1- ماهى طموحاتك فى حياتك الشخصية والعملية؟ 2-ماهو الحلم الذى حققته والحلم الذى تسعى الى تحققه؟ 3-مامعنى هذه الكلمات لديك
الوطن
الغربة
المستقبل
الاسرة
الامان
العمل
الحياة
الحب
نايل موتورز
4-متى تكون الوحدة هى اختيارك؟
5-فيما تفكر وانت وحيدا امام النيل؟ 6-ما الحب الذى لا تنساه؟ 7-هل انت الان فى حالة حب؟ 8-ما الذكرى التى لا ترغب فى نسيانها؟ 9-ما الذى لا تتخلى عنه بكنوز الدنيا؟ وما الذى تتخلى عنه بدون ثمن؟ 10-ماهى اولويات الحياة عند حضرتك؟
اتفضل الحلو قبل ما نكمل أسئلة
يارب تكون بتحب الشيكولاتة ولا نغيره ونجيب حاجة تانية؟
11-اذا اختيرت لمنصب وزير اى وزارة تختار ولماذا وماهى خطة العمل لديك؟ 12-ما سبب اختيارتك لسيارة الكيا؟ 13-لو فكرت تغير سيارتك هتختار ايه؟ 14- لو فو جئت بانذار ووقف من دخول نايل موتورز اسبوع هتعمل ايه؟ 15-كيف تقضى وقت فراغك اذا كان فى وقت فراغ ؟ 16-ماهى هواياتك ورياضتك المفضلة؟ 17-هل تؤمن بالفكر الرأسمالى ام الاشتراكى و لماذا؟ 18-كيف تشارك فى الحياة السياسية؟ 19-لو رشحت لوزارة الاقتصاد هتكون ايه خطتك؟ولو وزارة الصناعة؟ 20 -لو حبيت تشترى عربية للمدام تختار ايه ؟ وليه؟
اتفضل العصير
نكمل اسئلة...
21-لو تركت الهندسة ما النوع العمل الذى تختاره؟ 22- بتحب مصر لاى درجة؟ 23 تفضل الحياة فى مصر رغم الكثير مما نرفضه بها؟ ام تفضل الحياة فى دولة اخرى؟ولو اه ايه هى الدولة ؟ وليه؟ 24-ماهى اكلتك المفضلة؟ المدام بتعرف تعملها؟ 25- بتحب اكل المدام اكتر ولا اكل مامتك؟ 26- ومن الحب ما قتل ..........ايه رأيك فى المقولة دى؟ هل ترددها كثيرا فى حياتك؟ لو اه متى ترددها وما السبب؟ 27-ايه اجمل هدية قدمتها لحد ؟وكانت ايه ولمين؟وايه مناسبتها؟ 28-ايه اجمل هدية جاتلك؟ وكانت ايه ؟ ومن مين؟ وايه مناسبتها؟ 29-لما تحب تخرج تسهر مع اصحابك بتسهر فين؟ 30-ايه اغرب مكان سهرت فيه مع حد من اصحابك؟ 31-ايه الصفة اللى ممكن تتنازل عنها فى شريكة حياتك؟ وايه الصفة اللى مش ممكن تتغاضى عنها؟ 32-هل انت مع ام ضد التمسك بالعادات والتقاليد المتوارثة؟ 33-ماهى اجمل صفة فى الشعب المصرى ؟وماهى الاسوا من وجهة نظرك؟ 34-ايه احساسك وانت محور حلقة حوار من القلب ؟وهل تتمنى تخلص بسرعة ولا تفضل اطول وقت ممكن؟
اتمنى تكون الاسئلة نالت رضى حضرتك وميكونش فى اى سؤال مزعج
أحمد باشا اسماعيل انا فخور جدا بمعرفة شخصية مثل حضرتك
والله يا استاذ ابوزيد انا اللى يحصلى الشرف بمعرفة حضرتك... يمكن لم يسعدنى الحظ
فى مقابلة حضرتك فى عيد ميلاد المنتدى انما تعرفت عليك فى الصور والفيديو ومن خلال
عرضك الكريم لاستضافة اعضاء النيل موتورز والذى يدل على كرمك الحاتمى ومن خلال
تعليقاتك التى تدل على دماثة خلقك.... فتقبل تحياتى .
بس ده طبعا ما يمنعش من شوية اسئلة كدة على الماشى و على فكرة انا اسئلتى تعتبر تسالى و انت بتجاوب على اسئلة باقى الاخوة الاعضاء و النهاردة حاختار لحضرتك اسئلة تنصح بها اخوانك قبل و بعد الزواج و نبدا مع بعض و فى هدوء و رزينة و راحة بال نبدا الحوار الدافىء : برايك كم فرق السن المناسب للزواج ؟
عادة مافيش فرق سن محدد لنجاح العلاقة الزوجية وان كان من الطبيعى ان
يكون الزوج اكبر بمسافة زمانية مناسبة تؤهله لان يكون ناضج وقادر لتحمل المسؤلية.
ترضى تتزوج إمرة بتشتغل ولا تحب ست بيت بس ؟
الاتنين يتساون لان فيه عوامل كتير لاختيار الزوجة شغلها من عدمه مش احد هذه المعايير.
طب لو تقدمت وعرفت انها بتشتغل وقالتلك اقعد في البيت
بدون شغل ايه موقفك ؟
العمل و عدم العمل هو اختيارها واعتقد ان ترك الحرية لها فى هذا الموضوع افضل
ايه تعريفك للحب ؟
أجمل حاجة فى الدنيا ايه الاشياء اللي بتقتل الحب ؟
كتير والله ومش ثوابت ... يعنى عندى تختلف عند حضرتك و تختلف عند اخريين
ممكن يكون في حب قبل الزواج ؟
ممكن جدا طبعا ما هي الاشياء اللي بتقتل الحب قبل او بعد الزواج ؟
هو مش تعميم بس من وجهة نظرى هى الحاجة (الفقر) وعدم المقدرة على متطلبات الحياة العادية جدا
هل بتحب يكونلك اطفال من اول سنة ولا بتحب تأجل الخلفة ؟
الاطفال ... رزق ويجى وقت مايجى بس انت اكيد تفضل ان ترزق بدرى بدرى ... وليه ؟
كل ماكانت الفترة العمرية مابين الاطفال واهليهم اقل مايكون يكون افضل
علشان ولادك يكبروا وانت بكامل عافيتك وتقدر تصاحبهم وتكون قريب منهم
كيف ممكن نحافظ على الحب بعد الزواج من الفتور ؟
التجديد ..زدائما الحرص على التجديد ... الانسان كائن ملول واذا ماكنش فيه تغير يحصل الملل والفتور. ترضى تتزوج واحدة اكبر منك ؟
لاء ما هى اهم صفات شريكة حياتك ؟
المقدرة على تحمل عصبيتى
و ايه يهمك اكتر الجمال ولا المال ولا الدين ولا الاخلاق ؟
مافيش شك ان الدين وحسن الخلق ضرورى جدا لتهذيب باقى الصفات بس ده لايمنع من ان الجميلات يتمتعن بقدر كبير من التدين وحسن الخلق
الجمال فى الانثى ضرورى جدا ...والا هتكره نفسك
هل ممكن تتغير حتى ترضى زوجتك ولاي درجة ممكن تتغير؟
ممكن .....فى بداية زواجى كنت فاكر ان الرضوخ لطلبات الزوجة عيب ويمس الرجولة
لحد ماعرفت انه مش بالضرورة كده عادة التغير اللى يفيدك ويفيد اسرتك هو تغير حميد وللصالح العام للبيت
ولأي حد مستعد تضحي من اجل حبيبتك ؟
ينطبق على نوع التضحية واكيد هيبقى الى اخر حد ممكن.
و اشكرك يا سيدى الفاضل و الى ان نلتقى مرة اخرى و فى انتظار باقى الحوار من اخوتى النورين و البسكوتة و كل من يتشرف بدخول حوار من القلب
انا اللى اشكر معاليك بتشريقك للموضوع
Eng.Ahmed Ismail
You Can't Never Ever to Keep a Nice Car in This Country....!!! S.O.S
1- ماهى طموحاتك فى حياتك الشخصية والعملية؟
بعد الزواج والانجاب تغيرت بعض الطموحات والاهداف ..... وبقى الهدف كله
مركذ على توفير حياة كريمة للاولاد 2-ماهو الحلم الذى حققته والحلم الذى تسعى الى تحققه؟
فيه احلام كتيرة اتحققت والحمد لله بداية من التخرج الى العمل
الى الزواج وتكوين بيت ...الخ
الحلم الذى اسعى الى تحقيقه هو تكوين عمل خاص مستقل لان العمل فى
القطاع الخاص مهما كان محقق شروط الدخل المعقول الى انه ليس له مستقبل
طال الزمن ام قصر ومرتبط بعدة عوامل اهمها صحتك ومقدرتك على الاستمرارية
كترس يعمل فى ماكينة العمل التى لاترحم
3-مامعنى هذه الكلمات لديك
الوطن
اسرتى - بيتى - بلدى
الغربة
مرة وشاقة
المستقبل
بيد الله
الاسرة
اهم حاجة
الامان
نعمة من الله اتمنى دوامها
العمل
قيمة كبيرة ربنا مايحرمنا منه
الحياة
اختبار ربانى
الحب
انظر الاجابات السابقة
نايل موتورز
انظر الاجابات السابقة
4-متى تكون الوحدة هى اختيارك؟
اوقات كتيرة 5-فيما تفكر وانت وحيدا امام النيل؟
كتير فى الا شىء وبتمنى تبات تلك اللحظات
6-ما الحب الذى لا تنساه؟
حب امى لنا احنا اولادها 7-هل انت الان فى حالة حب؟
8-ما الذكرى التى لا ترغب فى نسيانها؟
كل الذكريات الطيبة
9-ما الذى لا تتخلى عنه بكنوز الدنيا؟ وما الذى تتخلى عنه بدون ثمن؟
دينى لا اتخلى عنه بكل كنوز الدنيا
كل ندل وخائن
10-ماهى اولويات الحياة عند حضرتك؟
توفير حياة كريمة للاولاد
انشاء عملى الخاص
اتفضل الحلو قبل ما نكمل أسئلة
يارب تكون بتحب الشيكولاتة ولا نغيره ونجيب حاجة تانية؟
لاء يافندم الشيكولاته اجمل حاجة فى الحلويات - شكرا
11-اذا اختيرت لمنصب وزير اى وزارة تختار ولماذا وماهى خطة العمل لديك؟
وزارة الزراعة ليه علشان الوزارة دى لو صحت واشتغلت بضمير هتعيد لمصر سابق عهدها كدولة زراعية كان يجب ان تكون فى مصاف الدول الاولى زراعيا وكانت سلة طعام العالم قديما ولكنها ضاعت بين تخبط السياسات ولا بقينا دولة صناعية ولافضلنا دولة زراعية الاهتمام بالفلاح عماد هذه الصناعة ودعمه دعما حقيقيا علميا وماديا للنهوض به وتكون للدولة سيلسة زراعية علمية بمعنى زراعة اماكن معينة بمحاصيل معينة ولاتترك اختيار الزراعة على هوا المزارعين يعنى تطبيق الاسس العلمية فى الزراعة والاستفادة فى من حيث انتهى الاخرين والاستعانة بالعلماء الحقيقين وليس الموظفين للنهوض بهذه الصناعة والتى اذا نجحنا فيها ملكنا انفسنا وهتكون كلمتنا من دمغنا مش من دماغ من يمنوا علينا بمعوناتهم
12-ما سبب اختيارتك لسيارة الكيا؟
بعد اللف والبحث عن عربية تدينى مستوى معين من الرفاهية والاعتمادية فى رنج
سعرى معين اللى كنت اقدر على توفيره كانت الكيا مش لاى سبب تانى 13-لو فكرت تغير سيارتك هتختار ايه؟ مرسيدس 14- لو فو جئت بانذار ووقف من دخول نايل موتورز اسبوع هتعمل ايه؟
هعمل عضوية تانية 15-كيف تقضى وقت فراغك اذا كان فى وقت فراغ ؟
الانتخة امام التليفزيون
16-ماهى هواياتك ورياضتك المفضلة؟
هوياتى كتير القرأة - الردايو- اصلاح اى حاجة بايظة انا اجيد النجارة والسباكة والدهان والكهرباء والالكترونيات بالطبع
الرياضة للاسف ماليش فيها قوى يس كنت فبل ما تجوز غاوى جرى وركوب الدرجات
17-هل تؤمن بالفكر الرأسمالى ام الاشتراكى و لماذا؟
لا ده ولاده التنين اثبتم فشلهم
18-كيف تشارك فى الحياة السياسية؟
لا اشارك
الا اذا كانت قرأتى للصحف المستقلة والمعارضة سياسة
19-لو رشحت لوزارة الاقتصاد هتكون ايه خطتك؟ولو وزارة الصناعة؟
مابفهمش فى الاقتصاد بالتالى هرفض الترشيح
وزارة الصناعة ماشى
وهيكون تركيزى منصب على الصناعات الصغيرة اللى بتشغل اعداد كبيرة
من الشباب والاسر المنتجة وهخلى التجربة الصينية مثال يحتذى
حتى لوصناعات مقلدة لانهم غزو العالم
20 -لو حبيت تشترى عربية للمدام تختار ايه ؟ وليه؟
بيكانتو - عربية جيدة ومناسبة للسيدات
اتفضل العصير
شكرا
نكمل اسئلة...
21-لو تركت الهندسة ما النوع العمل الذى تختاره؟
التجارة (البيع والشراء) 22- بتحب مصر لاى درجة؟ لاقصى درجة 23 تفضل الحياة فى مصر رغم الكثير مما نرفضه بها؟ ام تفضل الحياة فى دولة اخرى؟ولو اه ايه هى الدولة ؟ وليه؟
انظر الاجابات السابقة
24-ماهى اكلتك المفضلة؟ المدام بتعرف تعملها؟ بحب المشويات عموما
الحمد لله بتعرف تعمل كل حاجة - شاطرة
25- بتحب اكل المدام اكتر ولا اكل مامتك؟ اكل امى لا يعلى عليه والمدام اكتسبت الكتير من امى فى نواحى الطهى
وبالتالى اصبح اكلهم متشابه
26- ومن الحب ما قتل ..........ايه رأيك فى المقولة دى؟ هل ترددها كثيرا فى حياتك؟ لو اه متى ترددها وما السبب؟ مقولة صحيحة - لا ارددها 27-ايه اجمل هدية قدمتها لحد ؟وكانت ايه ولمين؟وايه مناسبتها؟ جمال الهدية يحكم عليه من قدمت اليه الهدية مش من قدمها 28-ايه اجمل هدية جاتلك؟ وكانت ايه ؟ ومن مين؟ وايه مناسبتها؟ ساعة فاخرة من امى لما رجعت من الحج هذا العام ومناسبتها انى ابنها 29-لما تحب تخرج تسهر مع اصحابك بتسهر فين؟ اى كافيه 30-ايه اغرب مكان سهرت فيه مع حد من اصحابك؟
كنت فى مأمورية شغل فى لبنان وسهرنا فى كافيه غريب منحوت فى الجبل
وكان اكثر من رائع 31-ايه الصفة اللى ممكن تتنازل عنها فى شريكة حياتك؟ وايه الصفة اللى مش ممكن تتغاضى عنها؟
32-هل انت مع ام ضد التمسك بالعادات والتقاليد المتوارثة؟ مش كل العادات نبقى معها ومش كلها نبقى ضدها فيه توازن واعمال للعقل فى الموضوع ده 33-ماهى اجمل صفة فى الشعب المصرى ؟وماهى الاسوا من وجهة نظرك؟ الطيبة
الفهلوة والضحك على الدقون 34-ايه احساسك وانت محور حلقة حوار من القلب ؟وهل تتمنى تخلص بسرعة ولا تفضل اطول وقت ممكن؟
شعور غريب ممزوج بالخجل
واتمنى تخلص بسرعة
اتمنى تكون الاسئلة نالت رضى حضرتك وميكونش فى اى سؤال مزعج
شكرا جزيلا بالعكس ما فيهاش اى ازعاج
Eng.Ahmed Ismail
You Can't Never Ever to Keep a Nice Car in This Country....!!! S.O.S
أ/ أحمد ... منور الحوار
الحقيقة .. أنا معرفش حضرتك
بس من ردودك ... يشرفني اتعرف على حضرتك
وحكون خفيفة خالص في الأسئلة
بس اسمحلي ... أشيك على كل الأسئلة الأول .. عشان أضمن عدم التكرار
أ/ أحمد ... منور الحوار
الحقيقة .. أنا معرفش حضرتك
بس من ردودك ... يشرفني اتعرف على حضرتك
وحكون خفيفة خالص في الأسئلة
بس اسمحلي ... أشيك على كل الأسئلة الأول .. عشان أضمن عدم التكرار
الحوار منور بكم ..... يا فندم
الشرف لى انا .... انا فى الانتظار
Eng.Ahmed Ismail
You Can't Never Ever to Keep a Nice Car in This Country....!!! S.O.S
المفضلات