عايز اشتري عربية بضمان وديعة !

**mohamedFTW** · 24-09-2014 09:41 PM

أنا عاوز افهم حاجة لو سعر العربية جديد ب 70 ألف و المبلغ اللي معايا 80 الف .. كدة الفلوس اللي معايا مغطية سعر العربية ؟ اية الحسابات اللي هتم ؟ و العربية هتخلص علي كام سنة ؟

**Deshahcoka** · 24-09-2014 09:58 PM

متابع !

**said.d.y** · 24-09-2014 10:47 PM

شوف يا باشا ، لو معاك وديعة 80 الف جم تقدر تقترض بضمانها حتى 90% من قيمتها، واحياناً في بنوك بتوصل ل نسبة 95% (حالات محدودة). والعائد المدين في المتوسط بيكون 2% فوق سعر العائد المطبق على الوديعة، غير 1.5فى الالف تقريباً عمولة على اعلى رصيد مدين شهري، علاوة على دمغة نسبية كل ربع سنة بنحو 0.5% على الرصيد المدين في اخر فترة الحساب.
بالنسبة لموضوع السداد، البنك موش هتفرق معاة وموش هيلزمك بحاجة طالما المديونية مغطاة بما لا يقل عن 110% من رصيدها بوديعة متحفظ عليها لصالح البنك.
لآنه من الاخر ضامن فلوسه.
المشكلة عند حضرتك انت،،،،،،،، لو ماكنتش حاسبها هتلاقى نفسك بتحرت في مياه ، عمال تدفع والمديونية موش بتخلص.
علشان كدة لو مفيش سبب مقنع ، احسن ليك تكسر الوديعة وتشترى العربية وخلاص.
ولو موش عاوز ، فافضل وضع تطلب من البنك الفية الوديعة يمنحك حد سحب بنسبة 90% من قيمة الوديعة وتسحب المبلغ كاش وتروح تدفعه للمعرض و تأخذ العربية وتتكل على الله.
والله المستعان،،،،،،،،
و إي استفسار اخر انا في خدمتك ، اخوك bankkar قديم وفى الائتمان يعنى إي خدمة.

**2CODE** · 25-09-2014 03:15 AM

المشاركة الأصلية كتبت بواسطة said.d.y

شوف يا باشا ، لو معاك وديعة 80 الف جم تقدر تقترض بضمانها حتى 90% من قيمتها، واحياناً في بنوك بتوصل ل نسبة 95% (حالات محدودة). والعائد المدين في المتوسط بيكون 2% فوق سعر العائد المطبق على الوديعة، غير 1.5فى الالف تقريباً عمولة على اعلى رصيد مدين شهري، علاوة على دمغة نسبية كل ربع سنة بنحو 0.5% على الرصيد المدين في اخر فترة الحساب.
بالنسبة لموضوع السداد، البنك موش هتفرق معاة وموش هيلزمك بحاجة طالما المديونية مغطاة بما لا يقل عن 110% من رصيدها بوديعة متحفظ عليها لصالح البنك.
لآنه من الاخر ضامن فلوسه.
المشكلة عند حضرتك انت،،،،،،،، لو ماكنتش حاسبها هتلاقى نفسك بتحرت في مياه ، عمال تدفع والمديونية موش بتخلص.
علشان كدة لو مفيش سبب مقنع ، احسن ليك تكسر الوديعة وتشترى العربية وخلاص.
ولو موش عاوز ، فافضل وضع تطلب من البنك الفية الوديعة يمنحك حد سحب بنسبة 90% من قيمة الوديعة وتسحب المبلغ كاش وتروح تدفعه للمعرض و تأخذ العربية وتتكل على الله.
والله المستعان،،،،،،،،
و إي استفسار اخر انا في خدمتك ، اخوك bankkar قديم وفى الائتمان يعنى إي خدمة.

كده حضرتك خليته يعمل جاري مدين طيب ليه ميعملش قرض شخصي ويريح نفسه !!!!!

القرض الشخصي هيكون ليه مبلغ شهري يدفعه يعني هيلاقي عجله القرض ماشيه

انما الجاري المدين وقت مايكون معاك مبلغ ادفعه طيب ما انا ممكن مقدرش اوفر فلوس كل شهر ويبقى مدة تسديد القرض كبيرة كده !!!!!

انا رأيي ياخد قرض شخصي مش جاري مدين بضمان الوديعة :)

والله اعلم !!!!

**hany63** · 25-09-2014 10:16 AM

عشان تاخد قرض بضمان وديعه لازم تكون حاسبها كويس يعني عامل حسابك في خلال سنتين على الاكتر الموضوع يكون منتهي و بتسدد دفعات كبيره نسبيا عشان فايدة الدين في الاحمالي تطلع بسيطه
اللي بيعمل الموضوع ده بيبقى مزنوق في السيوله ليس الا وليه مصادر دخل هتغطي الموضوع بسرعه

**Elawany13** · 25-09-2014 01:58 PM

خليك فى الكاش احسن
بلاش قروض وربا ........ بتزيل البركة من الحاجه

**said.d.y** · 25-09-2014 11:14 PM

المشاركة الأصلية كتبت بواسطة mohamedftw

يا جماعة انا مش هاخد قرض من البنك .. انا معاية تمن العربية كاش و زيادة 10 الف جنية ... هحط المبلغ دة في البنك .. يخلص سعر العربية !

لو قصدك عاوز تربط ثمن العربية + ال10 الاف جنية وديعة وبعدين تقترض 70 الف جم وتبقى تسددهم بعدين. ملهاش اى لازمة هتدفع زيادة في الاخر وموش هتستفيد اى حاجة غير وجع الدماغ وفرق فوائد هتدفعة.
لو قصدك حاجة تانية ياريت توضح علشان نعرف نفيدك