انا لسة مشترك النهاردة فى المنتدى وعايز نصائح من خبراء المنتدى لانى صرفت فلوس كتيرة جدا بلا اى فائدة نظرا لجشع وقلة ضمير الصنيعية المشكلة تتلخص فى الاتى
انا معايا عربية ابيزا 1000 سى سى انجكشن موديل 98 من فترة الموتور دخن ولما الميكانيكى فتح الماتور وجد البلوكة سيئة للغاية وفتحات المياة والزيت متاكلة ووسعة جدا قالى لازم نجيب بلوكة المهم اشترينا ماتور كامل 1400 بالفتيس بالكنترول بعد ماركب الماتور مش مظبوط على السلانسية فية رجة جامدة قالى امشى علية شوية دة طبيعى لانة مركون من فترة مشيت بية حوالى 600 كيلو ولا زال الوضع كما هو رحتلة تانى وسيبتلة العربية وبعد يومين قالى تعالى استلم العربية روحت وجت العربية احسن حاجة بسيطة وقالى هى محتاجة تتظبط كهرباء
روحت لكهربائى كشف وعمل سكان قالى الكهربة مظبوطة بس سلندر رقم واحد انا شاكك انة ضعيف المهم روحت لميكانيكى تانى يكشف ويطمنى قالى الماتور سلندر رقم واحد ضعيف جدا ودية بان لمل فصل سلك لبوجية ووجد انة لايوجد تغير فى الماتور وكذلك فيسة الرشاش وقالى كمان ان الماتور مفكوك قبل كدة ومحطوط جوان جرنجريد طبعا استغربت جدا اتصلت على الميكانيكى الاولانى سئلتة قالى انة فعلا فكك الوش لانة كان شاكك فى الصبابات وغسلهم وركبهم تانى كل دة ولم يخبرنى بما فعلة قلت للميكانيكى التانى العمل اية قالى لازم نفك الوش ونشوف فية اية لانك مش هتعرف ترجع الماتور
فك الوش ووداة للخراط عملة رودية وفريزة وظبطة وقال للميكانيكى ركب جوان اصلى مش جرينجريد المهم الميكانيكى قفل الوش المكنة بقت افضل بس لازال السلنسية فية رجة جامدة مع ان العربية سحبها حلو جدا مجرد ما ادوس بنزين العربية بتجرى جامد ومفيش اى دخنة من الشكمان او فايظ الماتور
باللة عليكم دلونى اعمل اية لانى صرفت فلوس كتير جدا ومفيش نتيجة
والسلام عليكم