الموضوع: مشكلة فى سحب العربية ... حلوهالى يا حابيعها ؟

المشاركة الأصلية كتبت بواسطة sakr_skoda

كدا كدا الجنوط بتسخن استاذ ايمن لاكن بدرجة معينة يعنى انك تحط ايدك عليها تحس بالحرارة لاكن لو ملهلبة وبتلسع دى المشكلة وخليك فاكر انى قلت لحضرتك ارفع العربية ولف العجل علشان نتعرف على حالة التيل والطنابير لاكن حضرتك مسمعتش كلامى

يا عم صبحى الميكانيكى اللى قبل ده من رمضان اللى فات قلى خلى بالك التيل عندك عاوز يتغير و هو شغال شويه ... فلما ظهرت المشكلة ديه الميكانيكى الجديد قلى العيب عيب تيل في واحدة بتمسك و التانية بتمسك متأخرة و بالتالى لما بترد ... بترد متأخرة فالتيل بيسخن الطنبور و فعلا لما جبت التيل الجديد الفرق واضح قوى فى تخانة التيل وكده كده أنا كنت عاوز أغيره علشان أبقى ماشى مطمن و بالتالى المشكلة تخلص ....... فهل هنا العيب فى السيرفو ولا إيه المشكلة .

يبقى مش عاوز حضرتك تتعصب ولا تزعل احنا بنحاول نساعدك والله بكل اخلاص وامانه ومش عوزينك تصرف مليم**

و الله يا عم صبحى أنا عارف مدى حبك لينا و حضرتك بتساعدنا بكل طاقتك لوجه الله لحل أى مشكلة و فى نفس الوقت علشان ما نغرمش فلوس و كذلك الإخوة الأفاضل هنا فى المنتدى .

أنا اللى مدايقنى إن المشكلة لازلت قائمة بالرغم أم إنى مش بستخصر فى العربية أى شىء.

اخيرا عاوزك تعرف ان الجنوط الحديد بطبيعتها بتسخن بس بدرجة معينة تحس بيها لاكن متلسعش ****

ربنا يجزيك عنا كل الخير و يجعله فى ميزان حسناتك ............. اللهم أمين

المشاركة الأصلية كتبت بواسطة sakr_skoda

شوف استاذ ايمن انا باقولك الخلاصة فى المشكلة اللى مستحيل اى صنايعى يصارحك بيها هما عاوزين يشتغلو ويقبضو وانتا اللى بتدفع::

إحنا فى المنتدى ماعندنا شك فى المعلوماتك اللى بقولهالنا و عارفين أنك بتحب تعرف أساس المشكلة و تجيب من الأخر 1-2-3 ....... و اللى حضرتك بقؤلهولى بروح للصنايعى أكلمه على أننى فاهم أساس المشكلة علشان الإشتغالات ....
أيضا لاحظ ديه أول عربية ليا و عملية الفك و التركيب ديه مش أى حاجة أعرف أعملها لكنى زى ما قولتلى قبل كده بص على الباشمهندس و هو شغال علشان تعرف ... فعلا لاقيت عملية تغيير التيل ماهى عويصة كده بقى أنا ممكن أغيره بنفسى لأنه فك جزء كنت أجهله

انا لما باقولك ارفع العربية ولف العجلة بايدك دا علشان تعرف لو فى خشونى او بتقفش فى منطقة معينة او فيه خروشة من البلى كله حيبان وانتا بتحرك العجلة وممكن كمان تدور العربية وتديها الغيار الأولنى وانزل بص على الفردة وهى بتتحك واتصنط كدا بودنك فى صوت خروشة ولا لاء علشان نتعرف على حالة البلية والتيل والطنابير كلة فى حركة واخدة***

فعلا النهارة رجعت للباشا مرة تانية و قولتلوه العربية زى ما هى لسه الجنوط بتسخن ... بص عليها و قالى ماهى لازم تسخن برضوا ... قولتلو ماشى بس مش كده الجنط بيلسع و ده كدا مش تيل ده مستر فرامل العجل نفسه .. ... قالى إفتح الكبوت ...بص و قالى الماستر العمومى قولتله أنا مغيره من شهرين و جايب ( مايلى ) ألمانى ..... راح رافع العربية و حاول فعلا يحرك العجلة لاقاها جامده قوى ( قافشة ) فقالى ( أنت عندك حق و أنا كنت غلطان ) راح فاكك سلك الفرامل و مطلع البساتم و شحمهم و خلانى جبتلوا كوتشات للبساتم كوتش داخلى و خارجى و الدنيا زى الفل و العربية تمام .... روحت البيت بصيت على الجنوط تانى .............. لاقيتها زى ما هى ( سخنة )

أعمل إيه تانى يا ناس .....

أنا بقى أعتقد أخر حاجة أنها فى رولمان بلى العجل

المشاركة الأصلية كتبت بواسطة sakr_skoda

ياعم ايمن بتسخن عادى بتلسع جامد دا اللى مش عادى وعرفت بقى لما قلت ليك فى التليفون خلى الميكانيكى يبص على البساتم ***

فيهم جنط سخن أوى و الجنط الشمال بيلسع

طيب ارفع العربية بالكوريك من جنب ولف العجل بايدك لو لفت عادى يبقى خلاص بلاش اوهام وفكك من السخونة دى عادى لو قافشة يبقى المشكلة اما طنابير امل مشكلة فى منظومة الفرامل**

النهاردة لما رفع العربية كل عجلة على حده كانت قافشة فعلا و بتلف بصعوبة و لما عمل البساتم و خلص لف العجلة بإيده كانت فعلا بتلف بسهولة و ناعمة جدا

هل كده فى مشكلة فى الرولمان بيل