الموضوع: غيرت الكاوتش لعربيتى لانسر 2007 والمقاس205/55/15

طقت فى دماغى فجاة اروح اغير الكاوتش عربيتى سوبر اكشن 2007
الكاوتش القديم كان بيرلى وكان تحفةة الحقيقة المهم جة فى دماغى اغير المقاس بتاع العربية لاكبر طبعا اول مقاس جة فى دماغى بدون اما اغير الجنوط هو 205/55/15 ودة هيخلى الكاوتش اعرض للمش فاهم
وهيقلل بروفايل الكواتش حاجة ببسيطة جدا طبعا مخاطرة انى اغير خدت المتر وقيست المسافات بتاعة الكاونش بين الكواتش والرفرف وبين الكاوتش والمساعدين فية الحمد للة مسافة كويسة جدا
ممكن يركب كمان 215 مش 205
روحت وحاطط فى دماغى كذا نوع بردجيستون وميشلان وبيرلى وهانكوك
روحت المحل مللقتش ولا نوع من دول للمقاس دة مفيش غير Kumho Ecsta ku31
انا سمعت كتير انة كويس اوى بس انا مجربتوش قبل كدة مكنش قدامى حل غير انى اغيرة
سعرة 550 الاربعة 2200 بالترصيص والبلوف النتروجين توكلت على اللة
دة الكاوتش الى غيرتة Kumho Ecsta SPT KU31 205/55R15 88V from Crieff Tyres
مشيت بالعربية اول شوية حسيتة ناشف اوى واتعقدت منة بعد شوية لقيت الدنيا تمام
ودة طبعا مكانش عيب كاوتش دة علشان العربية كان مرفوعة والمساعدين مكنتش ريحت لما نزلت العربية
الثبات زاد بنسبة كبيرة جدا فى الملفات مش الثبات بمعنى الكلمة لان المسئول عن الثبات هو العفشة اقدر اقول التمساك على الطريق زاد جدا جدا جدا ودة بفضل الكاوتش احترمت الماركة بصراحة لماا ركبت النوع دة مع انى فى الاول كنت بحتقرها جدا
والحمد للة مفيش حك من ورا ولا اى حاجة خالص الى عايز يجرب مش هيحس بفرق خالص
غير ان التماسك فى الملفات هيزيد جدا جدا وتجربة هايلة فعلا
واى استفسار انا تحت امركم

المشاركة الأصلية كتبت بواسطة محمود السيد

اولا الف مبروك على الارض وياريت تقول لينا مقارنة بين الكومهو والبيرللى لانى ان شاء الله مقبل على شراء فى خلال يومين بالظبط

مش هعرف افرق التمساك لان المقاس مختلف
بس صوت الكومهمو اقل بكتير من موديل البيرلى الى كان معايا
ولحد الان عاجبنى اوى بالذات انا
traction aa
بصراحة الفرملة فى الرمل اختلف تماما عن الاول
انا من كتر ما حبيتة حاسس انى هنزل ابوسة