الموضوع: الكورسا ولعت يارجاله بس الدهن فى العتاقى

سلامو عليكو
حصلى موقف كده فقلت احكى يمكن نفيد الناس
كنت واخد عربية اخويا الأوبل كورسا موديل 95 1200 سى سى ربنا يستر عشان هو لسه مسجل امبارح بعد ما اقنعته بالعافيه انه يسجل فى المنتدى هههههههههه

المهم رحت بالعربية كام مشوار كده ولسه راجع وبركن تحت البيت وهووووب دخان بريحة شياط طالع من تحت الكبوت طفيت العربية و بفتح الكبوت لقيت سلك البطارية نار والعه قعت ادور على مفتاح افصل بيه البطاريه للأسف العربية مافيهاش شنطة عده قمت فاصل الفيوز الرئيسى (فيوز كبير لونه اخضر فى علبة الفيوزات فى اقصى اليمين) وقعدت ادقدق فى قطاش البطارية لحد ما خلعته وجيت تانى يوم الصبح مع الكهربائى ببص لقيت ضفيرة كتاوت مروحة الردياتير كلها شايطه وكان فيه قفله فى الكتاوت ده الراغل لغى الكتاوت بالضفيرة وبيقولى ان الموديل ده نازل كده من غير كتاوت للمروحة وقام موصلها على طبه الردياتير ع طول والعربية من يوميها فله شمعه منورة

فنصيحه كل واحد يحرص على وجود الشنطه دى ولون ماعلهاش مخالفات

المشاركة الأصلية كتبت بواسطة Ahmad Allawy

الف شكر علي الاهتمام و المشاركة المفيدة يافندم..
انا الحمد لله محافزظ علي الموضوع ده من اول عربية اشتريتها..
الشنطة دي و الكوريك التمساح..

طب الحمد لله انا بس حبيت اتكلم واقول انا عملت ايه عشان لو حد اتحط لا قدر الله فى الموقف ده وماكن معاه عده