عاوز اشتري ميجان مانيوال وخايف

**wessam426** · 01-10-2014 09:21 AM

ارجكوكم حد يفيديني انا معروض عليا عربية ميجان ٢٠٠٥ اعلى فئة ماشية ١٤٨٠٠٠ كيلو وخايف من مشاكل الرينو هي سعرها ٦٣٠٠٠ ج ناس كتير العربية حاجاتها نار ومش موجودة انا محتار حد يفديني

**ozozo** · 01-10-2014 12:41 PM

شكرا لكم جميعا علي ردودكم ونصيحتكم الصراحة انا خايف ادبس في عربية ميجان وموضوع المانوال كتير بيقولي في الزحمة دي بلاش هتزهق منه بخلاف الاوبش والكماليات الكتير الللي فيها فا انا بفكر اكتر في الهوندا السيتي اللي الاغلابية العظمي بيشكر فيها ولم يظهر منها مشاكل خصوصا الفتيس cvt اللي مش بتحس بنتش ولا نقالات خالص معاه وانها هتكون موفرة اكتر في البنزين وعيبها ان قطع غيارها غالية معرفش اذا قورنت بالميجان علي العموم انا لسه بدرس الموضوع ومتشكر ليكم فعلا بجد انتم ناس محترمة

**تامر.محمد** · 01-10-2014 01:08 PM

طب ما جربتش تقارن بالتفصيل قطع الغيار اصلي و استيراد هنا و هنا ؟
جربت تسوق دي و دي ؟
جربت تمسك ورقة و قلم و تحدد اولوياتك ؟
جربت بالنسبة للميجان تشوف الناس اللي معاهم عربيات حالتها محترمة بيعانوا من المشاكل اللي قالقاك ولا لأ ؟

من الآخر بقى عشان نحل الازمة و نخلص في الحيرة اللي واقع فيها :)

**ozozo** · 01-10-2014 02:21 PM

المشاركة الأصلية كتبت بواسطة تامر.محمد

طب ما جربتش تقارن بالتفصيل قطع الغيار اصلي و استيراد هنا و هنا ؟
جربت تسوق دي و دي ؟
جربت تمسك ورقة و قلم و تحدد اولوياتك ؟
جربت بالنسبة للميجان تشوف الناس اللي معاهم عربيات حالتها محترمة بيعانوا من المشاكل اللي قالقاك ولا لأ ؟

من الآخر بقى عشان نحل الازمة و نخلص في الحيرة اللي واقع فيها :)

المعلومات اللي قدرت احصل عليها للهوندا
الفلاتر الاصلي:
فلتر بنزين 300
فلتر هواء 180
فلتر زيت 50
العفشة:
الكارتيرة ب 125
البارات ياباني 800
مقص تيواني 350
بطاحة 125
كارتيرة زيت اصلي 1250 استيراد ب 700
قواعد الاصلي:
الواحدة 540
بلي عجل اصلي الواحد 490 يباني 175
تيل اسباني 175
طنابير تيواني او يباني 750
جيوان وش السلندر اصلي 375 تيواني 175
طرمبة مياة اصلي 600 يباني 350 - 400
سير المجموعة اصلي 300 يباني 175
بلية المجموعة اصلي ب 250
الكبالن استيراد الجنب الواحد ب 500 يعني الكبالن كاملة ب 1000 جديد طبعا معدي 2000 -3000
الفتيس استيراد 3500
الماتور البلوكة ووش السلندر تقريبا 3000

دي المعلومات اللي قدرت اعرفها عن الهوندا ولسه مسالتش عن الميجان لو حد يقدر يقولي الاسعار في الميجان يبقي كتر خيركم

**jackal** · 01-10-2014 02:33 PM

انا معايا c4 و كريسلر موديل 2000 ة ودول الناس بتقول حاجتهم غليا
طبعا مقارنه بي الي حضرتك كتبتو ده زانا قطع غيرهم اقل من نص الي حضرتك قولتو وحجات الربع

بص انا صديق معاهه المجان العاده تتحفه فعلا

الهوندا سيتي 2004 هقولك

سعر قطع الغيار ناااااارررررررررررررررررر رر

شكل ضايع

مساحه مفيش

نصيحه يتجيب مجان او ستروين c4 ويسلام لو عاده هتنبسط فعلا

**تامر.محمد** · 01-10-2014 02:51 PM

المشاركة الأصلية كتبت بواسطة ozozo

المعلومات اللي قدرت احصل عليها للهوندا
الفلاتر الاصلي:
فلتر بنزين 300
فلتر هواء 180
فلتر زيت 50

رينو قافلين صفحة اسعار الصيانات دلوقت , واضح انهم هايغلوها :)) , فمش عارف اجيب اسعار الحاجات دي للأسف , بس هي حوالين كده

العفشة:
الكارتيرة ب 125 ------------------- جديدة مش اصلي , و استيراد سعرها 100-150
البارات ياباني 800 -------------- الاصلي في التوكيل داخلية بألف و خارجية بألف , استيراد عاملة كلها على بعض تحت الالف بس مش فاكر كام
مقص تيواني 350 ---------- التركي ب200-250 و الاصلي بتاع التوكيل بألف
بطاحة 125 ----------- التركي ب100 و شوية برده , و الأصلية بتاعة التوكيل بألف
كارتيرة زيت اصلي 1250 استيراد ب 700 ---------------- ماعرفش الاصلي بكام , و الاستيراد بحوالي 700 برده
قواعد الاصلي:
الواحدة 540 --------- 3 قواعد , الاصلي ب900 و 900 و 350 , التجاري ب400 و 300 و 150 حاجة كده
بلي عجل اصلي الواحد 490 يباني 175 ------- تقريبا الاصلي ب375
تيل اسباني 175 -------- الريمسا ب180 و الفاليو ب280 (تقريبا) و الأصلي ب500
طنابير تيواني او يباني 750
جيوان وش السلندر اصلي 375 تيواني 175
طرمبة مياة اصلي 600 يباني 350 - 400 -------------- الاصلي بحوالي الفين جنيه , و انا مش مصدق ان الاصلي بتاعة هوندا ب600 بس !!
سير المجموعة اصلي 300 يباني 175
بلية المجموعة اصلي ب 250 ---------------- طقم الكاتينة كله الاصلي بمنافعه ب800 جنيه
الكبالن استيراد الجنب الواحد ب 500 يعني الكبالن كاملة ب 1000 جديد طبعا معدي 2000 -3000
الفتيس استيراد 3500 --------------- الكوبلن الاستيراد بحوالي الف جنيه , و الجديد بألفين
الماتور البلوكة ووش السلندر تقريبا 3000

دي المعلومات اللي قدرت اعرفها عن الهوندا ولسه مسالتش عن الميجان لو حد يقدر يقولي الاسعار في الميجان يبقي كتر خيركم

**تامر.محمد** · 01-10-2014 03:23 PM

عايز اضيف معلومة عرفتها مؤخرا من صديق الله يكرمه
قطع نظام التبريد (ردياتير - مروحة - سربنتينة ....... ) التجارية ممكن تبقى سليمة بس كفائتها حتى و هي جديدة قليلة فتخلي العربية تسخن برده

حتة زي دي تخلي اي حد يلف حوالين نفسه فعلا