سؤال بخصوص فورد فوكاس

**smora** · 18-09-2014 10:23 PM

عايزه اسأل بخصوص سياره فورد فوكاس من حيث اداء العربيه ومدى استحمالها وقطع غيارها اخبارها ايه متوفره ؟ وهل غاليه ولا ايه ؟

وعايزه اعرف هل ممكن الاقى منها فى حدود من 40 ل 45 الف اتوماتيك موديل ميقلش عن 2002 مثلا ولا :(
وشكرا

**pioneerahmed** · 18-09-2014 11:52 PM

بالسعر دة هتبقي حالتها وحشة
لو تقدري تزودي لحد 55 مثلا هتلاقي حاجات كويسة

بس هي عربية جميلة جدا قطع غيارها موجودة بس مش منتشرة اوي يعني هتلاقيها في ش دمشق و الحرفيين بس
و هي مش معقدة اي ميكانيكي كويس بيفهم فيها

**smora** · 19-09-2014 07:11 PM

المشاركة الأصلية كتبت بواسطة pioneerahmed

بالسعر دة هتبقي حالتها وحشة
لو تقدري تزودي لحد 55 مثلا هتلاقي حاجات كويسة

بس هي عربية جميلة جدا قطع غيارها موجودة بس مش منتشرة اوي يعني هتلاقيها في ش دمشق و الحرفيين بس
و هي مش معقدة اي ميكانيكي كويس بيفهم فيها

اشكرك جدا لردك .. بس السؤال اسعار قطع غيارها عاليه اوى ولا ايه وياريت لو عندك امثله لاسعار تقولى
عشان انا بقارن بينها وبين بيجو 206 اتوماتيك ومحتاره جدا ايهما افضل

**youssef1967** · 19-09-2014 07:17 PM

المشاركة الأصلية كتبت بواسطة smora

اشكرك جدا لردك .. بس السؤال اسعار قطع غيارها عاليه اوى ولا ايه وياريت لو عندك امثله لاسعار تقولى
عشان انا بقارن بينها وبين بيجو 206 اتوماتيك ومحتاره جدا ايهما افضل

السلام عليكم هى عربية ممتازة وانا معايا فوكس 2002 مانوال مثلا المساعدين جديدة امامى ب800 المانى وجيبت مرة كباس تكييف استيراد ب 600 جم وعموما عفشة العربية قوية جدا حتى لو فيها شغل ومش عاوز تعمله هتمشى بيك ومش هتحس بعيوب العربيات التانية بس للأمانة العربية دى مش للجرى بمعنى انها بتجمع ببطء نسبيا نظرا لثقل وزنها ولكن على الطريق محترمة وثابتة وبالنسبة للبنزين بعمل فى الصفيحة 220 كيلو بالتكييف وعلى الطوالى

**ibrahiiimooo** · 22-09-2014 02:36 AM

الاخت الفاضلة smora
تاني حقول لحضرتك ما ينفعش تقارني بين بيجو 206 و الفوكس 1
الاتوماتيك في الفوكس 1 موديل 2004-2005 بس اللي قبل كده كله مانيوال
الاوتو اقل حاجه يها حتبقي من 58 الف و امتي طالعة لغاية 65 الف
الاوتو اسرع في الطلعة و التسارع من المانيوال لانهم مش نفس الماتور ماتور الاوتوماتيك اقوى (الفوكس 1 الاوتو ليها نفس ماتور و فتيس الفوكس من 2006 لغاية 2011 بس على بودي اصغر بكتير)
قطع غيارها متوفرة الى حد ما و استيراد اكتر بكتييير جدا من البيجو (الفوكس 1 اكتر عربية مبيعا في العالم في الوقت اللي كانت بتنتج فيه) وفي ليها قطع غيار جديد تركي رخيصة جدا (انا مغير قاعدة الماتور الكبيرة بنوع تركي عملت 280 جنيه بس)
عموما الفوكس 1 لو لقيتيها بحالة حلوة حتحبي العربية جدا و اعتقد انك مش حتركبي غير فورد تاني وراها

**smora** · 22-09-2014 08:28 PM

المشاركة الأصلية كتبت بواسطة ibrahiiimooo

الاخت الفاضلة smora
تاني حقول لحضرتك ما ينفعش تقارني بين بيجو 206 و الفوكس 1
الاتوماتيك في الفوكس 1 موديل 2004-2005 بس اللي قبل كده كله مانيوال
الاوتو اقل حاجه يها حتبقي من 58 الف و امتي طالعة لغاية 65 الف
الاوتو اسرع في الطلعة و التسارع من المانيوال لانهم مش نفس الماتور ماتور الاوتوماتيك اقوى (الفوكس 1 الاوتو ليها نفس ماتور و فتيس الفوكس من 2006 لغاية 2011 بس على بودي اصغر بكتير)
قطع غيارها متوفرة الى حد ما و استيراد اكتر بكتييير جدا من البيجو (الفوكس 1 اكتر عربية مبيعا في العالم في الوقت اللي كانت بتنتج فيه) وفي ليها قطع غيار جديد تركي رخيصة جدا (انا مغير قاعدة الماتور الكبيرة بنوع تركي عملت 280 جنيه بس)
عموما الفوكس 1 لو لقيتيها بحالة حلوة حتحبي العربية جدا و اعتقد انك مش حتركبي غير فورد تاني وراها

اشكرك جدا ولمعلوماتك وانا فعلا اتعلقت بيها جدا من الكلام اللى قريته عنها بالرغم ان شكلها القديم ( الشكل الجديد من 2012 وهم وقاتلنى ) مش قد كده خصوصا لبنت وبالرغم انى اول مره هسوق واركب عربيه بس يهمنى جدا ثبات العربيه وادائها وربنا يسهل استنى شويه ادبر مبلغ وازوده واجيبها
شكرا ليك مره تانيه