كتيبات صيانة النيفا في جميع أجزاء السيارة

**speed demon666** · 26-10-2008 01:50 AM

السلام عليكم ورحة الله و بركاته

انا جمعت كتيبات الصيانه الخاصه بالادا نيفا في جميع أجزاء السياره بدايه من الموتور و العفشه و الكهربه و كل شيئ
اللينك :

http://rapidshare.com/files/157504019/niva.rar.html

و ياريت تدعولنا يكون في ميزان حسناتنا

و أرجو من أصحاب النيفا أنهم يفيدونا برأيهم علشان انا ناوي عليها ان شاء الله

**MrTooFast** · 26-10-2008 12:29 PM

تسلم الأيادى..
بصراحه انا كمان بفكر, و لو لن الردود فى الموضع مش مبشره قوى. بس خلينا على اتصال و ربنا يسهل.

**speed demon666** · 26-10-2008 04:18 PM

يا مسهل أخيرا لقيت حد يشجعني ...... انا معاك يا ريس

يا رجالة المنتدى و خصوصا أصحاب النيفا أو اللي جربوها ...... عيزين همتكو معانا

**محمد بازيد** · 26-10-2008 06:42 PM

بسم الله الرحمن الرحيم

نداء رقم 3000000 حرام دفع فلوس فى النيفا سواء جديدة أو قديمة او اى حاجة عربية متنفعش غير انك تدخل بيها حرب مع أصحاب العربيات النقل العربية دى تقيلة فى كل حاجة وكبيرة على عزم 80 حصان يا جماعة العربية دى المفوض للجيش ولاصحاب المزارع الجبلية رجاء خاص بلاش حد يشتريها واللى له اى سؤال انا موجود بس العربية الجديدة دى 1700 ccيعنى 2050 ضريبة دة غير الورق يعنى 2500جنية ترخيص كل سنة

ياريت يا جماعة متغلطوش الغلطة دى بنفس الثمن ممكن تركب جيب شيروكى عربية نفس العلو بس بدون مخاطر النيفا

تقبلوا تحياتى ورائى المتواضع

**speed demon666** · 27-10-2008 11:40 AM

طب يا أخ bazed2006 انت بقول ان أنا ممكن أشتري بتمنها شيروكي يعني بالاضافه للضريبه هنزود البنزين و قطع غيار .
تاني حاجه انا لو عايز سياره عفشه قويه و بودي ناشف و استعمال مش قوي يبقى أكيد النيفا هتعيش معايا سنين لو على استعمالي اللي انا بستعملو ديلوقتي ده غير اللي انت شايفو في الطرق بتاعتنا اليومين دول , تالت حاجه موضوع الضريبه عمرها ما هتوصل للرقم اللي حضرتك بتقولو لأن الحد الاقصى للمواتير اللي فوق ال 1630 لحد 2030 هو 1000 جنيه (دا على حسب علمي ) و لو في حد يقدر يفيدنا في الموضوع ده ياريت يتفضل و أكون جزيل الشكر ليه

و يا ريت لو تقدر توضحلي أكتر ايه سبب كرهك للنيفا بالشكل ده مع ان في ناس كتير بتحبها و بره بشوف ناس بتجيبها , قولنا يمكن نقدر نستفيد من تجربتك

**محمد بازيد** · 27-10-2008 07:39 PM

بسم الله الرحمن الرحيم

الاخ الفاضل speed demon666 العربية انا مش بكرها انا بس حبيت اوضح للناس علشان حرام تدفع 68000 فى عربية شكلها متغيرش من 35 سنة وبعدين العربية فيهامشاكل كثير جدا اولا مشكلة البيض الشهيرة جدا فى اللادا ثانيا العربية بتسخن لاقل الاسباب ثالثا العربية محور الدوارن بتاعها صغير جدا وبعدين فى الملفات لازم تتاخذ براحة لانها ممكن تتقلب ولكن يا سيدى الفاضل اللى نعرفه ان ضريبة العربية تقريبا بالمصريف تعمل 2500 فى السنة انا لسة سال فى المرور علشان اتاكد رابعا انت بتقول ان الجيب شيروكى حاجتها غالية انا بس احب اوضح لحضرتك حاجة ان الحاجة اللى بتشتريها فى اللادا ب10 ج بتبوظ على طول لان مفيش قطع اصلية انما الجيب قطع غيرها اصلية ومعمرة ثالثا العربية دى عزمها 80 حصان حرام على الجسم دة وبعدين اقوك على حاجة انا الباب بتاع الشنطة عندى والله متقدرش تشيلة بايد واحدة وبعدين يا سيدى كلنا بندور على الرفاهية يعنى محدش بيدفع فلوس علشان بتعزب بيها انت لو جبت بالفلوس دى عربية حلوة مكيفة وبعدين اهم ميزة انها اربعة باب

اسف على الاطالة وياريت لو فى حاجة غلط فى كلامى تقولى

**zakyfox** · 27-10-2008 07:49 PM

يا رجاله
النيفا من العربيات المحترمه
وتمنها لا يزيد عن 25الف جنيه
وادائها ثابت وجوده
والله........................................ .......
نيفا ولا جيب

**fadios** · 27-10-2008 10:48 PM

انا كمان عينى من النيفا و عن قريب هشترى واحده ... من الاخر هى الوحيده اللى تنفع مع ظروف الطرق المصريه و اسلوب القياده المصريه..
ياريت اللى عنده اى معلومه ميبخلش علينا بيها

**MrTooFast** · 01-11-2008 02:08 AM

أيه الأخبار. فى حد جرب النيفا الجديده. طمنونا بالنتائج يا رجاله.

**speed demon666** · 01-11-2008 04:10 PM

انا رحت المعرض و اتفرجت عليها العربيه كانت كويسه ..... واسعه من الكنبه اللي ورا على عكس ما كنت متخيل و الشنطه كمان واسعه , الباور بيتاعها ممتاز انا جربتو , الصاج تقيل .... انا بصراحه مركزتش في موضوع التقفيل بس لفت نظري حاجه غريبه على الرغم من انو مكتوب في الاعلان ان الصاج معالج ضد الصدأ الا ان انا لقيت نقر كانت في الشنطه عامله زي البارومه لأن كان في صدأ نازل منها,الباب كان فيه دقدقه كأنو كان عند السمكري بس كانت من جوا , لما شغلت الموتور كان صوتو( و أعتقد ان ده العادي) كان عالي و لما زودت كان فيه تقطيعه غريبه مسمعتهاش في موتور انجكشن قبل كده ,البكتات اللي في الجناب شكلها مش ظريف , التبلوه تحس انك راكب عربيه من موديلات الثمانينات او أول التسعينات زي مثلا الشاهين الأرجنتا حاجه زي كده ,الاسعار كان فيها بعض الاختلافات يعني البدايه 64900 جنيه دي فيها باور و تكييف و كاسيت بعد 71900 جنيه بيحطلك بأه الجنوط و الاكصدام و الشبكه اللي فوق , انا العربيه داخله دماغي بس ناس كتير خلوني قلقان منها

الموضوع: كتيبات صيانة النيفا في جميع أجزاء السيارة

LinkBack

أدوات الموضوع

عرض

كتيبات صيانة النيفا في جميع أجزاء السيارة - انشر الموضوع فى :

-

-

-

المواضيع المتشابهه

كتيبات صيانة اللوجان Service Manuals

جميع كتيبات الصيانه لجميع النيفا القديم مش هتعوزوا بعده حاجه ان شاء الله

مالذي تعرفه عن أجزاء السيارة؟؟؟

مساعدة في التعرف على أجزاء السيارة (بالصور)

شرح لكيفية عمل أجزاء السيارة المختلفة

الكلمات الدلالية لهذا الموضوع

المفضلات

المفضلات

ضوابط المشاركة