السلام عليكم يا زملائى الأعزاء

من فتره كده وأنا بدأت أحس برجه فى العربيه مع دوسه الفرامل ... خاصه لو دوسه جامده شويه والعربيه على سرعه

التشخيص بتاعى إنها طنابير فيها ريجه ... خاصه ان العربيه اتغسلت والعجل اتغسل معاها وكانت راجعه من مشوار وسخنه
الطنابير الامامى كنت دخلتها مخرطه من فتره قبل التيل اللى ركبته ،،، وكانت كويسه
كنت جايب طقم تيل امامى بوش اصلى استيراد كان موجود فى طنابير عند اسلام عبد الشافى وكانوا بحالتهم بس بعد شهرين لقيتهم فى التلت الأخير !!! ... والخلفى زى ماهو

كده انا شاكك فى الطنابير وحابب أسألكم على الأسعار وأفضل نوع إيه فى الجديد طبعا لأن مبدأ الطنابير الإستيراد مرفوض بالنسبه ليا بعد ما شفتهم فى كوم عند العايدى والصبيان اللى عنده عمالين يرموا على الكوم ... فطبعا أكيد معظمهم يا مشروخ يا بيشاور عقله يا فيه ريجه من طريقه التخزين

الطنابير عندى خمسه خرم على جنط ١٥ بوصه .. أمامى وخلفى ديسكات
تحياتى