نصيحة فى ابيزا موديل 2000

**mech.power.eng** · 12-07-2012 03:17 AM

مساء الفل عليكم يا احلى شباب
انا ناوى ان شاء الله اشترى عربية صغيره شبابى شيك كده وعجبانى اوى ال ابيزا 2000
انتو ايه رايكم فيها كقطع غيار خصوصا ان العربية مش منتشرة اوى
اسعار قطع غيارها عامله ايه ياريت حد يقولى اسعار
والعربية سحبها وثباتها عامل ازاى
الموتور كام سىسى وكام حصان
وتمن العربية يعمل فى حدود كام؟؟؟

**ahmedb1** · 12-07-2012 05:55 AM

سعرها بين 38-45 اسعار قطع غيارها متوسطةنفس الجولف 3 و2
موفرة في البنزين لأن موترها 1000 سي سي , لو لوحدك سحبها كويس وثابتة والسرعه القصوى 170 ,50-55 حصان تقريبا ومن رأيي الشخصي مش عملية اوي الا لو هتسخدمها في المشاوير الصغيرة او انك تزود شوية وتشتري جولف هتكون افضل من حيث سعة السي السي او انك ممكن تسقطلها موتر اتمنى اكون افدتك

**SYD** · 12-07-2012 01:14 PM

بص يا باشا
الأبيزا موديل 2000 ماهي الا تغير في الشكل من الأبيزا 94-99 وتعتمد علي نفس الشاسيه وقاعدة العجلات
طوروا شوية في موتور الموديل السابق ليها (ال1000 سي سي)
العربية ممتازة فوق ما تتخيل
الأداء والتكييف مقبولين وافضل بكتير من مثيلاتها لنفس السعة اللترية والفئة السعرية
العربية 55 حصان - التسارع كويس اوي ويكفي انك بتطلع من عربيات كتير جدا واكبر منك في السعة اللترية

قطع الغيار متوفرة جدا جديد واستيراد
والأسعار متوسطة - اغلي بشوية من الكوري ولكن في الأجمال هي اقل من مثيلتها الفرنساوي

سعر العربية في حدود من 38 - 45 حسب الكماليات والموديل
نزل منها 2000- 2001
الكماليات تبدأ من زجاج كهرباء وسنتر - لحد الكاملة والأيرباج
فيها تكييف وباور وزجاج ومرايات كهرباء وسنتر وانذار في المفتاح الأصلي ومانع السرقة ايموبلايزر ومصابيح شبورة

اما عن الثبات علي السرعات فحدث ولا حرج وخصوصا لو ركبت جنوط 14 وبتقبل لحد 16 بعرض 225

تحياتي

**alzelafy** · 13-07-2012 12:08 AM

بالرغم من ان الابيزا 1000 سىسى بس تطلع من اللانوس بكتييييييير مع كامل احترامى لمالكى اللانوس ................. تمشى بالابيزا على الصحراوى 140 حموله 4 او 5 افراد بالتكييف مع كامل تحكمك فى السيارة و اتزانها على الطريق

**eemmoo** · 13-07-2012 04:44 AM

المشاركة الأصلية كتبت بواسطة mech.power.eng

sydايوة يعنى لو ماشى بيها على الصحراوى وراكب معايا تلاته مثلا ممكن تمشى على سرعة كام انا معايا لانوس كنت لسه جاى بيها امبارح ومشغل التكييف ومعايا تلاته ومكنتش راضيه تزيد عن 120 ابدا وكنت هتشل فى الطريق من البطة اللى سايقها دى

اللانوس فى السحب والسرعه احسن بكتير من الابيزا لان اللانوس مره كنت مأجرها وسافرت بيها كنت ماشى 170 كم بالتكييف
الابيزا 1000 سى سى جبت بيها 150 كم ومن غير تكييف وده اخرها وكان معايا 4 افراد

**SYD** · 13-07-2012 01:09 PM

بدون مقارنة باللانوس ، الأبيزا بحمولة 5 أفراد بالغين و3 أطفال 120 ومكنتش عايز أقرص اكتر من كدة
الأبيزا ليها عزم واللانوس ليها عزم واكيد اللانوس عزمها اكثر وبالتالي هتستجيب علي السرعات مع حمولات اكتر
بس انا شخصيا بالموتور ال1000 كنت بحمل بيها وبمشي بيها وبسافر بيها بالتكييف وبدون

والأبيزا محمل ولا مش محمل هي سرعتها القصوي 150 وفي ناس بظروف معينة للطريق بتجيب 160 و 165

انا شخصياً جبت بيها 145 بالموتور ال1000 وكان في هنا موضوع للزلفي بيتكلم عن السرعة القصوي بس انا مش عارف اطلعه. ياريت هو يحط اللينك بتاعه

بالنسبة للسائل صاحب الموضوع
ماتنتظرش من العربية اكثر من امكانياتها
عربية 1000 سي سي معقول اوي عليها 150 وبكامل حمولتها - 4 اشخاص
هتزود في الحمولة هتقل السرعة وهتزود استهلاك

تحياتي