عايز اعرف اسعار قطع غيار اللانسر شارك ؟

**drengine** · 23-09-2014 10:09 PM

يا جماعة هوا الواحد بيحتاج يغير حاجة العفشة كل اد ايه - مسعدين و سوست و مقصات و كبالن - و بالنسبة للكوتش برده كل اد ايه - و تيل الفراميل - و هل في حاجة تانية استهلاكية و يرات اسعار الحاجات دهو يرات عند كام كليو ؟

**dr_bassem** · 24-09-2014 01:15 AM

بصراحة اسعار العفشة في التوكيل غالية بس انا مبدأتش افكر فيها غير بعد 120000 كيلو و النهاردة 135000 احتجت اغير مساعدين قدام عشان خدت مطب و واحد منهم جاب زيت
الاسعار من التوكيل:
مساعدين امامي 2550
تيش و بارات و مقصات3500
مساعدين خلفي مش متذكر اوي بس اعتقد 1500
يس فعلا حاجاتها ما شاء الله معمرة
بس انا لقيت مساعدين في شارع دمشق ياباني للشارك ب 900 الاتنين بس مش عارف اجبهم ولا لا خاصة ان الفرق كبير؟؟

**drengine** · 24-09-2014 08:49 AM

طيب حد عنده فكر اسعار التيل بيتاع الفرامل عامل كام و تقريبا متوسط كده بتغير كل اد ايه

**wella3330** · 24-09-2014 08:52 AM

متابع لاني بفكر اجيب شارك 2015 و قلقان من موضع قطع الغيار .

و نرجوا من بقية مالكي شارك المحترمين الافادة

و شكرا

**Mackarious** · 25-09-2014 01:39 PM

المشاركة الأصلية كتبت بواسطة wella3330

متابع لاني بفكر اجيب شارك 2015 و قلقان من موضع قطع الغيار .

و نرجوا من بقية مالكي شارك المحترمين الافادة

و شكرا

وانا زيك بالظبط مقلّق من حوار قطع الغيار وربنا يسترها

**max13** · 25-09-2014 03:07 PM

ياجماعة منغير متكونوا مقلقين اسألوا بنفسكوا فى التوكيل بالتليفون وطبيعى ان اى يابانى هيكون اغلى من الكورى علشان فرق الجوده والعمر الافتراضى وشوف اذا كان الاسعار ديه مناسبه معاك ولا لا . اسعار الصيانة العادية بتاعة الشارك عاديه جدا زى اى عربية يعنى اسعارها معقولة والصيانات لحد صيانة ال 30 الف حوالى 2800 يعنى الالف والعشرة والعشرين والثلاثين .( اربع صيانات بالرقم ده متهيقلى مش كتير) وكل واحد وحسب امكانياته برده