الموضوع: كماليات لانسر شارك

المشاركة الأصلية كتبت بواسطة khaledelshafie

الله يبارك فيك
آمين يا رب العالمين
من معرض جودى موتورز في شارع متفرع من مكرم عبيد
ب 144 الف جنيه الفئة التانية وكيل دياموند
اللون الفيراني والفرش اسود بدون سبويلر
لسه مافيش ملاحظات طبعا يا دوب لفيت شوية في مدينة نصر
بس التكييف ضعيف او انا فيه حاجة مش فاهمها
هاقرا شوية في الكتالوج واحاول استكشف الموضوع
ممكن اكون دوست زرار غلط او حاجة
بس العربية عالية ومرتفعة عن الارض
شكلها فخم وراقى واللون الفيرانى بصراحة شيك عليها
انا عندى اسود في نفس الشارع بس وهما واقفين جنب بعض حاسس الفيرانى احلى عليها
وهى عموما الوانها كلها حلوة انا كنت عايز الشامبين او الفيرانى فالمعرض وفرلى الفيرانى
الموتور صوته لذيذ كده بيديك احساس عربيات الرالى
الصالون واسع من جوه والكراسى مريحة
العدادات شكلها شيك
بس التابلوه محتاج تكسر حدة اللون الاسود باى تاتش سيلفر كده هتفرق كتير
لو فيه اى ملاخظات هابقى اسجلها ان شاء الله

باشااا شكراا جدااا ليك و الفرانى احلى من شامبين انا شوفت الشامبين فى الشارع وشوفت الفيرانى حسيت كده بس الموضوع اذواق و الخيره فيما اخترها الله
وربنا يبركلك فيها انشاء الله ويديك خيرها و يكفيك شرها انشاء الله

المقدم الي حجزت بيه كان ٥٠٠ جنيه بس.. كانوا عايزين ١٠٠٠ لكن والدي قالهم ٥٠٠ كفاية ( الحمدلله) والمفروض ان العربية اصلا موجودة في فرع المرغني وهيجيبوها للمعادي ده كان كلمهم الي ماحصلش طبعا..

انا جيبتها لون احمر كان نفسي تبقى فرش اسود بس للاسف ماكنش فيه غير احمر بفرش بيج وحتى دايموند موترز نفسهم قالولي ساعات بتنزل كدة وساعات كدة بس الدفعة الي موجودة مافيهاش غير فرش بيج .. عادي بقى انشاء الله العربية الجاية فرشها يكون غامق.. لغاية دلوقتي انا مش حاسس باي مشكلة فيها انا انا عامل ٤٠٠ كم بس.... في الاول حاسيت ان زي مايكون الطنابر خشنة او حاجة بس ده غالبا علشان هي لسة جديدة والفرامل ماطبعتش على الطنابر.. هصبر لغاية صيانة الالف ولو لسة هقولهم..


التكيف عندي ممتاز انا نزلت رخصتها في عز الحر ولما عليته على الاخر وانا ماشي على الطريق كانت العربية تلاجة..

اه نسيت اقلك ان الفئة الاولى منغير اسبويلر الاسبويلر بينزل من ٣ او ٤ فئة لكن كنت مرة في معرض في المهندسين لاقيت فئة اولى فيها اسبويلر سالته ازاي ده قالي اصل دي الخليجي والاسبويلر ده بنركبه احنا ب٣٠٠_٤٠٠ جنيه.. بصراحة ماسالتوش حتى عن سعرها لاني مش مهتم اجيبها بضمان غير بتاع دايموند ده غير ان عربيتي الي من دايموند مكتوب عليها مواصفات خليجي جوة عند الباب..

وانا بقيت مش فاهم حوار مصري وخليجي المهم عندي انها صناعة وتقفيل اليابان وب١٣٤٠٠٠ وده سعرها الرسمي من دايموند الموزعين المعتمدين كانوا بيقولولي ١٣٥٠٠٠ ولو عايز الاحمر ١٣٦٠٠٠ المصرية قالولي ١٣٤٠٠٠ بس طلعوا عيني بعد كده..

المشاركة الأصلية كتبت بواسطة hamada524

المقدم الي حجزت بيه كان ٥٠٠ جنيه بس.. كانوا عايزين ١٠٠٠ لكن والدي قالهم ٥٠٠ كفاية ( الحمدلله) والمفروض ان العربية اصلا موجودة في فرع المرغني وهيجيبوها للمعادي ده كان كلمهم الي ماحصلش طبعا..

انا جيبتها لون احمر كان نفسي تبقى فرش اسود بس للاسف ماكنش فيه غير احمر بفرش بيج وحتى دايموند موترز نفسهم قالولي ساعات بتنزل كدة وساعات كدة بس الدفعة الي موجودة مافيهاش غير فرش بيج .. عادي بقى إن شاء الله العربية الجاية فرشها يكون غامق.. لغاية دلوقتي انا مش حاسس باي مشكلة فيها انا انا عامل ٤٠٠ كم بس.... في الاول حاسيت ان زي مايكون الطنابر خشنة او حاجة بس ده غالبا علشان هي لسة جديدة والفرامل ماطبعتش على الطنابر.. هصبر لغاية صيانة الالف ولو لسة هقولهم..


التكيف عندي ممتاز انا نزلت رخصتها في عز الحر ولما عليته على الاخر وانا ماشي على الطريق كانت العربية تلاجة..

شكرااا ياباشاااا على ذوقك وربنا يديك خيرها و يكفيك شرهااا ربنا بدومها نعمه على الكل انشاء الله
بس ايه موضوع الفرش ده ممكن توضحلى اكتر ؟

العربية الشارك ممكن يكون فرشها بيج او اسود بغض النظر عن لونها من برا.. لما بيستوردوها مش بيحددوا لون الفرش.. ف انا كان نفسي تبقى فرشها اسود.. لكن حظي ان الطلبية الي كانت موجودة كان العربيات الحمرا الفئة الاولى الي فيها فرشها بيج مش اسود..


اصل الالوان دي ازواق انا شايف ان الاحمر احلى معاها الفرش الاسود وانا اصلا بحب الفرش الغامق.. لكن اغلب اصحابي والناس الي كنت بسالهم كانوا بيفضلوا الفرش البيج وشايفين ان الاسود ده كئيب.. هي ازواق في الاول وفي الاخر

المشاركة الأصلية كتبت بواسطة hamada524

العربية الشارك ممكن يكون فرشها بيج او اسود بغض النظر عن لونها من برا.. لما بيستوردوها مش بيحددوا لون الفرش.. ف انا كان نفسي تبقى فرشها اسود.. لكن حظي ان الطلبية الي كانت موجودة كان العربيات الحمرا الفئة الاولى الي فيها فرشها بيج مش اسود..


اصل الالوان دي ازواق انا شايف ان الاحمر احلى معاها الفرش الاسود وانا اصلا بحب الفرش الغامق.. لكن اغلب اصحابي والناس الي كنت بسالهم كانوا بيفضلوا الفرش البيج وشايفين ان الاسود ده كئيب.. هي ازواق في الاول وفي الاخر

انا كنت فاكر ان على حسب الون الى بره
يعنى مثلاااا بيكون الون الى بره سيلفر و الى جوه اسود
والى بره مثلا فرانى الى جوه بيج
يعنى لون يكسر لون فهمنى ؟

حد ممكن يأكدلنا المعلومه لو سمحت

لا مش على حسب الون الي برا ولا على حتى على حسب الفئة لان انا شوفت من الاحمر فرش بيج وفرش اسود ونفس الكلام شفته في الفضى وفي الاسود...
اصل الموضوع ده جنيني والموزعين والمعارض كل واحد فيهم بيقول اي كلام.. وسالت في دايموند قالولي فيه كده وكده من كل الالوان وانت وحظك.. انا وصلت لمرحلة اني نزلت المهندسين وكل ما الاقي شارك راكنة في حتة او ماشية في الشارع انزل ابص على لون الفرش فيها..