الموضوع: حوار من القلب للقلب - الجزء الأول

المشاركة الأصلية كتبت بواسطة sab3aawy

سؤال دسم جدا جدا جدا،
الموضوع فى رأييى مش سهل
..................
وده هيرجعنى لسؤالك تانى يا شيكو: انت وانا شايفين ان داوكينز منطقه مغلوط، ليس لأن منطقه مغلوط ولكن لأن منطقه مبنى على ما يراه هو مسلمات فى حين نراه نحن افتراءات، والناس عندك ، وخصوصا الملحدين منهم يرون ان منطقه قوى جدا لانه فعلا بنى منطق متماسك جدا على اساس من مسلمات يؤمنون بها هم

فالمشكلة هى ان مافيش ارضية مشتركة بيننا وبين دواكينز ومن هم من نفس فكره، وعلشان كدة احنا شايفين ان تفكيره غلط، لكن فى النهاية كوكب الأرض يتسع لنا كلنا طالما ممكن نحترم بعض ونقبل بعض على اختلاف فكرنا

هد حيلى السؤال بتاعك ده يا عم شيكو، بس بصراحة انا كان نفسى فى سؤال زى ده

يبقى ان اضيف ان كتاب الفيزياء المسلية كتاب يخاطب من فى المرحلة الاعدادية فما اعلى منها وهو كتاب ممتع اكتر منه كتاب فنى جاف، يحكى عن بعض الظواهر المدهشة فى الحياه باسلوب سردى خفيف الظل، انا عند الجزء التانى منه مترجم للعربىsoft copy ، لو تحب ممكن ابعتهولى بس قول لى ابعته ازاى

إجابة شاملة يا سبعاوي باشا ... ربنا يبارك لك يا رب .... المناقشات في الموضوع ده بتتعبني أنا كمان و ساعات بتبقى كل يوم ... يمكن علشان زي ما أنت قولت مفيش أرضية مشتركة للحوار و أنا دايما بحاول أوصل لارضية مشتركة نبتدي منها ....

بما انك طلعت حريف كتب أنا بارشح ليك كتاب إسمه Darwin's Black Box لمؤلف أسمه Michael Behe ... الكتاب دحض لنظرية داروين من اساسها بس على أساس علمي بيولوجي بحت حيبقى تكمله مثالية لكتاب دوكنز ... و الكتاب التاني إسمه Guns، Germs and Steel لمؤلف إسمه Jared Diamond و ده تصبيرة لحد ما تجيب موسوعة ديورانت إن شاء الله :)

بالنسبة لكتاب بيرلمان طبعا سعادتك عارف إن الدكاترة بيجيلهم ارتكاريا من أي حاجة فيها رياضيات ... بس باعتبار اني كان نفسي أبقى مهندس أصلا فممكن الكتاب ده ينفعلي .... خصوصا انك قلت إنه على مستوى بسيط جدا من التعقيد ..... مش عارف ينفع تبعتهولي على المايل و لا يبقى كبير .... أنا hishamgamal@gmail.com أو ممكن تقولي على إسمه بالانجليزي و أنا أجيبه من هنا و أكون شاكر ليك جدا

الحوار الممتع ده خلاني افتكر أقتراح قولته قبل كده .... حاجة زاي Book club .... كل أسبوع أو شهر حد يقدم كتاب قراه و يتيح للناس وقت يقروه و نفتح المناقشة بعد كده ..... أقتراح صعب شوية بس مش قوي ;)

:k52:very good idea noor

شكرا جددددددددددددا يا نور على موضوعك الرائع و شكرا جدا جدا انك اتحتيلنا فرصة للتعرف على الشخصيات الاستثنائية ضيوف حلقاتك المميزة :)

اما بالنسبة لضيف حلقة اليوم و الأمس الباش مهندس سبعاوي فدعيني أرفع القبعة تحية و احتراما لهذه الشخصية و أحب أقول لك اني هاطبع صفحات حلقة سبعاوي و أخليها معايا أرجع لها كل شوية و ممكن كمان أحطها على فايل وورد و أخليها عندي.. فعلا حلقة أكثر من رائعة.. شكرا جزيلا يا أستاذنا على وقتك و تفاعلك و تجاوبك و الحوار الدسم اللذي ملأ عقولنا و قلوبنا بكل ما هو رائع :)

و شكرا ع الوسام

المشاركة الأصلية كتبت بواسطة Ahmad Allawy

انا كمان علي اهبة الاستعداد..
الواحد اهه خد وقته.. و ذاكر شوية و راجع.. و و استعد..
الا هو الاسئلة هي هي نفسها.. ولا بتتغير؟؟
لو هي هي يبقي الواحد يدور علي الامتحانات القديمة بقي.. و يستعد كويس. :)
والله فكرتوا الواحد بايام الكلية.. :)
عموما.. مستني رسالة ع الخاص.. بتحدد ميعاد الجلسة.. قصدي المقابلة. :)

اهلا بيك بشمهندس منور الموضوع
ان شاء الله تكون معانا في الحلقات القادمة
بالنسبة للاسئلة بحاول انها متتكررش لكن لازم غصبا عننا نلاقي في تكرار في بعض الاسئلة على الاقل من ناحية المضمون
وان شاء الله لما احدد معاد حلقة سيادتك هابعت لك برايفت

المشاركة الأصلية كتبت بواسطة medo1000

:k52:very good idea noor

ميرسي ميدو
سعيدة باعجابك بالحوار والفكرة
اتمنى اشوف مشاركات معانا

ان شاء الله بكرة معانا ضيف جديد
كتير اوي من الاعضاء مستني حلقته وانا اولهم طبعا
بكرة معانا دكتور شيكو
يا رب تكون جاهز يا دكتور ويكون المعاد مناسب لسيادتك
الحلقة بتبدأ على الظهر تقريبا.. ممكن قبله بشوية او بعده بشوية
علشان محدش يقلق لو حصل تأخير