الموضوع: حوار من القلب للقلب - الجزء الأول

انا جيبتلك الحلو عشان تتسلى وانت بتجاوب وماتقولش علينا بخلا




واتفضل بيبسى كمان انت واحدة وانا واحدة

بس قولنا هتدى لمين البيبسى التالتة؟؟؟؟؟؟؟؟؟؟؟




ولا تاخد عصير وتسيبلى البيبسى





مش حارمينك من حاجة اهو

المشاركة الأصلية كتبت بواسطة نور القمر

معلش يا شنوري كام سؤال كدة على الماشي
في احد ردودك علىالاسئلة قلت الهدية الثالثة لشخص هو عارف نفسه
ودام هو عارف نفسه يبقه موجود معانا
من غير تردد او تفكير كتير
مين الشخص ده
هههههههههههههههههههه

مين الشخص اللي هاديته بالخاتم الدهب
صديقه غاليه جدا عليا فوق من ما اي حد يتخيل وقفت جنبي كتير جدا بطريقه ميعملهاش اخ لاخوه في وقت كنت محتاج فيه لحد جنبي
والخاتم كان هديه ليها وسافرت حوالي 600 كيلوا علشان اديهولها
اظن كده مش فاضل غير مكان شغلها واسمها ولو طلبتوهم حستاذنها واقولكم عليها
مين الشخص اللي هداك بالميدالية الفضية
قولت لحضرتك انها سلسله مش ميداليه
وبرضه كانت من صديقه غاليه اوي بمناسبه عيد ميلادي
ولو تحبوا تعرفوا اسمها برضه قولولي استاذنها وارد عليكم

هترد بقه ولا بلاش وتعلن استسلامك

المشاركة الأصلية كتبت بواسطة نور القمر

لا معلش كل ردودك هروب من الاجابات
انت مش مضطرتجاوب بس في الحالة دي تعلن استسلامك

علي جثتي

المشاركة الأصلية كتبت بواسطة BASKOTA

استسلم لانك قعلا بتهرب من الاسئلة
انا سألتك اول حب واخرحب كان عدك كام سنة قولتلى اجابة غير محددة لو سمحت عاوزين اجابة واضحة وصريحة وقاطعة السن بالظبط ؟

اول حب خالص كان وانا في تانيه ثانوي ودا مكانش يعتبر حب
تاني واحد كان بعد تالته ثاوني وقعد فتره وبعد كده بقينا اصحاب لمده 12 سنه بنتكلم كل فتره وبنسال علي بعض
بعد كده ارتبطت في الكليه ودا بعتبره اول حب قعد 4 سنين او اقل شويه واخر يوم روحت اسئل عليها ردت اختها عليا وقالتلي دي حتجوز وبدا من وانا عندي 18 سنه
وبعد كده ارتبطت تاني لمده سنه ونص
وبعد كده ارتبطت بخطيبتي وكان الارتباط وفتره الخطوبه حوالي 5 او 6 سنين وانتهي برضه بالنصيب وربنا يرزقها بالاحسن ويحسن دنيتهم اجمعين
حتقولوا انت قولت 4 ودول اكتر من 4 حقولكم كده كفايه اوي عليكم شويه وحطلعلكم قصه كل واحده سلمت عليها
بس خلاص

المشاركة الأصلية كتبت بواسطة bee

شفت ان اسالتي كانت سهلة وقلتلي متجيش تاني .. انت لو مجيتش تاني انا اجيلك لحد عندك يا باشا
استلقى وعدك يا حلو ..

هسألك سؤال واحد بس :

ايه أصعب سؤال ممكن تتسأله (متجاوبش عليه يعني اسال بقلب جامد) ..
اصعب سؤال عموما هو لو انا كداب وحد سالني انت كداب
السؤال ده لا يقبل اي اجابه
لو قولت لاء تبقي مش كداب مع انه عارف انك كداب ولو قولت اه تبقي كداب
ههههههههههههههههههههههههه

المشاركة الأصلية كتبت بواسطة abouzaid555

بيتهيالى كدة احنا هرجنا كتير نخش فى الجد شوية بص يا شنورى هى حاجة سهلة جدا و زى شكة الدبوس مش حتحس بحاجة و بعدين اسئلتى مش حتيجى حاجة جنب كلتا النورين و البسكوتة نبدا مع بعض و بكل هدوء :
فعلا يبني طول عمرك اخ ليا يا ابو زيد بس كفايه كده واخرك معايا السؤالين دول وبعدها بلوك وديليت
- من أنت؟
محمد الشنوري شخص اقل من العادي وفيه ناس كتير احسن مني اتمني اكون في ربع اخلاقهم وجدعنتهم واولهم مش انت يا ابو زيد
- باقة ورد لمن تهديها؟
لكل واحد عمللي حاجه حلوه في حياتي ولكل شخص زعلته مني وبقوله حقك عليا
-باقة شوك لمن تهديها؟
لكل من اساء لي
- أسوأ خبر سمعته؟
كل شيئ نصيب يبني
- شخص لا ترفض له طلبا؟
اي حد بيطلب مني حاجه في مقدرتي بعملهاله
- من يطربك ؟
كلمه امي وهي بتقولي قلبي راضي عنك والشيخ الحصري والبنا ونعينع وعبد الباسط
- ما هي التجربة التي تتمنى تكرارها؟
مرحله الطفوله كلها
- من هو توأم روحك؟
بدور عليه لسه
- ماهوأكثر شيء تخشاه؟
فقدان شخص عزيز علي
- ما الشيء الذي يشعرك بأكبر قدر من الإحراج؟
ان حد يشوف دموعي
- نزارشاعر المرأة.. أنت شاعر من؟
شاعر الليل
- حمام زاجل استقر على نافذتك يحمل رسالة من مجهول ممن
تتمنى أن تكون؟
اتمني يكون من اي شخص ويكون فيها خبر حلو لاني تعبت من الاخبار الوحشه
- جريمة تتمنى أرتكابها؟
قتل وحرق كل سارق ومسيئ للمجتمع في ميدان عام

- قطعة فحم وجدارنظيف ماذا سترسم عليه، وماذا ستكتب تحت
الصورة؟
حرسم جزيره في وسط المحيط
واكتب تحتها هنا يعيش محمد الشنوري والمقربين اليه
ممنوع الاقتراب او مجرد التفكير فيه


- شخص وعدك بشي مهم جدا ثم اخلف ماذا تقول له ؟
اقوله شكرا لفضلك عليا لاني لو كنت وفيت بوعدك كنت حتوفر عليا دورس كتير اتعلمتها في سبيل الحصول علي الشيئ اللي وعدني بيه
ونلتقي في وعد اخر بس متزعلش مني لما اعاملك بنفس معاملتك

كلمة أخيرة بعد أن أصابك الملل؟
ربنا يديم معرفتكم ووجودكم في حياتي عليا نعمه ويحفظها من الزوال
و شوية كدة على ما امخمخ لك شوية بس ما تزهقش
انت نوباتجي النهارده ابقي روح مخمخ في الصحرا اللي انت قاعد فيها

المشاركة الأصلية كتبت بواسطة baskota

الموضوع سخن لما شنورى هددنا بالاستسلام
انت اللى جيبته لنفسك يا محمد هتتسأل بعدد الاعضاء اللى فى المنتدى
ربنا معاك بقا بس انا بقترح يجاوب كمان على اسئلة الاستاذ احمد ابوزيد اللى متجاوب عليها واللى كانت على سيبيل الهزار اكيد محمد هيفاجئنا باجابات غير متوقعة ومالهاش علاقة بالاسئلة كالعادة


بس انا ملاحظة اختفاء البيبسى والفيشار والمكسرات والمسليات

مينفعش كده

واضح ان قريحه الاعضاء فضيت من الاسئله عموما بكم اسعد ولكم قلبي يطرب