الموضوع: نصيحه لتغيير محرك فيكترا 95 اوتوماتيك

بيتهيئلى ان الموضوع اكبر من كدا موش بالسهولة دى مكنش حد غلب و لا اية يا عتاولة الاوبل

المشاركة الأصلية كتبت بواسطة mahmoudw

انا عندى عربيه اوبل فيكترا 95a عليها موتور 2000 cc اوتوماتيك الماف مجننى وحالة الموتور سيئة وحبيت اسقط موتور غير الى عليها ومحتار ايه الموتور المناسب ليها ويكون 16v وقريت فى المنتدى عن الموتور الايكواتيك فهل هو مناسب ولا لأ يعنى هغير فتيس ولا عفشه فالله يبارك فيكم دلونى اعمل ايه

تم تعديل العنوان بواسطة منسق القسم

يا استاذ محمود انا قريت لحضرتك اكتر من موضوع وعلى نفس السؤال
الاجابه
حضرتك ينفع انك تسقط موتور ايكوتيك 2000 cc بالدفيره بتاعته بكنتروله
وبدون اى تعديل فى الحوض او العفشه
بس اللى انت محتاجه وتدور عليه بذمه حبتين هو الصنايعي اللى هيسقط
وانا رايي انك تسقط عند التاجر لو عنده الصنايعى
بالتوفيق

صح يا فادى باشا - لازم يكون نفس النوع - دايو فى دايو و اوبل فى اوبل

معلش سؤال ،

الماتور 2000 ايكوتك بضفيرته بكنتروله وبكل مشتملاته ينفع يتسقط جوا العربيه بدون تعديل ولا بيحتاج تعديل قواعد و الحوض والعفشه الاماميه بالأخص ؟!! يا ريت حد يكون متأكد جداً من الموضوع دا يجاوب او يأكد على الكلام دا ويا سلام لو كان مجرب الموضوع دا

وبالنسبه للفتيس !! فهل هينفع يتسقط الماتور الايكوتك بفتيسه ولا هيركب على الفتيس الاتوماتك القديم بدون مشاكل ؟!!

وطبعاً بالنسبه للمااااااااااااف ، فهل هنترحم منه ولا الماتور الايكوتك 2000 هيكون فيه ماف مقرف وغالى برضه :) :)

وشكراً مقدمـــاً للجميع ،،