لية رايكو ياجماعة تويوتا كورولا الفئة التالتة ولا a7 الفئة التانية والى يختار يقول لية
عرض للطباعة
لية رايكو ياجماعة تويوتا كورولا الفئة التالتة ولا a7 الفئة التانية والى يختار يقول لية
كشكل وخامات اوكتافيا
كموتور وتسارع الكورولا افضل
بصراحة انا من وجهة نظرى السيراتو افضل من الاتنين فى السعر و توافر قطع الغيار و اعادة البيع و كماليات اكتر بكتير و صالون واسع جدا
على حسب حضرتك راكب ايه دلوقتى. ....
الأوكتافيا تتفوق فى التقفيل ومساحة الشنطة
الكورولا تتفوق فى السحب
من البروفايل واضح حضرتك كنت راكب اكسنت وصني و دول تسارعهم كويس فاعتقد حضرتك هتستريح مع الكورولا اكتر وهتلاقي اوبشنز كويسه جدا مقارنه بالاوكتافيا
لكن الاوكتافيا مش بطه ولا حاجه في السحب تسارعها مقبول قبل 60 بعد 60 بتتحول وحش لو عملت كيك داون هتلاقيها بتطير
انا برشح لحضرتك الكورولا وهتحس معاها بالنقله
انا اسف جدا يا جماعة اني بخرج عن سياق الموضوع الاساسي و لكن وجب تصحيح بعض الكلام :
1. السيراتو مفيهاش تبريد للكراسي
2. حجم الجنوط ال 17 مهياش ميزة في مصر ده عيب خصوصا لو علي 45 او 40 عشان البلالين و نشوفية العفشة
3. و سع السيارة بالنسبة للكورولا اوسع بفارق ملحوظ جدا وراجع معلوماتك في النقطة دي هتلاقيهم نفس العرض و في الطول الكورولا اطول ب 8 سم كاملين مش عارف حضرتك جبت الكلام ده منين ده المفروض حضرتك عاملنا اقوي مقارنة تفصيلية مبين كورولا و سيراتو و النترا و حاطت بروشور العربيات لو كلفت نفسك ثواني و بصيت علي ابعاد السيراتو و الكورولا مكنتش هتقول الكلام ده خالص ووانا مجبتهوش من برة ده من موضوعك
http://www.nilemotors.net/Nile/436855-a.html
4. حجم الشنطة كورولا 470 سيراتو 421 يبقي ازلي اوسع يعني ؟
5.سعر السيراتو اللي فيها الكماليات دي ب 195 الف في التوكيل و سعر الكورولا بالكماليات دي ب 190 الف في التوكيل يبقي 25 الف منين و متقوليش الهاي لاين لانها فرقا جامد فيالاوبشن انا بتكلم علي عربيتين زي بعض في الاوبشن .
6. الكورولا متنزلش بليدات ! معلومة جديدة بالنسبة لي امال الناس بتشاورلي اطفي نور ال drl الصبح ليه ؟ طيب دي صورة ايه ؟
http://nileup.com/up/uploads/nilemotors_14112845151.jpg
فانوس الكورولا ليدات حضرتك و ب 3400 اما السيراتو 6500 و ده واقع مش خيال
7.بالنسبة بقا للاوبشن اللي في الفئة التانية كورولا 190 الف و مش موجودة في السيراتو 195 الف فالكورولا بتتفوق في
تكييف اوتوماتيك تاتش dual zone
حساسات ركن جانبية
خاصية الركن التلقائي auto park
Follow me home
و تسحق السيراتو في وسائل الامان زي
VSC+
TRC
EBL
HAC
شكرا لوقتكم جميعا و اسف جدا لصاحب الموضوع اني خرجت برة السياق