الموضوع: حيران بخصوص نيو لوجان 2015

المشاركة الأصلية كتبت بواسطة ahmedvero

السلام عليكم ورحمة الله وبركاته

وعليكم السلام ورحمة الله وبركاته

دي اول مشاركه ليا وان شاء الله مش اخر مشاركه بس نفسي حد يفيدني لاني قريت كتير ومحتار وعاوز حد يكون معاه نيو لوجان 2015 يرد عليا في شويه حاجات
1. زراير الزجاج الخلفي لسه ورا دراع الفرامل ولا بقيت ف الابواب

الزرائر في الابوب

2. انا كان معايا عربيه قديمه وركبت اللانوس مره او مرتين بس حسيت انها مش قد كده كان معايا هيونداي اكسيل 94
عايز اعرف بس بتقيسوا حكايه صوت الموتور والسحب الضعيف للرينو مقارنه بالعربيات الاعلي منها في الفئه ولا مقارنه باللانوس والكلام دا

الرينو مصنفه كعربية عائلية من الدرجة الاولي السحب فيها اقل بقليل من الانوس والفيرنا ولكن كأمان وفرامل وأوبشن فهي تتغلب عليهم وبأمتياز

3. مشكله السخونه اللي كان بيتكلم عليها بعض الاخوه اللي هي بتيجي من عند القدمين اتحلت في نيو لوجان ولا لا وكان سببها اي

ده نظام أوروبي حيث ان الحرارة هناك تكاد تكون تحت الصفر ولذلك هذه الحرارة تنبعث من خط السخن في التكييف ويمكن الغاؤه أو تقوم بطلب زيادة العزل في التوكيل ويتم ذلك بدون اي مقابل ولكن الحرارة قلة كثيرا عن الشكل القديم

4. العربيه ممكن تقعد معايا كام سنه وتبتدي تفتح معايا في قطع الغيار اللي بتستهلك وهل متوافره في السوق ولا لا

قطع غيار الشكل الجديد هي نفس قطع غيار الشكل القديم مع اختلاف قطع غيار البودي الخارجي وهي قطع غيار معمرة ولا يوجد منها مضروب وصيني زي الفيرنا والانوس

5. الكبنه الخلفيه اوسع من اللانوس ولا هي هي ولا اصغر وخصوصا المسافه بين الكنبه والكرسين الاممين

الكنبة الخلفية اوسع بمراحل ومريحة جدا مثل كنبة الماتريكس والكيا الكارينز انا وزني 130 وطولي 180 وقمت بتجربة الكنبة الخلفية وفعلا واسعه جدا

6. الباور تقيل نسبيا ولا عادي؟

الباور تقيل نسبيا لانه مش كهربا

7. بالنسبه للكاوتشات هي رديئه من حيث انها بتتبري وتبوظ بسرعه ولا بتريح كتير وشرط تتغير ولا ممكن امشي بيها شويه وبعدين اغيرها

السيارة تنزل بنوعين كاوتش باروم وجي تي وبعدين تغير الكاوتش ليه طالما بيؤدي الغرض المطلوب منه ومفيش حاجه اسمها كاوتش يتبري بسرعه ويبوظ

8. التكيف بياثر علي السحب كتير ولا عادي

تأثيرة ضعيف علي السحب ولكن التكييف تلاجة بمعني الكلمة

9. كنت بفضل الفيرنا لان قطع غيارها منتشره وكمان رخيصه بس انا متعقد من غبور بسبب اللي سمعته واللانوس مش عجباني اوي لانها واطيه حبتين وبتحك في المطبات وبقيت بفكر في اللوجان او الصيني سواء جيلي او برلينس او بي واي دي بس مش عارف بجد قلقان من اللوجان بسبب المشاكل اللي بيتكلمو عنها

انا كان معايا فيرنا قبل ما اجيب النيو لوجان واحب اقول لحضرتك ان شراء الفيرنا في الوقت الحال هو قرار غير صائب بالمره وابعد عن الصيني وده لانه عامل زي البطيخه يا قرعه وتقرفك يا حمرا وتريحك وانا مبحبش المغامرة عن نفسي

الفيرنا اخرها 65 الف جنيه حرام ادفع فيها 82 الف جنيه وبعدين مفيهاش ريحة الامان وفراملها في الضياع وواطيه وضيقه جدا من الداخل الفيرنا كلها عباره عن ماتور وتكييف لكن ولا امان ولا صاج ولا اي حاجه تانيه


10.الدهان في نيو لوجان برضو متغيرش ولا هو هو اللي كانو بيعيبو عليه في اللوجن القديمه وان اقل خدش بيبان فيها

الدهان ضعيف فقط في الاكصدامات لكنه جيد جدا في الصاج

11. عمود الاتزان انا مش عارف اهميته بس مهتقدش انها من غير عمود هتبقي اوحش من عربيتي القديمه ولا ايه؟ كنت متعود علي الاكسيل واكيد مش باخد بيها ملف علي سرعه عاليه
وهل الفئه الثانيه ينفع يتركبلها شاشه ونظام ملاحه ولا لا

عمود الاتزان مهم جدا وبالاخص في المواقف المفاجأة ليك في الطريق وبيدي ثبات للعربية ممتاز في المنحنيات وبالنسبة للفئات انا برشحلك الفئة التالته هيه الفئة الرابحه ويمكن تركيب شاشه بنظام الملاحة بدفع 2000 جنيه في التوكيل وتسليمهم الكاسيت القديم

معلش انا اسف علي الاطاله بس مش عايز اجيب عربيه واندم او تقعد معايا 4 سنين واركنها عشان مش لاقيلها قطع. غيار
وسامحوني مره تاني وشكرا لسعه صدوركم

قطع الغيار متوفرة واللوجان ثبتت نفسها في البلد من 2009 وعربية اعتمادية من الدرجة الاولي وفعلا العربية دي لو مكانتش تابعه لاتفاقية اغادير بين مصر والمغرب كان زمان سعرها معدي ال 120 الف جنيه

ويكفي ان اقوي شاسيه في العالم هو شاسيه الداتشيا وهو متواجد بالرينو

واول من اخترع الكبالن في العالم هي شركة رينو

وتقبل تحياتي

تسلم وشكرا علي الرد الجميل وانا بالفعل هحجزها الاسبوع دا باذن الله تعالى

الشكر لله وربنا يوفقك والف مبروك مقدما