لمبة الزيت بتهزر معايا

**J A G U A R** · 28-09-2014 05:09 PM

المشاركة الأصلية كتبت بواسطة m_sharaf_2005

يعنى مشكله فى خرطوم السيرفو بتاع الفرامل ياثر على لمبة الزيت بتاع الماتور ؟

ايوه يا فندم
بيخليها تنور وتطفى

**mona_881** · 29-09-2014 01:43 AM

المشاركة الأصلية كتبت بواسطة Mecha

غالبا باد كونتاكت في سلكة الساعه
جرب تنضفها اواقطع السلك وركب ترمله جديده

شكرا لحضرتك ربنا يسهل وتكون بسيطة ان شاء الله
بس علي فكرة انا بنت والأكونت ده( micho_881) حاولت أغير الاسم مش عارفه هههههه

**J A G U A R** · 29-09-2014 02:20 AM

المشاركة الأصلية كتبت بواسطة micho_881

متشكرة جدا لحضرتك ان شاء الله هاروح للميكانيكي بتاعي وربنا يسهل وتطلع حاجة بسيطة
بس حضرتك قولت للأخ اللي سأل بعدي علي نفس المشكلة انها ممكن تكون من الفرامل وانا فعلا لاحظت ان اللمبة أحيانا (أحيانا) بترعش مع دوسة الفرامل فعلا وأحيانا بترعش لوحدها
يعني انهارده مثلا كانت مؤدبة خالص ومنورتش بس الموضوع عامللي روشة ومخليني عمالة أبص علي العدادات كل شوية
والمشكلة كمان انها مش باينة علطول ساعات وساعات يعني الميكانيكي ممكن يسوق العربية والمشكلة متبانش

عادى ممكن تكون نفس المشكله اللى عند الاستاذ m_sharaf_2005

وسبحان الله انا اكتشفت وانا جى من شويه ان عندى لمبه الهاند عماله تنور برضه وبتزاولنى طول السكه علشان الزيت ناقص :)

وعلى فكره مش المشكله ان اللمبه تيجى عند الميكانيكى ومتشتغلش .. لا
المشكله ان اول ما تمشى من عنده تشتغل

**Mecha** · 30-09-2014 12:39 PM

المشاركة الأصلية كتبت بواسطة m_sharaf_2005

السلام عليكم ورحمة الله
انا كنت لسه فاتح عشان اكتب على الموضوع ده انا معايا اوبترا 2008 اوتو بعد شوية من السواقه لو جيت ادوس فرامل لمبة الزيت بترعيش يعنى اول ما العربية تبداء تقف او لو نقلت على ال p او على ال n ياريت حد يقدر يفيدنى فى المشكله دى عشان هى مش عربيتى ومعايا بشكل مؤقت ومش عارف اعمل ايه .

وسرعة السلانسيه واطيه؟؟؟
دي تررعش لمبة الزيت
شيك عليها الاول

**Mecha** · 30-09-2014 12:44 PM

المشاركة الأصلية كتبت بواسطة micho_881

شكرا لحضرتك ربنا يسهل وتكون بسيطة ان شاء الله
بس علي فكرة انا بنت والأكونت ده( micho_881) حاولت أغير الاسم مش عارفه هههههه

لا مؤاخذه يا ست البنات
العتب ع لاسم و بحكم العاده ف المنتدي

**K.Ossama** · 30-09-2014 02:01 PM

المشاركة الأصلية كتبت بواسطة micho_881

بس علي فكرة انا بنت والأكونت ده( micho_881) حاولت أغير الاسم مش عارفه هههههه

http://www.nilemotors.net/Nile/281696-a-46.html

**mona_881** · 30-09-2014 11:43 PM

المشاركة الأصلية كتبت بواسطة Mecha

لا مؤاخذه يا ست البنات
العتب ع لاسم و بحكم العاده ف المنتدي

ولا يهمك وميرسي لذوقك

طيب بالنسبة لمشكلة لمبة الزيت لو فرضنا ان هي هي نفس المشكلة اللي عند الاخ m_sharaf_2005 في الكومنت اللي قبل ده حضرتك قولتله ان سرعة السلانسيه بطيئة ؟
طيب انا عندي السلانسيه طبيعي جدا والحمدلله العربيه مش بتبطل ولا حاجة ولو علي الغيار التاني بتبقي سريعة كمان
حضرتك تفتكر ده يبقي من ايه بقي المشكلة ان الميكانيكي بتاعي كل لما اروحلة 3 مرات لحد دلوقتي بلاقيه زحمة يمكن علشان العيد ومش هاينفع يسيب اللي معاه ويجرب العربية
ومتشكرة جدا لاهتمام حضرتك

**mona_881** · 30-09-2014 11:50 PM

المشاركة الأصلية كتبت بواسطة k.ossama

http://www.nilemotors.net/nile/281696-a-46.html

انا مش عارفة اشكر حضرتك ازاي بجد والله أول مرة أعرف ان ممكن نغير اسم الاكونت انا حاولت اكتر من مرة ومكنتش اعرف انه لازم عن طريق الادارة

يعني انا أختار اسم تاني واكتب طلب للادارة للتغيير
متشكرة جدا لحضرتك