خايف اشتري الباسات 2014

**Astra200** · 19-09-2014 08:17 PM

بيجو 508 -------- وانسي الكلام اللي بيتقال عن بيجو ---- مع البيجو الجديد في نقلة لايام بيجو زمان (504 ---505 )

انسي الباسات الفتيس حيعطل حيعطل --- ممكن وانت خارج من المعرض أو بعد 100000 ما حدش عارفله حاجة

البيجو هي أكتر عربية تمنها ارتفع في 2014 ---الباسات زي ما هي

**shakmak** · 19-09-2014 09:03 PM

بجد انا مش عارف اشكركم ازاي على الاهتمام و الردود دي كلها الواحد حاسس انة بجد وسط اخواتة اللي خايفين علي مصلحتة
ربنا يباركلكم
انا حنزل ابص على الاوكتافيا والبيجو و باردو حصلي استخارة و اكيد حكتبلكم عملت اية انشاالله

**amr salah eldin** · 19-09-2014 10:19 PM

لاشيء يتفوق علي الالماني ودة عن تجربة (من حيث الشكل و المضمون) و عموما الباسات 2014 بتنزل حاليا الفئة ال standard ب 239000 ودى تعتبر فاضية تماما وبدون جنوط , علشان الشكل الجديد هينزل مصر غالبا في منتصف 2015 وهيكون سعره مقارب لل cc يعني 360000-370000 علي اقل تقدير .

**Mohamedjetta** · 20-09-2014 01:07 PM

المشاركة الأصلية كتبت بواسطة hany63

واضح ان حضرتك مش بتقلب كويس في الاقسام التانيه
ده تقرير متثبت عنها بقاله حوالي سنتين و بيني و بينك فكرته بيبالغ شويه بس فعلا كل كلمه فيه في محلها
مع الاخذ في الاعتبار ان الموتور من ٢٠١٤ بقت قوته ١٦٣ حصان

http://www.nilemotors.net/nile/291613-508.html

و العربيه تقدر تقول انها شياكة الفرنساوي بنكهه المانيه موتور انتاج مشترك مع بي ام و فتيس سيستم بورش

و عندك حق ان معظم الفرنساوي اقل من الالماني بس البيجو تحديدا عندها موديلات كويسه زي ال ٤٠٦ و حاليا ال ٥٠٨
زي برضه ما فولكس كان عندها الباراتي و البيونتر اللي في رائيي ملهومش علاقه بالالماني

بسم الله ماشاء الله عربيه روعه انا مرتين اشوفها في الاسكندريه والغريب ان بشوفها في نفس المكان اللي شفتها فيه اول مره ونفس العربيه !!!!!!
مره كنت ماشي في حالي راجع من العجمي ونازل البلد المهم انا وراجع في طريقي بالعربيه الالنترا في حته اسمها وادي القمر وهوب شفت صاروخ ناري طلقه وطلعت البيجو 508 طبعا حاولت اجري وراه بس ملحقتش لانه كان طاير
برضو في نفس المكان بنفس العربيه اللي شفتها بنفس اللون برضو كانت طايره شكلي مليش نصيب اشد ورا العربيه دي مع اني عارفه النتيجه لصالح مين بس يلا اديني اتسلي
نسيت اقول الحته دي عمتا كبير الواحد يمشي فيها ميه و لو ماشي 100 لازم يعمل غرز لان السكه زحمه وع فكره بتاع البيجو كان معدي 120 وعمال يفادي العربيات و الحفر بسم الله ماشاء الله

**hany63** · 20-09-2014 02:20 PM

المشاركة الأصلية كتبت بواسطة mohamedjetta

بسم الله ماشاء الله عربيه روعه انا مرتين اشوفها في الاسكندريه والغريب ان بشوفها في نفس المكان اللي شفتها فيه اول مره ونفس العربيه !!!!!!
مره كنت ماشي في حالي راجع من العجمي ونازل البلد المهم انا وراجع في طريقي بالعربيه الالنترا في حته اسمها وادي القمر وهوب شفت صاروخ ناري طلقه وطلعت البيجو 508 طبعا حاولت اجري وراه بس ملحقتش لانه كان طاير
برضو في نفس المكان بنفس العربيه اللي شفتها بنفس اللون برضو كانت طايره شكلي مليش نصيب اشد ورا العربيه دي مع اني عارفه النتيجه لصالح مين بس يلا اديني اتسلي
نسيت اقول الحته دي عمتا كبير الواحد يمشي فيها ميه و لو ماشي 100 لازم يعمل غرز لان السكه زحمه وع فكره بتاع البيجو كان معدي 120 وعمال يفادي العربيات و الحفر بسم الله ماشاء الله

انت فعلا اتكلمت عن اكتر ميزتين في العربيه قوتها و سحبها على الطريق و انها بتاخد الغرز بسهوله و رشاقه رغم ان ده مش المتوقع لعربيه بالحجم و الارتفاع ده و انا كنت فاكر ان الغرزه لازم تتاخد على مرحلتين لقيتها في منتهى السلاسه عشان حتة السحب و القدره على المناوره
كنت رايح مشوار مع اختي و بالمناسبه سواقتها عنيفه و بتشد جامد هيا معاها اوكتافيا a5 مانيوال و دي عربيه قويه على فكره و انا كنت بالبيجو المهم حبت توريني ان الاوكتافيا هتحط عليها و سبتها قدامي بمزاجي لحد ما الطريق بقى رايق في نفق الثوره و هيا قدامي بتجري بمسافه على الشمال و انا جاي من ورا في اليمين اول ما دوست زياده على البنزين حاجه بسيطه مفيش ثانيتين بالعدد البيجو عدت من جنبها زي الاعصار بعد ما وصلنا بتقول لي انت ولا ما تكون راكب صاروخ مع العلم ان الار بي ام معداش ال ٣٠٠٠ لفه

**Mohamedjetta** · 20-09-2014 05:54 PM

المشاركة الأصلية كتبت بواسطة hany63

انت فعلا اتكلمت عن اكتر ميزتين في العربيه قوتها و سحبها على الطريق و انها بتاخد الغرز بسهوله و رشاقه رغم ان ده مش المتوقع لعربيه بالحجم و الارتفاع ده و انا كنت فاكر ان الغرزه لازم تتاخد على مرحلتين لقيتها في منتهى السلاسه عشان حتة السحب و القدره على المناوره
كنت رايح مشوار مع اختي و بالمناسبه سواقتها عنيفه و بتشد جامد هيا معاها اوكتافيا a5 مانيوال و دي عربيه قويه على فكره و انا كنت بالبيجو المهم حبت توريني ان الاوكتافيا هتحط عليها و سبتها قدامي بمزاجي لحد ما الطريق بقى رايق في نفق الثوره و هيا قدامي بتجري بمسافه على الشمال و انا جاي من ورا في اليمين اول ما دوست زياده على البنزين حاجه بسيطه مفيش ثانيتين بالعدد البيجو عدت من جنبها زي الاعصار بعد ما وصلنا بتقول لي انت ولا ما تكون راكب صاروخ مع العلم ان الار بي ام معداش ال ٣٠٠٠ لفه

ههههههههههههههههههههههههه ههه انا لو مكانك اقعد اذل كل واحد بيحاول يشد معاك اعمل معاه نفس اللي عملته في اختك وسيبه فرحان وتقوم مره واحده دايس نص الدواسه ههههههههه هتلاقيه ورا بيشرب شاي
حضرتك اخترت لون ايه ؟ اصل انا معجب اوي بالااسود مع الفاميه الدارك
انا جربت اشد مع عربيات كتير اوي وكان اكترهم بيتحط عليهم من الالنترا hd بس الهوندا سيفك شدها ملهوش حل وع فكره انا شديت مع a7 وزعلتها بس شكلها 1600cc
ربنا يبارلك في العربية وايه رايك في بيجو 308 او بيجو 207 ؟ هل دول احسن ولا الجيتا؟

**hany63** · 20-09-2014 06:44 PM

المشاركة الأصلية كتبت بواسطة mohamedjetta

ههههههههههههههههههههههههه ههه انا لو مكانك اقعد اذل كل واحد بيحاول يشد معاك اعمل معاه نفس اللي عملته في اختك وسيبه فرحان وتقوم مره واحده دايس نص الدواسه ههههههههه هتلاقيه ورا بيشرب شاي
حضرتك اخترت لون ايه ؟ اصل انا معجب اوي بالااسود مع الفاميه الدارك
انا جربت اشد مع عربيات كتير اوي وكان اكترهم بيتحط عليهم من الالنترا hd بس الهوندا سيفك شدها ملهوش حل وع فكره انا شديت مع a7 وزعلتها بس شكلها 1600cc
ربنا يبارلك في العربية وايه رايك في بيجو 308 او بيجو 207 ؟ هل دول احسن ولا الجيتا؟

اللي بيشد و ماشي في حاله افتح له السكه
انما اللي يقل ادبه و يحاول يلبسك و فاكرك هتترعب الصراحه ما بسيبوش و بعرف اخد حقي حتى لو ميكروباص بيبقوا طايرين و بعديهم بسهوله و بعمل معاهم زي اللي عملوه معايا و بفضل مخليهم ورايا عشان يحترموا نفسهم بعد كده مع الصغير قبل الكبير
و عموما الواحد جايب حاجه يستمتع بيها و في نفس الوقت ربنا يسترها معاه و على الجميع
السيفيك فعلا جامده بس بعد ال ٧٠ و تكون معديه رانج ال ٤٠٠٠ ار بي ام عشان المرحله التانيه من الفيتك تفتح
بالنسبه لل ٣٠٨ او ال ٢٠٧ معرفش عنهم حاجه و نسيب الموضوع ده للساده مالكينها بس عايز رائيي الشخصي ان لو مش فارق معاك فتيس الجيتا الدي اس جي خليك فيها احسن و اللي تعرفه احسن من اللي متعرفوش و خصوصا ان مفيش نقله جامده
عشان محدش يقول اهو اني منحاز للبيجو

**Mohamedjetta** · 20-09-2014 07:19 PM

المشاركة الأصلية كتبت بواسطة hany63

اللي بيشد و ماشي في حاله افتح له السكه
انما اللي يقل ادبه و يحاول يلبسك و فاكرك هتترعب الصراحه ما بسيبوش و بعرف اخد حقي حتى لو ميكروباص بيبقوا طايرين و بعديهم بسهوله و بعمل معاهم زي اللي عملوه معايا و بفضل مخليهم ورايا عشان يحترموا نفسهم بعد كده مع الصغير قبل الكبير
و عموما الواحد جايب حاجه يستمتع بيها و في نفس الوقت ربنا يسترها معاه و على الجميع
السيفيك فعلا جامده بس بعد ال ٧٠ و تكون معديه رانج ال ٤٠٠٠ ار بي ام عشان المرحله التانيه من الفيتك تفتح
بالنسبه لل ٣٠٨ او ال ٢٠٧ معرفش عنهم حاجه و نسيب الموضوع ده للساده مالكينها بس عايز رائيي الشخصي ان لو مش فارق معاك فتيس الجيتا الدي اس جي خليك فيها احسن و اللي تعرفه احسن من اللي متعرفوش و خصوصا ان مفيش نقله جامده
عشان محدش يقول اهو اني منحاز للبيجو

انت كده صح اللي يقل ادبه ظبطه وعلي فكره مره سواق ميكروباص كان هيلبسني في مقطورة راكنه ع جمب والحته دي كان فيها شويه رمله وفعلا دخلت ع القطوره ومفرمل والعربيه بتزحلق ( معنديش abs) وقعدت اتشاهد اول ما قربت من المقطوره بمسافه مترين رحت رفعت الهاند والعربيه فرملت ومخبطتش وبعد ما سواق الميكروباص عمل كده رحت انا طرت وبجري وراه زي المجنون عشان الاقيه و اول ما لقيته رحت ضربتله كلكس ورحت رميت جمب العربية عليه راح هو راح لجهه التانيه وقعدت طول الطريق ازنق عليه ومخلهوش يجري

اما بالنسبه لجيتا دي بتاعت بابا ومش فارقه معاه حكايه الفتيس ههههههههه بيقولي يبني العربيه بقالها تلت سنين مفهاش مشكله عاوز تخليني اغيرها ليه
حضرتك انت كل تعليقاتك مفهاش اي نقطه انحياز وربنا يبارلك