الموضوع: ايه رأيكم فى موضوع التمويل العقارى ده ؟

شوف الموضوع من نظرة دينية بحتة ... لو حلال ابقى شوف فين المصلحة ... ولو حرام انفد بجلدك

أنصحك بشراء الشقة نقداً للأسباب التالية:


أولاً: أغلب شركات العقارات تطرح خصماً خاصاً للدفع النقدي يتراوح بين 15% إلى 30% من المبلغ الإجمالي للوحدة السكنية.. منذ أشهر قليلة عرضت عليّ شركة مرموقة في التجمع 30% خصم على مكان كنت سأشتريه هناك إذا دفعت نقداً..


وعلى هذا الأساس، لو شقتك ثمنها 650 ألف ما ستدفعه فعلاً هو 520 ألف فقط لو أنك حصلت على متوسط خصم 20%.. أي توفير 130 ألف جنيه من حر مالك كان سيذهب لآخرين..


ثانياً: لو حصلت على تمويل عقاري لمدة عشر سنوات فسيكون في حدود 7%. يعني بعد 10 سنوات ستكون دفعت فائدة فعلية 455 ألف جنيه فوق ثمن الشقة.. وهذا غبن لا يقبله عاقل..

الآن الخيار لك: توفير 130 ألف جنيه وشراء شقتك بدون ديون، أو شراءها بديون ودفع 455 ألف فائدة للبنك ولو بعد حين..

شكرا يا جماعه على كل الردود الوافيه والنصايح الغاليه دى
وانا عن نفسى مش حابب الفكره اصلا بس والدى اللى مقتنع بيها
ملحوظه : هوه البنك مش هيجيب الشقه هوه والدى راسم على اننا احنا نشوف الشقه اللى تعجبنا والبنك يدينا الفلوس على طول واحنا ندفع

على افتراض ان سعر الشقة 600 الف جنية

فائدة البنك = 7% على ثمن الشقة سنويا بشكل متناقص
لو انت دفعت 100 الف مقدم الشقة ( دا من ضمن شروط التمويل العقاري انك تدفع نسبة من التمويل كاش )

هيطلع القسط الشهري ( تقريبا ) = 3800 جنية ...يعني بعد 20 سنة هتكون دافع ( 100 الف مقدم + 912 الف اقساط ) = مليون و 12 الف جنية ....
ودا معناه انك دفعت فوائد بنكية على تمن الشقة بما يعادل ( 412 الف جنية تقريبا على 20 سنة ...يعني اجمالي قسط الشقة في السنة الواحدة = 3800 القسط الشهري x عدد 12 شهر = 45600 جنية سنويا قسط الشقة )

النقطة الثانية انك تعمل المبلغ الاصلي وديعة اللي هو ( 550 الف جنية - بعد خصم 100 الف جنية مقدم الشقة - ) وعلى افتراض انك هتعمل شهادة استثمار بأعلى عائد اللي هو حاليا ( 10.5 % ) ...دا معناه ان فوائد المبلغ السنوية = 550 الف x فائدة 10.5 % = 57750 جنية .....يعني فائدة القرض هتغطي القسط السنوي للشقة مع الاحتفاظ بقيمة المبلغ الاصلي اللي هو 550 الف جنية

================================================== ========


ملاحظة ::
الحسبة بعيدا عن الدخول في موضوع الحرمانية يعني انا مقدرش افتي القرض دا حلال ولا حرام
معادلة القرض انا عاملها على النظام القديم ...لو مقتنع بكلام اللي فوق ..ألموضوع بسيط روح بنك الاسكان والتعمير او البنك الاهلي وقله في شقة سعرها 600 الف جنية عايز اعملها قرض عقاري شوف هيقلك مقدم كام والقسط الشهري هيكون كام عشان الحسابات تكون دقيقة لان الفائدة المتناقصة بيكون القسط الشهري متغير من سنة لسنة لان فائدة متناقصة وانا حاسب بارقام تقريبية


================================================== ==========
================================================== ==========

رأي خاص ...انتا لو مش هتتجوز دلوقتي ممكن تستثمر المبلغ دا بشكل ممتاز يجيبلك دخل ممتاز وتشتري شقة