الموضوع: سيفيك vti مو 2010 بحالة الزيرو

المشاركة الأصلية كتبت بواسطة hany63

اتباعت يا باشا لواحد بيفهم فيها باءكتر من كده بالمناسبه
و لما الزيرو اللي ما بتتبعش اصلا و شكلها وحش تمنها ٢٢٠ الف يبقى لما تنزل حوالي ٧٠ الف في استخدام بسيط تبقى لقطه
ربنا فعلا يصبرك

هو الرد بتاع اللى قبلك كان ممكن يبقى بطريقة احسن بس بصراحة ردك انت برده غريب
راجع السوق و افتكر ان العربية دى كانت زيرو فى 2010 ب 175 ... بمنطقك ده اللى معاه e200 موديل 2010 المفروض يبيعها ب500 الف ... و اهو يبقى سعرها نزل 120 الف و استخدام بسيط :d
مش قصدى حاجة بس سعر السيفيك فى السوق مش كده خالص و فى الاول و الاخر السوق عرض و طلب و ربنا يوفقك فى بيعها

المشاركة الأصلية كتبت بواسطة mcml_13

هو الرد بتاع اللى قبلك كان ممكن يبقى بطريقة احسن بس بصراحة ردك انت برده غريب
راجع السوق و افتكر ان العربية دى كانت زيرو فى 2010 ب 175 ... بمنطقك ده اللى معاه e200 موديل 2010 المفروض يبيعها ب500 الف ... و اهو يبقى سعرها نزل 120 الف و استخدام بسيط :d
مش قصدى حاجة بس سعر السيفيك فى السوق مش كده خالص و فى الاول و الاخر السوق عرض و طلب و ربنا يوفقك فى بيعها

بجد منطق غريب جدا انك بتحسب سعر العربيه لما انا اشتريتها
يعني لو عند حضرتك ساعه دهب و كنت جايبها لما كان جرام الدهب ب ٣٠ جنيه و حبيت تبيعها النهارده هتبيعها بتمن زمان

هتقول لي اصل العربيه مستعمله هقول لك طب ما الساعه كمان مستعمله
الكلام ده يا باشا لو بلدك مفيهاش تضخم و اللي بيبيع بيبيع عشان يركب حاجه بدالها يعني هيروح يشتري بعد ما يبيع بسعر النهارده مش بسعر ٤ سنين فاتوا
و اعتقد ان ٧٠ الف جنيه فرق عن الزيرو ابقى عملت اوكازيون
و التوكيل كان بايع واحده اقل منها ب ١٦٥ الف
ارجو اكون وضحت و بالمناسبه العربيه اتباعت زي ما قلت قبل كده باكتر من ١٥٥ الف لسبب ان الفي تي اي قليله جدا و الحاله كانت زيرو بمعنى الكلمه عشان صاحبها اللي هوا انا كان بيدفع كل سنه ٦ الاف جنيه في جراج جنب الشغل و ليها جراج خاص في البيت

المشاركة الأصلية كتبت بواسطة hany63

بجد منطق غريب جدا انك بتحسب سعر العربيه لما انا اشتريتها
يعني لو عند حضرتك ساعه دهب و كنت جايبها لما كان جرام الدهب ب ٣٠ جنيه و حبيت تبيعها النهارده هتبيعها بتمن زمان

هتقول لي اصل العربيه مستعمله هقول لك طب ما الساعه كمان مستعمله
الكلام ده يا باشا لو بلدك مفيهاش تضخم و اللي بيبيع بيبيع عشان يركب حاجه بدالها يعني هيروح يشتري بعد ما يبيع بسعر النهارده مش بسعر ٤ سنين فاتوا
و اعتقد ان ٧٠ الف جنيه فرق عن الزيرو ابقى عملت اوكازيون
و التوكيل كان بايع واحده اقل منها ب ١٦٥ الف
ارجو اكون وضحت و بالمناسبه العربيه اتباعت زي ما قلت قبل كده باكتر من ١٥٥ الف لسبب ان الفي تي اي قليله جدا و الحاله كانت زيرو بمعنى الكلمه عشان صاحبها اللي هوا انا كان بيدفع كل سنه ٦ الاف جنيه في جراج جنب الشغل و ليها جراج خاص في البيت

ربنا يرزقك باللي احسن منها ويبارك للي خدها

الساعة الدهب لو وزنها 1 كيلو هتفضل 1 كيلو بردو بعد 100 سنة وهتتباع حسب سعرها في الوقت الحالي

لكن العربية حاجة بتستخدم وبيتبقي مستهلكة .. ماشية بقالها 4 سنين وكمان 60 الف كيلو طبيعي ان سعرها ينزل مدام مستعملة

السوق المصري كوم والاسواق التانية كوم تاني خالص .. عربيات كتير برة بينزل سعرها النص حتى لو كانت موديل السنة مدام مشيت شوية وعلقت نمر واترخصت .. هنا في مصر عربية موديل 2012 مثلا بتتباع بأقل من سعرها زيرو 2014 ب 5000 جنيه

المشاركة الأصلية كتبت بواسطة eng f3lix

ربنا يرزقك باللي احسن منها ويبارك للي خدها

الساعة الدهب لو وزنها 1 كيلو هتفضل 1 كيلو بردو بعد 100 سنة وهتتباع حسب سعرها في الوقت الحالي

لكن العربية حاجة بتستخدم وبيتبقي مستهلكة .. ماشية بقالها 4 سنين وكمان 60 الف كيلو طبيعي ان سعرها ينزل مدام مستعملة

السوق المصري كوم والاسواق التانية كوم تاني خالص .. عربيات كتير برة بينزل سعرها النص حتى لو كانت موديل السنة مدام مشيت شوية وعلقت نمر واترخصت .. هنا في مصر عربية موديل 2012 مثلا بتتباع بأقل من سعرها زيرو 2014 ب 5000 جنيه

طيب ما العربيه خسرت تلت تمنها ولا المفروض ابيعها ببلاش هوا انتم مش حاطيين عامل التضخم
هسئلك سؤال عشان نقرب الفكره
افرض انك اشتريت عربيه زيرو ب ١٠٠ الف و بعد سنه الزيرو بتاعها بقى ب ١٥٠ الف
حضرتك هتبيع بكام و خصوصا انها مطلوبه شكلا عن الزيرو ؟
المفروض على كلامك تبيع ب ٨٥ الف مش كده ولا انت شايف ايه ؟

المشاركة الأصلية كتبت بواسطة hany63

طيب ما العربيه خسرت تلت تمنها ولا المفروض ابيعها ببلاش هوا انتم مش حاطيين عامل التضخم
هسئلك سؤال عشان نقرب الفكره
افرض انك اشتريت عربيه زيرو ب ١٠٠ الف و بعد سنه الزيرو بتاعها بقى ب ١٥٠ الف
حضرتك هتبيع بكام و خصوصا انها مطلوبه شكلا عن الزيرو ؟
المفروض على كلامك تبيع ب ٨٥ الف مش كده ولا انت شايف ايه ؟

هيا عمتاً تجارة والصح انها متتباعش بسعرها لما كانت زيرو .. في ناس بتبيع التويوتا كرولا 2007 ب 150 الف مع انها زيرو كانت ب 90 الف تقريباً .. وللاسف بردو في ناس بتشتري ممع انها عربية عادية خالص تتميز بالاعتمادية والنعومة والتكييف وبس

انا مبقللش من شأن الهوندا بالعاكس الهوندا احسن من تويوتا في كل شيء وعربية محترمة جداً على مر الزمان .. بس بردو عامل سعر اعادة البيع لازم البايع يراعي فيه السوق

اتمني تكون فهمتني وفهمت اقصد ايه

وربنا يكرمك بالاحسن منها ان شاء الله

المشاركة الأصلية كتبت بواسطة eng f3lix

هيا عمتاً تجارة والصح انها متتباعش بسعرها لما كانت زيرو .. في ناس بتبيع التويوتا كرولا 2007 ب 150 الف مع انها زيرو كانت ب 90 الف تقريباً .. وللاسف بردو في ناس بتشتري ممع انها عربية عادية خالص تتميز بالاعتمادية والنعومة والتكييف وبس

انا مبقللش من شأن الهوندا بالعاكس الهوندا احسن من تويوتا في كل شيء وعربية محترمة جداً على مر الزمان .. بس بردو عامل سعر اعادة البيع لازم البايع يراعي فيه السوق

اتمني تكون فهمتني وفهمت اقصد ايه

وربنا يكرمك بالاحسن منها ان شاء الله

احنا كدا متفقين طالما قلت انها تتقيم من سعر الزيرو بتاع النهارده
بس اسمح لي اصحح لحضرتك مفهوم انها تجاره
التجاره يا عزيزي مكسب و خساره انما عمر ما المستعمل هتكسب فيه نهائي حتى لو مكسب ظاهري على اساس سعر زمان هتلقى الزيرو زاد برضه عشان اي حد بيبيع يا هيركب زيرو نفس الشكل او اعلى يبقى هيكمل مبلغ محترم يبقى فين المكسب اللهم الا اذا كان بيبيع لظروف عشان يمسك سيوله ويركب الاقل
الصح نقول عرض و طلب و اعتقد من حق اي حد بيبيع يقدر لعربيته اعلى سعر و في الاخر هيبيع بسعر السوق والا يبقى بيهزر
ولعلم حضرتك لسه واحده فاضيه مش ال vti مو ٢٠٠٩ متباعه ب ١٤٠ الف
لما تكون مو ٢٠١٠ ادي المفروض ١٠ الاف زياده و vti تزيد ١٥ الف و كماليات اضافيه بعشرة الالف تاني يبقى كان المفروض ابيع ب ١٧٥ الف على كده
بس انا كنت عامل موضوع في قسم هوندا و فيه ناس قدرت العربيه باءكتر من كده و فيه ناس قدرتها باءقل من قيمتها قمت واخد المتوسط
وده السبب ان المشتري عندي خلص فيها و دفع فلوسها و راح سجل كل ده في ساعتين زمن عشان تعب من اللف و التدوير في حاجات غاليه فعلا و حالتها تعبانه
تحياتي

المشاركة الأصلية كتبت بواسطة hany63

بجد منطق غريب جدا انك بتحسب سعر العربيه لما انا اشتريتها
يعني لو عند حضرتك ساعه دهب و كنت جايبها لما كان جرام الدهب ب ٣٠ جنيه و حبيت تبيعها النهارده هتبيعها بتمن زمان

هتقول لي اصل العربيه مستعمله هقول لك طب ما الساعه كمان مستعمله
الكلام ده يا باشا لو بلدك مفيهاش تضخم و اللي بيبيع بيبيع عشان يركب حاجه بدالها يعني هيروح يشتري بعد ما يبيع بسعر النهارده مش بسعر ٤ سنين فاتوا
و اعتقد ان ٧٠ الف جنيه فرق عن الزيرو ابقى عملت اوكازيون
و التوكيل كان بايع واحده اقل منها ب ١٦٥ الف
ارجو اكون وضحت و بالمناسبه العربيه اتباعت زي ما قلت قبل كده باكتر من ١٥٥ الف لسبب ان الفي تي اي قليله جدا و الحاله كانت زيرو بمعنى الكلمه عشان صاحبها اللي هوا انا كان بيدفع كل سنه ٦ الاف جنيه في جراج جنب الشغل و ليها جراج خاص في البيت

على فكرة انت فهمت كلامى غلط تماما ... ده منطقك انت اللى بتحسب سعر عربية على عربية تانية خالص عشان هى الموديل الجديد بتاعها ... انا بقولك لو المنطق بتاعك مظبوط يبقى انا كلامى مظبوط
عموما السوق عرض و طلب و مالوش اى علاقة بالكلام اللى انت قلته او اللى انا قلته
فى عربيات كتير سعرها زاد عن الزيرو بتاعها و عربيات اكتر سعرها نزل اكتر من نص تمنها
الموضوع كله بيرجع لحسابات السوق .,, و بما ان احنا فى مصر اقولك حسابات السوق هنا ايه

العربيات اللى هتلاقيها ماسكة سعر هى العربيات اللى التكنولوجيا بتاعتها مش عالية قوى عشان اى حد يشتغل فيها و اللى قطع غيارها مرطرطة فى السوق ... زى الالنترا و السيراتو و الاكسنت و البوما و حتى الكورولا لحد 2006
العربيات اليابانى زى الكورولا بتنزل شوية عن اللى فاتوا و السيفيك بتنزل اكتر شويتين و السوبارو و المازدا بينزلوا اكتر و اكتر
الفرنساوى العالى زى الميجان و الفلوينس و البيجو و السيتروين بينزلوا اكتر من نص تمنهم
انما اللوجان و الحاجات ظى بينزلوا شوية بس مش كتير
حتى الالمانى هتلاقى المرسيدس و الفولكس بيمسكوا سعر عن البى ام و الاوبل
كل ده بيرتبط بثقافة سوق و قطع غيار و العربيات اللى اقدر اخلى اى حد يشتغل فيها و هكذا

و عموما تانى ربنا يوفقك فى البيع و تبيعها باللى تطلبه ... بس لما تبيع قولى بعت بكام :d

المشاركة الأصلية كتبت بواسطة mcml_13

على فكرة انت فهمت كلامى غلط تماما ... ده منطقك انت اللى بتحسب سعر عربية على عربية تانية خالص عشان هى الموديل الجديد بتاعها ... انا بقولك لو المنطق بتاعك مظبوط يبقى انا كلامى مظبوط
عموما السوق عرض و طلب و مالوش اى علاقة بالكلام اللى انت قلته او اللى انا قلته
فى عربيات كتير سعرها زاد عن الزيرو بتاعها و عربيات اكتر سعرها نزل اكتر من نص تمنها
الموضوع كله بيرجع لحسابات السوق .,, و بما ان احنا فى مصر اقولك حسابات السوق هنا ايه

العربيات اللى هتلاقيها ماسكة سعر هى العربيات اللى التكنولوجيا بتاعتها مش عالية قوى عشان اى حد يشتغل فيها و اللى قطع غيارها مرطرطة فى السوق ... زى الالنترا و السيراتو و الاكسنت و البوما و حتى الكورولا لحد 2006
العربيات اليابانى زى الكورولا بتنزل شوية عن اللى فاتوا و السيفيك بتنزل اكتر شويتين و السوبارو و المازدا بينزلوا اكتر و اكتر
الفرنساوى العالى زى الميجان و الفلوينس و البيجو و السيتروين بينزلوا اكتر من نص تمنهم
انما اللوجان و الحاجات ظى بينزلوا شوية بس مش كتير
حتى الالمانى هتلاقى المرسيدس و الفولكس بيمسكوا سعر عن البى ام و الاوبل
كل ده بيرتبط بثقافة سوق و قطع غيار و العربيات اللى اقدر اخلى اى حد يشتغل فيها و هكذا

و عموما تانى ربنا يوفقك فى البيع و تبيعها باللى تطلبه ... بس لما تبيع قولى بعت بكام :d

العربيه اتباعت ب ١٥٥٢٠٠ جنيه باءكتر كمان من اللي طلبته من اسبوع و كنا اتفقنا على ١٥٦ الف عشان عملت حساب الفصال و انها تكون محتاجه اي قطعة غيار رغم ان كانت خارجه من صيانة ال ٦٠ الف و المفروض مفيهاش الهوا و لما اتكشف عليها في التوكيل قالوا انها عايزه طقم اصلاح علبه دريكسيون ب ١٨٠٠ جنيه فسبتله ٨٠٠ جنيه من نفسي من غير ما يطلب
وبالمناسبه ده كان اول زبون يشوفها و اعتقد بكده العربيه اتباعت بالحد الادنى من قيمتها لان الراجل شافها ١١ بليل و قابلني تاني يوم الساعه ٨ الصبح و خلص فيها بعد الكشف و التسجيل و كان قرب يبات جنبها