عاوز اشتري ميجان مانيوال وخايف

**ozozo** · 01-10-2014 03:49 PM

المشاركة الأصلية كتبت بواسطة moustafaelfaek

من الآخر ومن واقع تجربة مش ظريقة مع الميجان
الميجان السر فيها 3 كلمات
كشف فى مركز معتمد (ماتستخسرش وإلا هاتزعل بجد)
كهربا...كهربا.....كهربا
حرارة....حرارة....حرارة

الأولانية هتشوف بيها حاجات كتير أوى مهما كشفت عند صنايعية مش هيشوفوها
التانية هتلففك حوالين نفسك
التالتة هتزعلك وش ومافهياش هزار.....عينك على طول على الحرارة عشان سخونية العربية دى وحشة بجد

برة التلاتة دول العربية من أحلى العربيات اللى ممكن تركبها, وهتحس انك ملك الشارع وكأنك راكب بى إم أو مرسيدس
وعلى فكرة....اتأكد ان المثبت والمحدد شغالين عشان غالبا بيبقى الشريط مقطوع ومابتدورش عليه وتكتشف انك اشتريت أوبشن مش شغال, وتغيير الشريط هيدخلك فى تغيير جزء كبير من الدريكسيون يعنى من 600-800 جنيه
بص....الكشف فى مركز معتمد أو فى التوكيل هينورلك كل حاجة

واضح ان حضرتك مريت معها بحوار كبير ولخصت الموضوع في 3 نقاط والفكرة ان في حاجات مش هتبان الا بعد التجربة لفترة زي الكهرباء والحرارة مش هيبان في الفحص .. فعلا المحدد والمثبت حلوين وانا استغربت انه في المانوال كمان

**ozozo** · 01-10-2014 03:51 PM

المشاركة الأصلية كتبت بواسطة jackal

انا معايا c4 و كريسلر موديل 2000 ة ودول الناس بتقول حاجتهم غليا
طبعا مقارنه بي الي حضرتك كتبتو ده زانا قطع غيرهم اقل من نص الي حضرتك قولتو وحجات الربع

بص انا صديق معاهه المجان العاده تتحفه فعلا

الهوندا سيتي 2004 هقولك

سعر قطع الغيار ناااااارررررررررررررررررر رر

شكل ضايع

مساحه مفيش

نصيحه يتجيب مجان او ستروين c4 ويسلام لو عاده هتنبسط فعلا

انا فعلا بفكر في الميجان مانوال وشوفتها بس كتير بيقولي هتزهق منها في الزحمة مش عارف

**MoustafaElfaek** · 01-10-2014 04:50 PM

المشاركة الأصلية كتبت بواسطة ozozo

واضح ان حضرتك مريت معها بحوار كبير ولخصت الموضوع في 3 نقاط والفكرة ان في حاجات مش هتبان الا بعد التجربة لفترة زي الكهرباء والحرارة مش هيبان في الفحص .. فعلا المحدد والمثبت حلوين وانا استغربت انه في المانوال كمان

اعتقد كله فى الفحص بيبان
والعربية دى فيها ميزة....ان لو فيها مشكلة هتحس بيها
الكهرباء أصغر حاجة هتبان عندك, انا بقول لك سلك صغير ماكانش مربوط كويس فى القطاش بتاع البطارية كان بيخلى العربية زى المتفيرسة....النور يشتغل لوحده والمساحات وماتعرفش تقفلها ولا تبطل العربية
اتأكد ان الكهرباء مظبوطة (والفحص بيوضح ده) وان دورة التبريد سليمة ويفضل تبعد عن اى حاجة مش أصلى فى دورة التبريد......خالص
وزى ما قلتلك...العربية حلوة جدا وممتعة جدا, بس انت خلى بالك منها

**Super_Star_h** · 02-10-2014 10:15 AM

الميجان عباره عن كهربه يا باشا
خد بعضك وروح اكشف عليها فى مركز رينو محترم
وقوله يديلك لسته بكل الاعطال المسجله اللى ظهرت على الجهاز
وبكل تأكيد هتلاقى فيها اعطال حساسات
العربيه دى عباره عن ماسوره حساسات وانفجرت
حساس اكسجين وكرنك وكامه ودفيزور ومانفول وabc وتكييف وحراره و و و ألخ
وطبعآ هتفحص المكنه والفتيس والكبالن وبقيت العفشه
وبعد ما كله تمام
هتيجى بعدها بكام يوم مثلآ تلاقيها بطلت منك ولا حاجه
ولا تقلق هى كده بترحب بيك :D

**تامر.محمد** · 02-10-2014 10:43 AM

المشاركة الأصلية كتبت بواسطة super_star_h

العربيه دى عباره عن ماسوره حساسات وانفجرت
حساس اكسجين وكرنك وكامه ودفيزور ومانفول وabc وتكييف وحراره و و و ألخ
:d

همممممم , يا ريت لو حضرتك تقارنها بأي عربية نفس الفئة و تشوف فيها نفس الحساسات ولا لأ , بالمناسبة هي فيها حساسات اكتر من كده كمان

**mfraig** · 02-10-2014 05:04 PM

المشاركة الأصلية كتبت بواسطة super_star_h

الميجان عباره عن كهربه يا باشا
خد بعضك وروح اكشف عليها فى مركز رينو محترم
وقوله يديلك لسته بكل الاعطال المسجله اللى ظهرت على الجهاز
وبكل تأكيد هتلاقى فيها اعطال حساسات
العربيه دى عباره عن ماسوره حساسات وانفجرت
حساس اكسجين وكرنك وكامه ودفيزور ومانفول وabc وتكييف وحراره و و و ألخ
وطبعآ هتفحص المكنه والفتيس والكبالن وبقيت العفشه
وبعد ما كله تمام
هتيجى بعدها بكام يوم مثلآ تلاقيها بطلت منك ولا حاجه
ولا تقلق هى كده بترحب بيك :d

والله انت برنس :)))))
هي بالظبط كده بعد ماتبقى كل حاجه تمام وزي الفل هتلاقي حاجه كده طلعتلك منين مش عارف
انا بأه بعد ماعملت كل حاجه في العربيه وكل حته في العربيه
كنت قاعد مع نفسي في يوم كده وبشرب شاي العصاري وبفكر هي العربيه ده بتعمل معايا كده ليه مع اني بحبها وفي قلبي ساكن حبها وبصرف عليها اكتر مابصرف على مراتي
المهم قلت لنفسي الحمد لله الحاجه الوحيده اللي تمام اوي دورة التبريد والردياتير زي الفل وعمرها ماسخنت الواحد برضه لازم يبص على نص الكيايه المليان
ويااخي تقولش كانت سمعاني مع اني ساكن في الدور السابع
مكدبتش خبر بعدها بيومين سخنت ولقيت فيشة المروحه سايحه وقاصله والحمد لله
انا عامل معاها زي توم وجيري بالظبط بس الغريب اني برضه بحبها سحان الله

**mfraig** · 02-10-2014 05:09 PM

المشاركة الأصلية كتبت بواسطة تامر.محمد

همممممم , يا ريت لو حضرتك تقارنها بأي عربية نفس الفئة و تشوف فيها نفس الحساسات ولا لأ , بالمناسبة هي فيها حساسات اكتر من كده كمان

ياباشا هي فعلا فيها نفس الحاساسات الموجوده حاليا في العربيات لكن ايام 2006 التويوتا واللانسر كانو عباره عن كوتور وعفشه وبنزين وفرامل وبارك الله فيما رزق

**تامر.محمد** · 02-10-2014 05:50 PM

المشاركة الأصلية كتبت بواسطة mfraig

ياباشا هي فعلا فيها نفس الحاساسات الموجوده حاليا في العربيات لكن ايام 2006 التويوتا واللانسر كانو عباره عن كوتور وعفشه وبنزين وفرامل وبارك الله فيما رزق

بالظبط كده كلام سليم
كمان متهيأ لي كل العربيات اللي بدأت تنزل بعد 2008 تقريبا بقت زيها بالظبط

-

الموضوع: عاوز اشتري ميجان مانيوال وخايف

LinkBack

أدوات الموضوع

عرض

-

-

-

المواضيع المتشابهه

بفكر اشتري ix35 وخايف

ساعدوني ! عاوز اشتري سيفيك وخايف

عاوز اشتري مونديو وخايف

عاوز اشتري رينو ميجان اومازدا3اواوبل فيكترا مستعملة مو2009

عاوز اشتري ميجان

الكلمات الدلالية لهذا الموضوع

المفضلات

المفضلات

ضوابط المشاركة