الموضوع: كيفيه تغيير عامود الميزان في الفيكترا بي بالصور...

المشاركة الأصلية كتبت بواسطة amr elsisi

الله ينور يا ابو محمد اية الجمال دة
كنا عاوزين تغير جلب الميزان
انا عارف دي رخمة شوية بس بالمرة علشان تكون حكمت التوازن

ده نورك يا boss
بتدبسني , ماشي
بصراحه حاليا ماعنديش اي وقت للعربيه , انت عارف ظروف اخوك اليومين دول عامله ازاي.. .
الجلب عندي بصيت عليها وكانت كويسه الحمد لله. ولو اني ناوي لو احياني ربنا علي خير مع الغيار الجاي لتغيير عماويد الميزان اغير الميزان كله علي بعضه استيراد انظف واحسن واوفر..

انا عملت كده للميزان الخلفي من حوالي سنه ونص ..عماويد الميزان الخلفيه كاوتشها بوش .
لقيت اني هشتري كاوتش مصري منيل بنيله للعماويد 4 كاوتشات و2 للبار نفسه وهفك واركب
في المخرطه ..اشتريت البار كله بعماويده استيراد ما شاء الله زيروووو ب120ج من تاجر حبيبي

لاخواتنا اللي عاوزين توضيح للكلام اللي فات..
معظم اعربيات بيبقي فيها بار او ميزان امامي وخلفي وهو عباره عن عامود حديد مثبت في شاسيه العربيه بغفير حديد تحته جلبه كاوتش وفي طرف كل ميزان عامود الميزان ماسكه في المساعد بالنسبه للامام وفي الدوشمه الخلفيه بالنسبه للخلف..
عماويد الميزان الاماميه عندنا بتبقي علي بيضه متحركه زي ماوضحت في الموضوع الاساسي
وفي الخلف بتبقي علي جلب كاوتش . الصور الجايه هتوضح الفكره بس دي لفورد مش اوبل
وطبعا ده بار خلفي ..


ده الغفير اللي بيثبت الكاوتشه بالبار في الشاسيه من كل جنب


واخيرا ده منظر الميزان وهو مثبت في شاسيه العربيه


باشكر اخويا م عمرو اللي نوه للموضوع ده .تحياتي