الموضوع: هبوط سعر الحديد الى 3900 جنيه للطن

المفروض كدا سوق العقارات ينزل جامد فى مصر المشكلة ان الناس دلوقتى بقت واعية اكتر و محدش هيبيع بسعر قليل

بالنسبة لموضوع العقارات ، في الحقيقة الموضوع مالوش علاقة بمزاج الفرد انه يبيع بالسعر اللي على مزاجه لكن الناس هتكون مرغمه على البيع وذلك لعدة اسباب:

اولا : الافراد الذين اشتروا بغرض المتاجرة و المضاربة ... خلاص بقى وشهم في الحيط لانه مش هيعرف يبيع بالسعر اللي بيضارب عليه لان المعروض الجديد راح يكون ارخص.

ثانيا : جزء كبير من الكاش والسيولة طار في البورصة ... ودي في ناس منها اللي كان ناوي يجيب شقة او عربية ... وبكده خسر سوق العقارات جزء ليس بقليل من زبائنه

ثالثا : دول العالم الكبري اعترفت انها تسببت في كارثة عالمية ماليه قد تؤثر على العالم لفترة قد تصل الى 5 سنوات او اكثر من الركود ... هتقولي احنا في كفة والعالم في كفة تانيه ... معتقدش ان الكلام ده صح او سليم ... واي واحد بيفكر وبيتابع احوال السوق حوله هيعرف ان احنا جوه الدايرة ومش براها ... واكبر دليل هبوط سعر الحديد وانهياره بالصورة التى لم يتخيلها احد ولا حتى اكتر المتفائلين

رابعا : كل واحد عايز يبيع شقته وحتاج لسيولة هيبقى مجبر انه يجاري السوق في الهبوط

خامسا : كل واحد عامل حسابه انه يبيع بعد سنه او اتنين او تلاته برضه هيبق بين نارين ... نار هبوط الاسعار خلال فترة انتظاره ونار خسارة الفوائد اللي كان ممكن يحققها لو باع واستثمر فلوسها.

وبصراحة اكتر بس يمكن الناس مش هتصدق اللي بأقوله ان الفترة القادمة ستشهد هبوط في الاسعار ولكن على الرغم من ذلك الناس مش هتلاقي الفلوس اللي تشتري بيها الحاجات الرخيصة دي.

الحمد لله انه نزل بصراحة كان افترا زيادة عن اللزوم
وغلاء مش طبيعي ولا منطقي