iphone 6 plus or samsung note 4

**kiapicanto2014** · 24-09-2014 11:44 AM

ايوة ايوة
من الآخر كدة لو نويت تشترى موبايل محترم من دول و معاك مبلغ و قدره .. هتشترى مين فى دول ؟؟؟؟

عاوزة خناقة اندرويدية و ايفونية موووووولعة
فى انتظار آرائكم

**aly_hosny** · 24-09-2014 12:02 PM

اكيد نوت 4
ابل بقت بتقدم تكنولوجيا اقدم و بقت هي ال بتقلد ال باقي
ده غير المشاكل ال ابتدت تظهر فيه
https://www.youtube.com/watch?v=znK652H6yQM

**Adnfalcon** · 24-09-2014 12:56 PM

أولا النوت 4 أعلي فكل خواصه عن الأيفون 6 كاميرا و بروسيسور ورامات وكل حاجه
أبل عامله موبايل ألومنيوم و مع الضغط فجيب البنطلون مثلا هتلاقي الموبايل أتني !!
دا غير ان نظام أبل أصبح قديم ومش متطور بتقادم الأجيال

**Amr.Fathy** · 24-09-2014 02:05 PM

نوت 4 و بعدين الايفون 6 بلس سالت عليه هينزل ب 10.5 كتيير قوى عليه

**M7amD_7amDy** · 24-09-2014 04:40 PM

هو بغض النظر عن ان النوت 4 أعلى كمواصفات والأندرويد أشمل ومحشى أوبشنز كتيرة عن الـ ios
بس الأيفون ليه محبينه برده حتى لو كان نزل بنفس الشاشة العقيمة الـ 3.5 انش ورامات 512 حتى
هيشتروه برده :)

هو الفكرة مش ان الايفون 6 مواصفاته ضعيفة لآ الزتونة هنا هو السوفت وير
و طبعا مننكرش ان أبل بخيلة جداا على أجهزتها وبتحط المواصفات بالقطارة

أبل بتلعب على حتة ان الـ ios خفيف جداا وسريع ومش محتاج مواصفات عالية زى أجهزة الأندرويد عموما
وهى بتعتبر ان السوفت مش محتاج أكتر من كده وأكتر من كده فى المواصفات تعتبر حشو على الفاضى
هى سياستهم كده وهتفضل كده ومش هيتغيروا وعشان يوصلوا لمواصفات النوت 4 ممكن على أيفون 9 ولا حاجة :)
وطبعا يظل لكل جهاز معجبينه ومحبينه ومننكرش برده ان الأندرويد أتطور جداا وبقه منافس شرس وقوى
وكمان لسه أما نسخة أندرويد L تنزل هتلاقى فرق كبير لصالحه

ولكن فئة النوت دى حالة خاصة ومش هيفهم كده الا اللى اتعامل مع الجهاز ده بجميع اصدراته
وفى رأيى هو ده اللى يتقال عليه سمارت فون حقيقى والايفون مش هيعمل نص اللى بيعمله النوت أو الأندرويد عموما

فى الاخر انا بعت النوت 2 بتاعى خلاص بعد سنتين بالتمام والكمال :)
وفى انتظار النوت 4 ان شاء الله :)

**J A G U A R** · 24-09-2014 04:43 PM

انا سمعت ان ايفون 6 وصل 11 الف
وبجد كتير عليه

انا لو معايا مبلغ محترم هاجيب ايفون 5s وابيع ال4s مع ان تقريبا مفيش فرق بينهم
ومينفعش طبعا اجيب موبايل اندرويد بالشىء الفلانى والاقيه بيهنج هاقوم مكسره على طول

مفيش مقارنه بين ابل وبين اى موبايل تانى لصالح ابل طبعا :)

**aly_hosny** · 24-09-2014 06:55 PM

موضوع التهنيج ده مبقاش موجود في موبايلات سامسونج من اول النوت 3
و لو حد استخدم النوت برو هيعرف ان سامسونج عدت ابل خلاص و بفرق حلو كمان

المشاركة الأصلية كتبت بواسطة hesham fawzy h

الفرق الوحيد بين الاتنين

ان ابل اهتمت بالحماية على سهولة الاستخدام

و سامسونج اهتمت بسهولة الاستخدام على الحماية

.

حماية من انهي اتجاه ؟؟؟

هو حضرتك مسمعتش عن موضوع ال icloud ولا ايه ؟
الحماية بتاعت ابل دي كل لازمتها انك تستخدم منتاجتهم بس و يلمو من ورا العملا فلوس

**Land_Cruiser** · 24-09-2014 07:09 PM

ال iphone اعتماديته اعلي من السامسونج و مشاكله اقل انما السعر اللي نازل به ال iphone 6 اللي هو ١١ الف جنيه يخللي الواحد يستبعده بصراحه بدون تفكير و علي الفكره بعيد عن كلام الدعايه ال ios8 مش فارق كتير عن ال ios7 بل بالعكس هما عاملين فيه شويه مشاكل زي علي سبيل المثال لا الحصر انهم شالوها منه ال edge و بقي يا اما 3G فقط و اللي بتفحت البطاريه و استهلاك الانترنت علي الموبايل او الجيل الرابع اللي هي مش موجوده في شبكات المحمول ده غير انه بياخد مساحه كبيره عند التنزيل و شويه ال bugs اللي بتطلع منه و اعتقد ان بالحركة بتاعه السعر دي Apple هتخسر كتير من زبائنها و انصح حضرتك لو عايز ال iphone عندك ال 4s و ال 5 و ال 5s اما لو سامسونج يبقي ال note4