الموضوع: حوار من القلب للقلب - الجزء الأول

نور ومهند هنا

لو جه حد منهم بلاش تعرفوني

المشاركة الأصلية كتبت بواسطة bee

انا جيييييييييييييييت ..

منور يا Bee (الله يسامحك يانوووووووور )

والله انا قلت كفاية بس واضح ان انتي الي حظك وحش معايا اعمل ايه ؟
انا عارفة ان طول عمري حظي وحش

خدي عندك :
اتفضل ياسيدي
*ايه نوع الفن المفضل عندك ؟؟
السؤال واسع أوي يا Bee
يعني تقصد اي نوع من الفن هل الرسم واللوحات مثلا ولا الغناء ولا التمثيل مثلا ولا نوع متخصص في حاجة فيهم ولا ايه بالضبط؟
بس عموما انا هاجاوب على حسب مافهمت
مثلا الغناء :انا بحب اسمع اغاني اي نوع من الأغاني ماعدا الأغاني الشعبية .
بس المهم تكون اغنية ليها معنى والميوزيك بتاعتها حلوة وكلماتها مش مسفّة أو مخجلة وطبعاً يكون صوت المغني ينفع يتسمع وبيعرف يجيب طبقات صوت على حسب متطلبات اللحن مش لما تيجي طبقة عالية صوته يترعش ويتنبح مثلا .
التمثيل : طبعاً يكون الفيلم أو المسلسل ليه فكرة أو فعلا بيوصل معلومة معينة وليه هدف مش اي كلام بيتقال وخلاص ويكون الممثل قادر على اقناعي بالشخصية اللي بيمثلها مش طالع يسمّع نشيد الصباح والأهم إن العمل الفني ميكونش مسفّ أو وقح.
*رنا عارفه ومتاكده انها بتعرف تعمل ايه كويس ومتميزة فيه ؟
برده السؤال ده انا مش هاعرف جاوب عليه أوي لإن رأيي في نفسي مش بالضرورة يكون هو الواقع
بس انا هاقول الحاجات اللي الناس قالتها عني
يعني بيقولوا اني بعرف اتكلم كويس (لبقة في الكلام)
بيقولوا اني شاطرة في شغلي وسريعة البديهة (هما اللي بيقولوا يعني )
بيقولوا اني بختار الواني ولبسي كويس
هذا والله اعلم برده

*لو هتوزعي نسبه 100% بين أسرتك وأصدقاءك تقسميها ازاي ؟
هو في الفترة الحالية أنا يُعتبر ماليش أصدقاء كتير (مقربين) بس ممكن نقول زمان كانت 50% لأسرتي و 50% لأصدقائي لكن دلوقتي أصبحت 75% لأسرتي و 25% لأصدقائي.

*التليفون المحمول ..لو اختفى من حياتك هيفرق كتير ؟؟
أه بصراحة هايفرق لإنه أكتر وسيلة إتصال فعالة وفيها خصوصية بالنسبة ليا


*الكلمات الجايه دي بتفتكري ايه او بتحسي ايه لما تسمعيها :

(كريم) من الكرم يعني مش كريم منير هههههه

بحس إن اللي عنده الصفة دي إنسان طيب أوي ونقي

(قسوة)
أسوء صفة ممكن تكون موجودة في البني أدم وبحس إن صاحبها يستحق الشقفة لإنه بيخسر كل اللي حواليه بسببها.
وكمان بفتكر قسوة الظروف الحالية اللي احنا عايشينها وقسوة قلوب المتسببين في اللي وصلناله

(طيبة)
اكتر صفة موجودة في شعبنا (رغم إني ساعات بحس إنها قربت تنقرض)

(لنا الله)
مصر بفتكر بيها حال مصر وبحس بأسي وحزن شديدين
كفاية كده ويا ويلككككككك لو جيت ولقيتك لسه هنا تاني ..

ربنا يرجعك بالسلامة ياسندريلا

ميرسي يا رنا على قبولك الاستضافة في حواري
وحقيقي حلقتك كانت شيقة وومتعة وقدرنا من خلالها نتعرف على جانب كبير من شخصيتك الجميلة

عايزين نبدأ حلقتنا الجديدة مع سندريلا ان شاء الله هي رجعت من السفر النهاردة
وبالمناسبة فرح سندريلا قرب ان شاء الله في شهر ابريل ربنا يتمم لها على خير ويسعدها يارب وعلى فكرة عايزة اقولكم ان سندريلا اختي الصغيرة وبالرغم ان في بينا اختين تانيين لكن هي اقربهم لي وبعتبرها صديقتي الوحيدة
وحقيقي يا سندريلا هافتقدك بجد لما تتجوزي وتسافري مع جوزك ... بتمناك كل السعادة والتوفيق وعقبال كل بنات المنتدى
يارب النت ميكونش قاطع عندها كالعادة