تزييقه في عفشة الاسترا انجوي 2008

**karsooon** · 25-10-2008 11:25 PM

السلام عليكم ورحمة الله وبركاته
بصراحه دي اول مشاركه ليا في المنتدى الرائع ده واللي كان سبب رئيسي في اني اشتري عربيه اوبل استرا انجوي 2008
بصراحه العربيه تحفه في كل حاجه (الموتور والعفشه والفتيس الايزي ترونيك اللي مزعل ناس كتيرمع اني مش شايفه مشكله كبيره وصولا الي الكماليات الكتير اللي موجوده فيها)
بس في حاجه مضايقاني مش عارف موجوده عند مالكي السياره ولا لأ :
بسمع تزييقه في العفشه على طول مع اي مطب سواء كان جامد او بسيط ولما رحت صيانة ال 5 الاف - انا رحت مقار اللي في الدقي قالولي مفيش مشكله هنربطلك العفشه وهتبقى ميه ميه - بس للاسف التزيييقه بقت اكتر من الاول.
ياريت خبراء الاسترا المحترمين يكون عندهم حل او رد للموضوع ده لانه بجد حاجه تضايق.

**mrbond88** · 25-10-2008 11:38 PM

المفروض تغلس عليه في التوكيل وتخليه يصلحه بأي طريقة :k40:

ولو العيب ده ما رحش يشوفلك ايه البيزيق بالظبط في العفشة ويغيرهولك تبع الضمان
وده المفروض ,,
انا جوز اختي اشترى اوكتافيا و بعد 1500 كم سمع صوت خفيف بس غريب في الموتور
عمله كونسولته على العربية كلها لقو ان العيب من فرن الشكمان
غيروه كله بالشكمان ,والتكلفة كانت 9000 جنيه
ومادفعش حاجة عشان في الضمان
امال الضمان لازمته ايه ؟؟؟؟؟

**karsooon** · 25-10-2008 11:52 PM

شكرا يا باشا على ردك السريع وانا معاك اني لازم اغلس عليهم في التوكيل بس المشكله اني بشتغل في السودان وكنت مستعجل جدا عشان السفر ومالحقتش اروحلهم تاني او اروح توكيل منصور اللي في طريق اسكندريه
الفكره اني مش عارف المشكله دي عندي انا بس ولا عند حد تاني من ملاك العربيه
وشكرا يا باشا تاني مره على ردك

**KHALED AYMAN** · 26-10-2008 01:09 AM

انا معتقدش ان المشكله دى فى العربيات التانيه لان حضرتك اول واحد يقول الكلام ده بس انا عن تجربه مع منصور الى فى اسكندريه على الصحراوى فعلا توكيل محترم و هيعملوهالك سواء تصليح او تغيير فى الضمان.و فعلا العربيه زى محضرتك قولت زى الفل و الفتيس زى الفل لانى لسه مجربها فى منصور الى فى اسكندريه