاتيح المكتب
والاكل اهه
ومستنيلك
الاسكا احسن هه
وبعدين النت فاصل فى البيت ليه
ادفعوا فواتيركم بقى

والله دافعين الفواتير بتاعة التليفون في المعاد والله

ودافعين فاتورة النت كمان قبل المعاد مع إنها مقطوعة من أول مادفعنا يعني مستفدناش بالخدمة الشهر ده خالص

.
هانعمل ايه بقي كل مانتصل بالأعطال يقولولنا نفس البوقين اللي بيتاقلوا كل مرة:
يوجد عطل جسيم وجاري الإصلاح تباعاً

وبتوع خدمة الأعطال معندهومش غير :
حاضر يافندم 48 ساعة والعطل يتصلح

حاضر يافندم 72 ساعة والحرارة ترجع

بقالهم 3 اسابيع مبيقولوش غير الجملتين دول

أنا أعمل ايه بس انا خلاص بعيط منهم :k30:واشتكيت في كل الجهات

**R A N A** · 26-02-2009 07:30 PM

بيتهيألي كده البرنامج خلااااااااااااااااااااااا ص
خلص فينيتو بقي
أهوه محرمتكوش من حاجة وجاوبت على كل اسئلتكوا أهوه وربنا يعلم أنا عملت ايه عشان ارد على كل الأسئلة النهاردة
ومعلش مش هاعرف ادخل المنتدي الا يوم الأحد إن شاء الله لإن زي ماقلت قبل كده التليفون بايظ والحرارة مقطوعة (إلا بقي لو ربنا سهل يعني وجت يوم الجمعة والسبت دول)

ننزل بالتتر بقي
يانووووووووووووووووووووور
يانوووووووووووور

واضح إن المذيعة هربت أو بعافية شوية ياجماعة فعشان كده أنا هاقوم بالنيابة عنها في ختم البرنامج والنزول بالتتر
وإلى هنا تنتهي حلقة برنامجنا وبنشكر الضيفة العزيزة رانا
وإلى اللقاء مع ضيفنا في الحلقة القادمة الأستاذ أحمد سعد (asaadte )

التتر بقي بمناسبة إني لسة هاروح دلوقتي (إتأخرت ساعتين بسببكوا) والنهاردة الخميس فبهديلكوا الأغنية دي:

زحمة يادنيا زحمة
زحمة وتاهو الحبايب
زحمة ولا عادش رحمة
مولد وصاحبه غااااااااااااااايب
اجي من هناااااااااااااااا .........زحمة
اروح هناااااااااااااااااااا ........... زحمة
هنا أو هناااااااااااااااااا .............. زحمة
زحمة يادنيا زحمةةةةةةةةةةةةةةةةةةةةةة ةةةةةة
:k48::k48::k48::k48::k48::k48::k48:

**A.Saad** · 26-02-2009 07:35 PM

المشاركة الأصلية كتبت بواسطة R A N A

بيتهيألي كده البرنامج خلااااااااااااااااااااااا ص

خلص

فينيتو بقي

أهوه محرمتكوش من حاجة وجاوبت على كل اسئلتكوا أهوه

وربنا يعلم أنا عملت ايه عشان ارد على كل الأسئلة النهاردة
ومعلش مش هاعرف ادخل المنتدي الا يوم الأحد إن شاء الله لإن زي ماقلت قبل كده التليفون بايظ والحرارة مقطوعة (إلا بقي لو ربنا سهل يعني وجت يوم الجمعة والسبت دول)

ننزل بالتتر بقي
يانووووووووووووووووووووور
يانوووووووووووور

واضح إن المذيعة هربت أو بعافية شوية ياجماعة فعشان كده أنا هاقوم بالنيابة عنها في ختم البرنامج والنزول بالتتر

وإلى هنا تنتهي حلقة برنامجنا وبنشكر الضيفة العزيزة رانا
وإلى اللقاء مع ضيفنا في الحلقة القادمة الأستاذ أحمد سعد (asaadte )

التتر بقي بمناسبة إني لسة هاروح دلوقتي (إتأخرت ساعتين بسببكوا) والنهاردة الخميس فبهديلكوا الأغنية دي

:

زحمة يادنيا زحمة
زحمة وتاهو الحبايب
زحمة ولا عادش رحمة
مولد وصاحبه غااااااااااااااايب
اجي من هناااااااااااااااا .........زحمة
اروح هناااااااااااااااااااا ........... زحمة
هنا أو هناااااااااااااااااا .............. زحمة
زحمة يادنيا زحمةةةةةةةةةةةةةةةةةةةةةة ةةةةةة
:k48::k48::k48::k48::k48::k48::k48:

نور بس اللى ليها الحق تنزل التتر

وهيا بس اللى ليها الحق تختار الضيف

وبعدين ليه كدة انا معملتش فيكى حاجة