الحمد لله تم حل الماني فولد وفرن الشكمان لتغيير جوان الماني فولد وذلك بسهوله جدا كل ما تحتاجه مفتاح 13 ومفك عاده نبدأ بحل العمه بمفتاح 10 ومفتاح 8 بالمفك نحل خراطيم الميه والسرفو هانلاقي عندنا 12 صاموله 4 فوق في الماني فولد واتنين تحت ودول الاصعب و4 للفرن على الجنبين و2 في منتصف الفرن ودول بعد خلع الماني فولد بالنسبه لل2 اللي تحت الاصعب هانحلهم بمفتاح عن طريقه ادخاله من تحت المشترك بتاع الفرن من الناحيه المقابله للصاموله يعني الصاموله الشمال ادخلها المفتاح من اليمين وسنه سنه كده هايحل معاك بعد حل مسامير الماني فولد ال6 نخلع الماني فولد بالتوازي من تحت مع فوق يظهر لنا الفرن والصامولتين بتاع النص نحلهم هانلتقيه ماسك شويه بأي مفك قوي او مفتاح نقرص قرصه صغيره وبرده بالتوازي فوق مع تحت هايطلع بكل سهوله وانتظرو رفع الصور ان شاء الله

بس المشكله اني بعد الحل لاقيت الجوان زي الفل فانا هاقفل عليه تاني هو هو بس لا حظت طينه ورمل كتير في الماني فولد هاسلكه طبعا وحاجه تانيه يوجد اربع فتحات به اللي هم واصلين للكربرتير وبيتحرق فيهم البنزين 2 يمين 2 شمال وتحت كل فتحتيت فتحه مثلثة الشكل بيمر فيها الميه بس السؤال الفتحات دي لازمتها ايه لما هي مش نافذه على وش السلندر لاني لاقيت الجوان تحتيهم سد وطبعا مش مسدود لا ده هو الجوان كده وبما اني ما شلتش الجوان مش عارف فيه فتحات تحت الجوان في الوش ولا لا ارجو الافاده