حوار من القلب للقلب - الجزء الأول

**medo1** · 21-11-2008 01:18 AM

والله شكرا لإدارة هذا المنتدى الرائع ولكل الزملاء الأعزاء ونعم لتقوية العلاقة بيننا ولمعرفتنا ببعض وأكيد سيكون هناك مكاسب من هذا التعرف لفروق العمر وأيضا طبيعة العمل فأنا طبيب أسنان ومستعد لأي استفسار منكم وكذلك لمعرفة المزيد من مختلف التخصصات

**Mohd_Adel_Amin** · 21-11-2008 01:20 AM

المشاركة الأصلية كتبت بواسطة Chicco

بصراحة تامة .... و بأكد إن ده موقف شخصي غير ملزم لحد ... سبب من أسباب سفري لكندا إن ولادي لما ربنا يرزقني إن شاء الله ليهم حق علي إن أوفرلهم وطن يحترم ادميتهم و يصون صحتهم .... بلد فيها تعليم و رعاية صحية و ديمقراطية ... بلد ما أضطرش فيها اني أكذب أو ارشي أو أعمل حاجة تخالف ضميري علشان لقمة العيش .... حكاية العادات و التقاليد ديه فيه منها مفيد و فيه منها مضر ..... الأهم الدين و أعتقد اني كده كده لازم نبذل مجهود مضاعف للحفاظ عليه وسط المغريات العديدة الموجودة دلوقت سواء كانوا في كندا أو في مصر

معاك حق يا باشا .. انا معاك في الموضوع ده واعتقد ان التربية الدينية محتاجة مجهود من الوالدين كبير وممكن بمساعدة المدارس الإسلامية ..
ولو فكرنا شوية ممكن نلاقي ان التربية الدينية في الخارج اسهل من مصر وده من وجهة نظري الشخصية .

بس انا عندي سؤال لحضرتك محيرني شوية في الموضوع ده ..لو ابنك لما كبر في كندا واصبح كندي الجنسية قالك انا هلتحق بالجيش الكندي في العراق او في اي بلد اسلامي ,هتتصرف معاه ازاي ؟؟

**معاذ الشرباصى** · 21-11-2008 01:27 AM

شيكو باشا حبيب قلبى

طبعا حلقتك دى حلقة استثنائية بجد

انا بقى ضايع فى موضوع الاسئلة ده خالص

لكن خطر على بالى سؤال دلوقت :

لو انت لسه متخرج و امامك اختيار للعمل كطبيب فى الدول الاتية: فرنسا, المانيا, كندا

اللغة مش عائق اوى, يعنى كل دولة انت بتتكلم لغتها و هتخوض امتحانات المعادلة الخاصة بكل منهم (ما عدا المانيا مفيش), هتختار اى فيهم, و ايه الحاجات اللى دعمت قرارك ده, سواء من الناحية الطبية او الاجتماعية؟

**Chicco** · 21-11-2008 01:34 AM

المشاركة الأصلية كتبت بواسطة نور القمر

لا حرب ولا حاجة يا مسلمة انا مسالمة فوق ما تتصوري
والنفوس هادية فووووووق ما تتصوري
ايه يعني يبدوأوا حلقة سبعاوي من غيري وايه يعني يبدأوا حلقة شيكو من غيري
مع اني دما اقول الخقة بتبدأ الظر تقريبا
عادي خالص مفيهاش حاجة تضايق
المهم انهم مبسوطين ومنسجمين

يا باشا أنتي الخير و البركة ...حتي شوفي الدكتوره مسلمه أهي بتقول نفس الكلام :)

المشاركة الأصلية كتبت بواسطة muslimah_dentist

بس احنا فى انتظار أسئلتك المتميزة عشان دكتور شيكو يرد عليها

انتى الخير و البركة يا نور:)

المشاركة الأصلية كتبت بواسطة aif

توأمي الجميل المعدني ..... بالتحديد الذهبي ... مش اي معدن
انا كنت فاكر اني ح اسألك اسئلة كتتتتير اوي ....
لكن معاك انت بالذات ..... مش عارف اسأل ؟؟؟؟؟؟؟؟؟؟؟؟؟؟؟؟؟
انا كفاية اتابع اجاباتك بانسجااااااام
......
الحمد لله ان الحلقة بتاعتي جت بدري قبل الاسئلة ما تكتر وتزداد صعوبة :k15:
.....

حبيبي و توأمي ... شفت اللي بيحصل لاخوك ... تسأل مين يا قمر ما أنت عارف كل حاجة

المشاركة الأصلية كتبت بواسطة mobitek

متابع فى صمت
اسئله شيقه لعضو جميل

يا باشا ده بس من ذوقك يا قمر .... متابعتك تشرفني يا جميل صامتة أو مستفسرة :)

المشاركة الأصلية كتبت بواسطة meza

تررت تت تررت تررت تترارت... talking away i dunno wat im to say
... i 'll say it any way
today's another day to find u ...

على سيرة A-ha ... خدوا ال video ده ... إبداع فعلاً http://www.youtube.com/watch?v=Q5QIwOYZz6U

و الأغنية الأصلية للى ميعرفهاش http://www.youtube.com/watch?v=RMWXyEHoN88

و أنا متابع يا شيكو باشا لحد ما سؤال يخبط فى نفوخى :k41: ... أصل و أنا صغير مكنش نفسى أطلع مذيع

ميزا صديقي المستنير ... الفديو جامد جدا يا صاحبي و لو اني باغني الأغنية أحسن من البق الفالت المتهور بتاع الأكس بوكس ده :D.... أوعي تسأل بقى لا أوصي عليك حبايبي اللي في عين شمس

المشاركة الأصلية كتبت بواسطة hhhggg

فكره جميله و اهلا بيك و بكل اعضاء المنتدى عموما انا 49 سنه و مجب للسيارات منذ الطفوله و اول مره اقود فيها كان عمرى 12 سنه و اكيد عندى الكثير من الخبرات و التجارب ممكت افيد بها اعضاء المنتدى

يا أهلا بحضرتك شرفتنا و في انتظار مشاركاتك :)

**Chicco** · 21-11-2008 01:40 AM

المشاركة الأصلية كتبت بواسطة نور القمر

في مثل بيقول بعد العيد مش بنعمل كحك

صحيح لتاني مرة الحلقة تبدأ من غيري لكن علشان خاطر الناس اللي راسلتني خاص وخاطرهم غالي عندي وطلبت مني انزل بالمقدمة اللي بقت مؤخرة هعمل الكحك بعد العيد وفي شم النسيم كمان

واكيد علشان مقدرش افوت حلقة من حلقات اهم الضيوف وهو البشمهندس دكتور شيكو باشا

وبعد كدة اللي هايبدأ الحلقة من غيري هقعده اسبوع ضيف في البرنامج بتاعي على كرسي مكهرب مفروش بالتين الشوكي

المشاركة الأصلية كتبت بواسطة Hassan Khalil

بالتين الشوكييييييييييي !!!!!!!
يا قلبك الحووونين ...

الحمد لله يا حسن باشا ... احنا نفدنا من الكرسي أبو تين شوكي ده .... اللي جاي بقى ذنبه على جنبه :D

بس مين يا نور باشا اللي وصاك ده ....أعرفه بس :D

**Hassan Khalil** · 21-11-2008 01:44 AM

المشاركة الأصلية كتبت بواسطة PRO-DRIVE

ايه دا انت كمان طلعت معدني

لا و الله يا برو ..انا مش معدني و لا حاجة :)
هيا بس شوية حاجات معدنية علي صخرية كانت بتعدي علي الواحد و كانت بتعجبه ... رحت قعدت اعصر دماغي و افتكر اساميهم عشان يبان اني باعرف في الحاجات دي أدام الدكتور شيكو

**نور القمر** · 21-11-2008 01:47 AM

المشاركة الأصلية كتبت بواسطة Chicco

الحمد لله يا حسن باشا ... احنا نفدنا من الكرسي أبو تين شوكي ده .... اللي جاي بقى ذنبه على جنبه :D

بس مين يا نور باشا اللي وصاك ده ....أعرفه بس :D

الحمد لله نفدتو ههههههههههههههههه
اللي وصاني .... هقولك مين ولا مين ولا مين
حبايبك كتار يا بشمهندس دكتور شيكو باشا

**mokhtar** · 21-11-2008 01:50 AM

المشاركة الأصلية كتبت بواسطة Chicco

الحب ده كان بيبان قوي في ماتشات الكورة لدرجة اني فاكر اني عيطت بالدموع لما ألمانيا خسرت من ايطاليا في نهائي كأس العالم ١٩٧٢

....

معلش بعد اذنك يا دكتور شيكو تصحيح بسيط نهائى كاس العالم اللى خسرته المانيا من ايطاليا كان سنه 1982 باسبانيا وخلص الماتش 3/1
معلش بقى يا دكتور اصل معاكم فى المنتدى موسوعه شامله لكره القدم العالميه فى القرن العشرين

..mokhtar..

**micky** · 21-11-2008 01:56 AM

يا اهالى المنتدى الكراااااااااااام
رحبوا بيا كتير اوى
انا جديده هنا
و حبيت ان اول مشاركة اكتبها تكون في برنامج نور اختى
و هساعدك في الاسئلة اللى من العيار التقيل :k47:
ما انتى عارفة بئه توارد الافكار اللي بينا
و معنديش مانع كمان اكون ضيفتك

**Chicco** · 21-11-2008 01:58 AM

المشاركة الأصلية كتبت بواسطة Hassan Khalil

سبحان الله !!!!
نفس الافكار و الاحاسيس بتعدي عليا تقريبا يوميا يا دكتور ..
و الاصعب علي الواحد اللي الناس اللي الواح قاعد علشان يكون معاهم .. هما اللي بقوا يستشهدوا بالاية الكريمة لاقناعي علي السفر .. من كتر الارف اللي هما شايفينه هنا ...

هي ديه المشكلة يا قمر ... الغربة صعبة و فيها مشاكل كتير بس الواحد حاسس إنه بيخسر كل حاجة و هو قاعد ... دين و دنيا و أخرة ... لو حد في الموقف ده أعتقد إنه من الأصح إنه يحاول في حتة تانية ... طبعا لو الموقف مش كده يبقى لا داعي للغربة .... منهم لله اللي كانوا السبب

حاجة تانية بأه يا دوك :)
انا ملاحظ ان كل لما حد يديك شريط .. تقوم ترميه :).. و بعدين تقوم مطلعه بعد ست شهور و اللا سنة و اللا حاجة و تسمعه ...دي اتراتيجية سماع الاغاني عندك و اللا ايه ؟؟؟
و ازاي بتسمع بانتيرا .. و بتقول انها بتهدي اعصابك!!!! يا ريت تفهمني النقطة دي ..اصل انا - للاسف - :) مش معدني اوي ... ممكن تقول ..تخليقي .
اصل برضه واحد اداني شريط لبانتيرا من حوالي 10 سنين .. و رميته برضه .. بس مطلعتوش لحد دلوقتي .. ومأظنش اني حاطلعه تاني :)

لا و الله يا جميل هي جات كده .... و في المرتين أصحاب الشرايط كانوا مصممين اني أخدهم :)

في حالة Iron Maiden الشرايط قعدت سنين في المكتب ....بعد وفاه أبويا و التحاقي بكلية الطب و ما ادراك ما كلية الطب ...كان بيعدي علي أوقات يعلم الله كم كانت صعبة مش بس علشان الدراسة الصعبة .... فيه بلاوي تانية

Pantera بقى ... تخيل نفسك شغال لمدة ٣٦ ساعة متصلة ... ساعات كانوا أكتر من كده ....و شغلانة متلفة للاعصاب أصلا ... لا يسمح لك بالاكل أو الذهاب للحمام مثلا و بتلاقي معاملة غريبة و بتتعامل مع ناس أغرب .... و بعدين جه الوقت انك تروح تناملك كام ساعة علشان ترجع للقهر ده تاني ... و أنت في العربية سايق في شوارع المحروسة ممكن تسمع إيه ساعتها .....Pantera ;)