و الله يا بشمهندس مش قادر احسب بالظبط بس اكيد ها تكسر ال 1500 مرتاح ...........حد يقدر يقولى الحاجات بالظبط والاسعار دلوقتى ايه
عرض للطباعة
طبعا كونك انك بتعمل الحاجة بإيدك دة شيئ جميل جدا
بس مش عارف موضوع العمرة بالتحديد دة بقلق منه لدرجة ان الصنايعي ممكن يعمل العمرة والعربية تسخن او تلاقي فيها مشكلة علشان العمرة متعملتش صح او قطع الغيار المستخدمة مش كلها كويسة دة بالاضافة طبعا للوقت الضايع والمجهود
فكنت دايمن بفاضل بين العمرة وتسقيط موتور استيراد
وفى النهاية بتمنالك نجاح التجربة
ودا تقر يبا اللى انا عملتة السمكرى قال طلع الموتور برة ومصدقت فكيت الموتور فى البيت واشتغلت بس طبعا وقعت فى اخطاء كثيرة لن دى كانت اول تجربة ليا انى اخرج الموتور برة وعلشان كدا مش حبخل عليك بخبرتى اللى اكتسبتها وساجنبك الاخطاء التى وقعت فيها واتعلمت منها كثيرا:::
اولا : حتفك مشترك الجكمان اربع صاواميل 13 او 12 **
ثانيا : حتفك عمة الكاربرتير صواميل 8 ال3 تخرج العمة بالخرطوم خارج السيارة**
ثالثا :حتفك واير البنزين من بكرة الاكسرتير وتفك وصلة الكهرباء بتاعة البك***
رابعا: فك موزع البنزين اللى بيبقى تحت العمة وفك خراطيم البنزيم كلها من الطلومبة الى الكاربرتير***
خامسا :حتفك غكاء التاكيهات صواميل 10**
سادسا فك خرطوم المية الغليظ من عند الريداتير وفضى المية من العربية**
سابعا : حنفك خراطيم المية اللى فى الكاربرتير ان وجدت واللى فى المانيفود وخرطوم الراجع اللى رايح للقربة وخرطوم الكوعة اللى نازل للريداتير***
بكدا العربية خلاص انتهى المتعلقات العلوية وبقت فاضية وجاهز لفك وش السلندر مع المانيفود كتلة واحدة***
حتشترى مفتاح الانكية مقاس 10 المانى روح لبتاع العدد قول انا عاوز الانكية وش السلندر المانى وهو مقاس عالمى ومعروف* كمان مفتاح 12 و13 عادى ومشرشر**
لازم يكون معاك ماسورة حديد طول متر او اقل قليللا علشان تعمل عزم معاك مع الانكية عن الفك والربط***
الصورة دى بتوضح ترتيب فك وربط مسامير وش السلندر **
http://im62.gulfup.com/GEBirm.png
ابداء الخطواط دى وقولى وانا حتابع معاك***
الله ...نفسي والله أتعلم الشغل ده ..نفسي أعمل كل حاجه بنفسي ..يعني هو الميكانيكي ده مولود في إيده مفتاح بلدي
الحمد لله فكيت الوش النهارده .......و ها بدا بفك الصبابات و تنضيفها و عمل روديه و تنضيف الوش ....ايه رايكم انزل المكنة ولا اسيبها و اعرف ازاى ان حالة البساتم و الشنبر كويسة
تمام كدا الله ينور حتعرف تفق الصبابات ؟؟؟؟
بص كدا على البستم من اعلى لو فى كربون وحرق على جسم البستم يبقى تمام لو نضيف وناعم يبقى مشكلة وحنشرحها:::
لو لقيت البستم ناعم ومعلهوش كربون اعرف على طول ان دى مشكلة شنبر او شميز وعلشان نتعرف على مشكلة الشميز حتسقط البستم الى اسفل بطريقة دوران الفردة حتلف الفردة البساتم حتتحرك باناملك حس كدا على حواف السميز من اعلى وانزل الى اسفل قليلا لو فيه بروز يبقى الشميز معتب ودا سبب خروج الزيت لو املس وناعم ومستوى يبقى الشميز تمام***
عاوزك كدا ابهام اصبع يديك الاثنتين تحاول تهز البستم الى الامام والخلفاو اى اتجاهين يمين وشمال مثلا شوف كدا لو فيه هزة واضحة يبقى مشكلة الشنبر**
شوف كدا الخطواط دى وانا فى انتظارك**
:camera2: هو الصبابات صعب فكها ؟؟ انا شايف انها تيل و بيتفك عادي .....بس لسه هاروح ابص زي حضرتك ما قولتلي بس من النظرة المبدءية شايف ان في هباب كربون كتير وفي الشميز الاول ناحيةالفتيس مجرح شوية بس لسه هاعمل فحص دقيق زي ما حضرتك قولت و هاقول الوضع بالتفصيل
فك الصبابات سهل وممكن انتا تفكها بنفسك لاكن الركيب اعتقد حيبقى صعب جدا عليك الا لو عملت زى ما انا عملت ابتكرت آاله يدوية بيها بفك وركب السباب بدون دق او خبط وعلشان كدا عاوزك ياأحمد تبص على موضوعى دا حتلاقى كل حاجة انتا بتسال عنها***
http://www.nilemotors.net/Nile/401108-a-2.html