أشتري حصة فالجراج ولالا ؟ محتاج رأيكم ضروري

**Medo007** · 17-09-2014 12:44 PM

أنا ساكن فالمقطم واول ما اخدت الشقة ولقيت الجراج مش متقسم ومين هيركن فين وياترى عربيات هتركن ورا بعضها والدنيا هتتزحم ولالا واسالة كتير كانت بتدور في دماغي قلت بلاش واركن بره والشارع فاضي خالص , بس الايام دي ابراج جنبنا طلعت وناس كتير هتبدا تسكن وبقت تركن وكل شقة عندها عربية واتنين وبدات احس بالازمة في الركنة قدام البيت ونزلت الجراج واتكلمت مع الناس اللى راكنة وقالولي فيه مكانين او تلاتة فاضلين
وافضل مكان فيهم عجبني لسة متاخدش , فنصحوني اني اشتري حصة واحجز المكان واكتب عليه اسمي عشان فعلا الدنيا بدات تتزحم فالشارع والمكان ده يعتبر لسة متاخدش وانسب مكان دلوقتي , طبعا الاماكن الافضل كلها اتاخدت فالاول , يعني لو كنت اخدت حصة من الاول كان زماني خدت مكان افضل بس قدر الله وما شاء فعل , انتو ايه رايكوا ؟ بفكر اكلم مع صاحب البرج واحاول اقسط له المبلغ , بس خايف بعد كده العربيات تركن ورا بعضها واجي اطلع الاقي حد قافل عليا , بس كل اللى راكنين فالجراج قالوا عمرنا ما هنسكت على كده وفنفس الوقت فيه ناس شارية شقق بحصة الجراج ومسافرين , طب لما يجوا هيركنوا ازاي , قالوا لي يروحوا يسحبوا فلوسهم من الراجل ويلغوا الحصة واحنا حجزنا الاماكن خلاص , محتار جدا ويا رب يقدم اللى فيه الخير

**ايمن فهمى** · 17-09-2014 01:19 PM

طبعا اشترى حصه فى الجراج ده ليه كذا ميزة غير الركنه منها الحفاظ على العربيه واللون وووووالخ
وبعدين فين البواب هو اللى بيبقى معاه المفاتيح وبيظبط الركنات والحارات الفاضيه
وحتى لو حد قفل عليك فى يوم كده كده هو جارك وهتوصله بسرعه

**blazer** · 17-09-2014 01:20 PM

المبلغ كام؟
وهل انت مش ناوى تفكر تنقل شقتك قريب

**kar!m** · 17-09-2014 01:41 PM

لو معاك فلوس و الجراج في رينج ال 20 ألف اشتري طبعا .. حتى لو فكرت تبيع الشقة هتبيع الجراج لوحده لأي ساكن تاني.

**Medo007** · 17-09-2014 02:19 PM

المشاركة الأصلية كتبت بواسطة blazer

المبلغ كام؟
وهل انت مش ناوى تفكر تنقل شقتك قريب

مش عارف المبلغ بس الناس اللى اشترت وقتها من سنتين كان ب 15 الف

**Medo007** · 17-09-2014 02:21 PM

المشاركة الأصلية كتبت بواسطة ايمن فهمى

طبعا اشترى حصه فى الجراج ده ليه كذا ميزة غير الركنه منها الحفاظ على العربيه واللون وووووالخ
وبعدين فين البواب هو اللى بيبقى معاه المفاتيح وبيظبط الركنات والحارات الفاضيه
وحتى لو حد قفل عليك فى يوم كده كده هو جارك وهتوصله بسرعه

ايوة انا بفكر فالجراج للاسباب دي حتى لو فيه مكان بره كفاية انك تبقى خارج من الجراج فعز الحر وتبقى العربية مش مولعة من حرارة الجو

**Deshahcoka** · 17-09-2014 02:53 PM

الجراش فوصل في اسكندرية ل 130 الف جنيه :( اشتري يا باشا ده 15 ده ولا حاجه

**yasserelshakwe** · 17-09-2014 02:55 PM

لو معاك تمن الجراج اشتري وانت مغمض بدون تفكير لاسباب كثيرة ومتعددة
وانت الكسبان طبعاً

**K_E** · 17-09-2014 05:26 PM

انا ساكن فالمقطم وبدفع للجراج بتاع البيت كل شهر 150 جنيه وطبعاً حقك ان الطريق للركنه بتاعتك يكون علطول سالك

المقطم كلها تراب ولو ركنت العربيه في الشارع يوم تاني يوم بلاقيها مردومة ده غير الشمس وطبعاً قبل اي حاجه امان وراحة بال

حتى لو هتشتري هيكون اوفرلك على المدى الطويل ولو جيت تبيع الشقه الجراج بيتضاف على سعرها يعني مفيش خسارة بالعكس فيها مكسب

**Medo007** · 17-09-2014 05:40 PM

المشاركة الأصلية كتبت بواسطة deshahcoka

الجراش فوصل في اسكندرية ل 130 الف جنيه :( اشتري يا باشا ده 15 ده ولا حاجه

ينهر ضحك :d ده انا اشتري بيهم جراجات المقطم ههههههههههه

الموضوع: أشتري حصة فالجراج ولالا ؟ محتاج رأيكم ضروري

LinkBack

أدوات الموضوع

عرض

أشتري حصة فالجراج ولالا ؟ محتاج رأيكم ضروري - انشر الموضوع فى :

-

-

-

-

-

المواضيع المتشابهه

محتاج رأيكم ضروري

محتاج رأيكم ضروري

محتاج رأيكم ضروري

محتاج رأيكم ضروري

رأيكم ضروري...أشتري لا لأ؟؟

الكلمات الدلالية لهذا الموضوع

المفضلات

المفضلات

ضوابط المشاركة