الموضوع: حيران بخصوص نيو لوجان 2015

السلام عليكم ورحمة الله وبركاته
دي اول مشاركه ليا وان شاء الله مش اخر مشاركه بس نفسي حد يفيدني لاني قريت كتير ومحتار وعاوز حد يكون معاه نيو لوجان 2015 يرد عليا في شويه حاجات
1. زراير الزجاج الخلفي لسه ورا دراع الفرامل ولا بقيت ف الابواب
2. انا كان معايا عربيه قديمه وركبت اللانوس مره او مرتين بس حسيت انها مش قد كده كان معايا هيونداي اكسيل 94
عايز اعرف بس بتقيسوا حكايه صوت الموتور والسحب الضعيف للرينو مقارنه بالعربيات الاعلي منها في الفئه ولا مقارنه باللانوس والكلام دا
3. مشكله السخونه اللي كان بيتكلم عليها بعض الاخوه اللي هي بتيجي من عند القدمين اتحلت في نيو لوجان ولا لا وكان سببها اي
4. العربيه ممكن تقعد معايا كام سنه وتبتدي تفتح معايا في قطع الغيار اللي بتستهلك وهل متوافره في السوق ولا لا
5. الكبنه الخلفيه اوسع من اللانوس ولا هي هي ولا اصغر وخصوصا المسافه بين الكنبه والكرسين الاممين
6. الباور تقيل نسبيا ولا عادي؟
7. بالنسبه للكاوتشات هي رديئه من حيث انها بتتبري وتبوظ بسرعه ولا بتريح كتير وشرط تتغير ولا ممكن امشي بيها شويه وبعدين اغيرها
8. التكيف بياثر علي السحب كتير ولا عادي
9. كنت بفضل الفيرنا لان قطع غيارها منتشره وكمان رخيصه بس انا متعقد من غبور بسبب اللي سمعته واللانوس مش عجباني اوي لانها واطيه حبتين وبتحك في المطبات وبقيت بفكر في اللوجان او الصيني سواء جيلي او برلينس او بي واي دي بس مش عارف بجد قلقان من اللوجان بسبب المشاكل اللي بيتكلمو عنها
10.الدهان في نيو لوجان برضو متغيرش ولا هو هو اللي كانو بيعيبو عليه في اللوجن القديمه وان اقل خدش بيبان فيها
11. عمود الاتزان انا مش عارف اهميته بس مهتقدش انها من غير عمود هتبقي اوحش من عربيتي القديمه ولا ايه؟ كنت متعود علي الاكسيل واكيد مش باخد بيها ملف علي سرعه عاليه
وهل الفئه الثانيه ينفع يتركبلها شاشه ونظام ملاحه ولا لا


معلش انا اسف علي الاطاله بس مش عايز اجيب عربيه واندم او تقعد معايا 4 سنين واركنها عشان مش لاقيلها قطع. غيار
وسامحوني مره تاني وشكرا لسعه صدوركم

المشاركة الأصلية كتبت بواسطة mico_mico

خش على جروب النيولوجان عاملين بوست مجمعين فيه كل المعلومات - كريم مدير المنتدى عضو معانا هناك

طب ممكن حضرتك تبعتلي اللينك