العفو يا باشا .. أنا تحت أمرك يا أخي الفاضل :)
حكاية أني لطيف ديه شرف لا أدعيه ... أنا دخلت في مشاحنات و ضايقت ناس بكلامي ... منهم شخص دخلت فيه جامد قوي و لغاية دلوقتي ندمان جدا على كده خصوصا إنه بقي من أقرب اصدقائي في المنتدي و لما قابلته شخصيا اكتشفت قد إيه هو شخصية جميلة في غاية الطيبة و الذوق و خجول جدا على خلاف طابعه الهجومي في المنتدى ........و كمان أسمي شرف في صفحة الشكاوي مشكو في حقه و شاكي :o
بس الحقيقة إن المنتدى جزء مهم في حياتي .. همزة وصل مع الوطن و ناسه و أحواله .... بحاول على قد ما أقدر اني أطبق مبدأ حب لاخيك ما تحب لنفسك في ردودي على الجميع .... بافكر دايما اذا كان ردي كويس و لا لأ أو ممكن يتفهم غلط أو فيه كلام مش واضح و ممكن أغير ردي كذا مرة لحد ما يبقى مقبول في نظري ... حط على كده بقى إن تبسمك في وجه أخيك صدقة
متهيألي اني إنسان طبيعي في ردود أفعالي بمعني إن رد فعلي بيبقى على قد الحدث اللي قدامي .... طبعا ليا طاقة استيعاب ممكن بعديها انفجر و لو وصلت ليها بتبقى كارثة بكل المقاييس .... طبعا الطاقة ديه ممكن تختلف من يوم ليوم حسب حاجات كتير منها ما هو متعلق بالمحيط الخارجي و منه ما هو متعلق بالحالة الداخلية
المفضلات