الموضوع: قولوا هندى قولوا صينى برضه النيو صنى مكسرة الدنيا فى المبيعات

https://mobile.twitter.com/SaudiMCI/...19093457133568

المشاركة الأصلية كتبت بواسطة adel_edrees

1

موتور صيني

على فكره الموتور يابانى متصنع فى الهند مش صينى

المشاركة الأصلية كتبت بواسطة adel_edrees

1- أولا صلى على النبى و أهدى أحنا مش بنتخانق العربية النيسان كويسة عيبها الوحيد و الخطير جدا هو أن جسمها ضعيف ده بالنسبة للعربية كعربية أذا كان في عيوب تانية فتبقى عيوب بسيطة ممكن التعامل معها حتى و أن بدت كبيرة للبعض
2- أن كل اللى مضايقنى أن في ناس ماعندهاش خبرة بالعربيات أشتروا العربية دى على أنها نيسان اليابانية و بالتالى مايعرفوش أنها شتسيه هندى و موتور صيني
3- نبدأ بقى بالغلط اللى أنت غلطته في
- اللوجو اللى أنا حطه و حضرتك فاكر أنه مرتبط بالغربية اللوجان بتاعتى أنا أصلا بأحب الرينو بغض النظر عن العربية اللى بأمتلكها رغم أن سمعتها الميكانيكية في مصر مش مرضية قوى في ينة 90 والدى أشترى لى عربية رينو فويجو تسمع عنها الكلام ده كان سنة 90 مو 81 دى كانت حبيبتى و معشوقتى الأولى العربية ماكنش ليها قطع غيار و لأانها عربية كانت عاملة حادثة من قبل ما أشتريها و طبعا أنا كنت عارف ورغم أنها أرفتنى ألا أنى تمسكت بعا جدا و حبيتها لأنها كانت كوبيه و روشة و كان الأزاز كهربا و كان و الدى عنده 504 بيجو و كان الأزاز بتاعه يدوى المهم بعتها و جبت رينو برضه رينو 5 العربية دى كانت مكسرة الدنيا في أوربا و لما كبرت و جبت رينو أوبتيما تسمع عنها و بعتها و كانت أمنية حياتى و مازالت ميجان 2 نضيفة
ده غير أنى أمتلكت فيات 1300 و 125 و 128 3 مرات و سيات 133 و حاجات كتير ضايعة
أذن الموضوع مالوش غلاقة بنوع السيارة اللى أمتلكها الأن في حاجة تانية اللوحو مسألة شخصية أنت بتقول أن أنا فرحان بالرينو لوجان و أن العربية أملة بالنسة لى حأقوللك أه و
حأقوللك ليه بعدين

- اللوجان ياسيدى الفاضل من انتاج شركة داتشيا الرومانية وهى شركة مملوكة بالكامل لرينو من 1999 اللوجان تم تصميمها في فرنسا في 2004 و المواتير المعتمد هي مواتير رينو الفرنسية و السيارة تم أنتاجها بنفس الشكل في المكسيك تحت أسسم نيسان أبريو السيارة موتورها المانيوال ب الجير بوكس هو نفسه موتور الميحان 1 k7m أما موتور الأوتوماتيك فهو موتور السينيك k4m لو سعادتك روحت توكيل رينو و عملت صيانة اعربيتك حتلاقى قطع الغيار اللى بتركب مكتوب عليها made in france
-أخر حاجة حأقولها لحضرتك خش على موقع نيسان العالمية حضرتك عارفه طبعا أكيد و شوف نيسان صنى - فيرسا بتتباع فين و أحكم على البلاد اللى بتتباع فيها ودى قائمة بالبلاد اللى بتتباع فيها

Americas versa

urope armenia

egypt

india

china

ANGOLA

BAHRIN

JORDAN

Qatar

Mozambique , KENYA ,SOUTH AFRICA, ughanda,zambia (ALMERA)

LEBANON

Madagascar

oMAN

SAUDIA ARABIA

uae

yemen

OLD SUNNY

PAKISTAN

SUDAN

KUAWIT

OLD OLD SUNNY SCALA

ALEGRIE

GHANA

SUDAN

syria

وده لا يقلل أبدا من أحترامى لملاكها اللى أبن خالتى اللى هو في مقام أخويا الكبير مالك ليها و أنا بأسوقها يوميا و ما علش لو الكلام ده ضايق حد أنا بأعتذر و بشدة أرجو أن ما حدش يزعل منى

اولا اللهم صلي على سيدنا محمد
ياسيدي انا لابتهكم ولا عمري أقدر أغلط في حد ودي طريقتي بس في التعبير عن مدى الاستغراب من منتقدي العربيه دي
يعني عربيات كتير بتتقفل في مصر - مرسيدس - جيب - bmw - ومشوفناش حد بينتقد التقفيل بتاعها !! يمكن عشان عربيات غالية ؟ أو يمكن الماركة بتخوف شويه
شيء عجيب اوي هو احنا بنصنع عربيات ؟ دي خطوط تجميع لمكونات مستورده وتحت اشراف الشركة الام
وبخصوص الموتور فهو والجيربوكس ياباني ومحطوط في موديلات نيسان قبل كده وحطينا الكود بتاعه والموديلات اللي نزلت بيه وكذلك الجيربوكس ..
وياسيدي احنا دول لاتنتج شيء ومع ذلك قاعدين نتهكم على خلق الله !!!
يعني الهند دي طلعوا مركبة فضائية للمريخ وهما كده رابع دولة في العالم تنجح في الانجاز العلمي ده ومع ذلك لسه بنقول هندي وصيني و عايشين في أوهام تجاوزها صناع السيارات وصناع التكنولوجيا في العالم ... كله دلوقتي صيني وهندي وكوري وتايواني وتايلاندي ومكسيكي يافندم والشركات عندها مصانع في دول كتير لخدمة مناطق جغرافية وأسوق محددة .. الموضوع قتل بحثا والعربية معايا من اكتر من سنة ونص بلا أي مشاكل الحمد لله ولا فرامل ولا أي حاجة .. مش عارف ايه موضوع الشاسيه الضعيف ده يعني هو انا لما اعمل حادثه حتفرق ايه حجم الضرر في الشاسيه والرفرف والكبوت اتنوا بنسبة ايه ؟
حادثة يعني سمكرة ورش وخلاص .. المهم امان العربية وده موجود وبسعر اقل من منافسيها واخيرا العربية اعتمادية لاقصى درجة وبدون اي مشاكل حقيقية ..
على فكره جروب ميتسوبيشي شارك على الفيسبوك بيتكلموا عن مشاكل في العزل وزنة في التابلوه والشبابيك والفرامل في الفئة اللي بدون abs ضعيفة والعربية تقفيل ياباني بالكامل . دمت بصحة

بالمناسبة عاوز احكيلك موقف كنت في الشغل وكان عندي زيارة للشركاء الأجانب ومنهم مدير عام العمليات بالشركة وكان مفروض يصوروا حاجة مهمة جدا بالكاميرا وعاملين تصريح بالتصوير وللأسف نسيوا الكاميرا وطبعا كانوا هايرجعوا تاني وكانت مشكلة وانا حلا للمشكلة قلتلهم نصور بالموبايل.. تصدق كانوا 3 خواجات مافيش معاهم تليفون بكاميرا؟؟ واحد فيهم قالي ده تليفون وبس ولو انا عايز كاميرا هاشتري كاميرا!! بغض النظر كلامهم صح أو غلط.. كل واحد يحدد هو عاوز ايه من الحاجة اللي بيشتريها.. انت ركبت عربيات مالهاش لازمة باعترافك.. مافيش داعي حد يحاسبك على اختيارك ويعمل عليك خبير وناصح وفاعل خير.. ياسيدي الشعب المصري عارف الكفت ومش مستنى ناس تيجي تقوله أصلها هندي وياباني والكلام ده.. يعني انت اللى عارف السر الحربي ده لوحدك.. اليوتيوب موجود وجوجل موجود ومواقع التقييم والاختبارات موجوده.. وفي ناس ولايفرق معاهم الهري ده كله

نيسان الهند

http://www.nissan.in/en-IN/Vehicles/Sunny.aspx