السلام عليكم ورحمة الله وبركاته
هذة الموضوعات المشروحة بالصور التى تخص قسم الفيفوريت و الفليشيا وسيتم اضافة الموضوعات المستحدثة باذن الله للتيسير على الزملاء سرعة الوصول الى المعلومة باقل جهد ممكن
عرض للطباعة
السلام عليكم ورحمة الله وبركاته
هذة الموضوعات المشروحة بالصور التى تخص قسم الفيفوريت و الفليشيا وسيتم اضافة الموضوعات المستحدثة باذن الله للتيسير على الزملاء سرعة الوصول الى المعلومة باقل جهد ممكن
طريقة تغيير لمبات لوحة العدادات لسكودا فليشيا
لينك الموضوع
http://www.nilemotors.net/Nile/329753-a.html
اقتباس:
أولا نبدأ باسم الله الرحمن الرحيم
قبل مانبدأ لازم نتأكد إن الفيوزات بتاعة العربية سليمة علشان منفكش اللوحة ونغير اللمبة ونرجع نقول اللمبة مش سليمة
العدة المطلوبة للفك والتركيب
1-مفك عادة
2- مفك صليبة
أول حاجة لازم نعرف أماكن المسامير فين وبعدين نتوكل على الله ونبدأ الفك
ودي صورة التابلوه ومكان كل مسمار فين
http://nileup.com/up/uploads/nilemotors_13580663461.jpg
هنجيب المفك العادة وبالسن بتاعه بالراحة هنفك جزء جزء من اللي متعلم عليهم في الصورة اللي فاتت لغاية مهنلاقى التابلوة بقى بالشكل ده
http://nileup.com/up/uploads/nilemotors_13580666101.jpg
بعدين هنلاقى 5 مسامير نفكهم بالمفك الصليبة وبعدها نيجي بالمفك العادة ومن فوق الدريكسيون زى الصورة اللي جاية ونرفع الجزء ده علشان نقدر نسحب التابلوه بره
http://nileup.com/up/uploads/nilemotors_13580710941.jpg
هنلاقى التابلوه اتفك بس طبعا الكابلات لسه ماتفكتش من ورا العدادات هنشد لبرة بس بالراحة علشان مفيش سلوك تتقطع بعدين هنلاقى أربع كابلات في اليمين وكابلين في الشمال هنفكهم ونعرف ترتيب ألوانهم علشان لما نرجع نركب تانى
ودي صورة التابلوه بعد فك المسامير مع صورة الكابلات اللي واصلة بالمفاتيح
http://nileup.com/up/uploads/nilemotors_13580671501.jpg
http://nileup.com/up/uploads/nilemotors_13580671911.jpg
خلاص فكينا الكابلات اللي فاليمين والشمال هنسحب سنة لبره ونروح فوق التابلوة هنلاقى شدادتين ماسكين لوحة العدادت بالتابلوه ودول رخمين ونخلى بالنا واحنا بنفكهم وهنفكهم من الجزء الامامى اللى هو الاسود وبعد مانفكهم هنلاقى التابلوه ولوحة العدادت بقت بالشكل ده الجزء اللى فاليمين والشمال الشدادات اللى قلنا عليهم واللى متعلم عليهم بدايرة دى مخدات بتبات جوة الجزء الاسود
هنيجي بقى لاهم حاجة فك كابلات العدادات وهنبدا من الشمال من ناحية زرار النور هنلاقى كابل ابيض هنفكه وبعدين هنلاقى كابل السرعة هنفكه بس نخلى بالنا منه علشان الكابل قصير وبعدين هنلاقى كابل اسود هنفكه وبعدين كابل اصفر كده لوحة العدادات بقت حرة ونقدر نطلعها برة خالص ونشتغل فيها براحتنا زى الصورة دى
http://nileup.com/up/uploads/nilemotors_13580681921.jpg
دلوقتى تعالو نعرف ايه اللى موجود فى لوحة العدادات هنلاقى موجود الصف السفلى وفيه لمبات بالترتيب من اليمين للشمال
هنروح علشان نغير اللمبات اللى مش شغالة عندنا باخرى سليمة وللعلم هنلاقى عندنا لمبات القاعدة بتاعتها لونها ازرق ولمبات القاعدة بتاعتها لونها اخضر ( عندنا فى لوحة العدادت اربع لمبات غير مستخدمين "لمبة الايرباج – لمبة chk – لمبة حزام الامان – لمبة ABS" )
اللمبات الزرقاء 12 فولت 1.2 وات
اللمبات الخضراء 24 فولت 2 وات
http://nileup.com/up/uploads/nilemotors_13580697791.jpg
ودى صورة للمبة 24 فولت بعد مافكيناها وشكلها طبعا باين انها محروقة
وبعد ماغيرنا اللمبات المحروقة باخرى سليمة غير مستخدمة فى لوحة العدادت هنرجع نقف تانى زى مافكينا وهنبدا الاول ندخل لوحة العددات ونرجع نركب الكابلات معكوسة يعنيى من اليمين للشمال ونركب الجزء الاسود ونقف بالشدادات اللى قلنا عليها ونركب الكابلات بتاعة المفاتيح الانتظار والنور والشبورة ونرجع نقفل مساميرنا تانى
والف مبروك عليك رجوع اللوحة زى مايكون العربية جديدة
شوية حاجات حصلت معايا
1- نزلت اشتريت 3 لمبات سفايا صيني من التوفيقية الواحدة تمنها 1 جنيه
2- سالت على لمبات سفايا تانى لقيت مجرى جبت 4 لمبات الواحدة 3 جنيه
3- اللمبات اللى اشتريتها من غير القاعدة بتاعتها ومعرفتش اخلع اللمبة من القاعدة واغيرها
4- ممكن منشتريش لمبات جديدة ونركب زى ماقلنا من اللمبات الغير مستخدمة
5- وانا بقفل كان لازم حد يبقي معايا علشان اعرف اقفل الشداد اللى فوق التابلوه
6- فى لوحة العدادت من تحت رجلين بتركب فى الجزء الاسود
7- نخلى بالنا واحنا بنفك اللمبات علشان القاعدة بتاعتها بقت ضعيفة (15 سنة اشغال شاقة)
8- وانا بفك لمبة القاعدة بتاعتها باظت
9- واحنا بنركب الكابلات بتاعة العدادت نخلى بالنا من كابل السرعة لانى قفلت والكابل مكنش راكب كويس ورجعت فكيت تانى
ودى صورة من اللمبات اللى انا اشتريتها ومستفدتش منها بحاجة
http://nileup.com/up/uploads/nilemotors_13580705171.jpg
حاولت اصور لوحة العدادات بعد ماخلصت شغل بس كل الصور بيبقي مش باين فيها الاضاءة من الفلاش بتاع الكاميرا او لو لغيت الفلاش الصورة بتطلع معتمة
ليا طلب صغير ادعولى بظهر الغيب إن ربنا يفرجها عليا ويفك كربى
يارب اكون قدرت اعمل حاجة مفيدة
شرح تفصيلى بالصور اخراج طابلوة الفيفوريت
لينك الموضوع
http://www.nilemotors.net/Nile/327965-a.html
اقتباس:
السلام عليكم ورحمة الله وبركاتة:-
اليوم انا حابب اعرض عليكم هذا الموضوع والخاص بطابلوه السيارة الفيفوريت وما يشابهها من الفليشيا والكومبو وسيتضمن الموضوع عرض بالصور لمراحل فك الطابلوة من السيارة حتى فك المبات والعدادات وعلى بركة الله نبداء....
الصورة الأولى وهى توضح او مسمار يجب فكة وهو مسمار مفاتيح الأنارة وهى على يسارالسائق....
http://www2.0zz0.com/2013/01/04/12/194846198.jpg
الصورة الثانية : اخراج مجموعة مفاتيح الانارة:-
http://www2.0zz0.com/2013/01/04/12/793987414.jpg
الصوة الثالثة وهى فك وصلات الكهباء من لوحة مفاتيح الانارة (السوكيتات ) وبتالى اصبحت منفصلة تمام عن الطابلوة:....
http://www2.0zz0.com/2013/01/04/12/811543607.jpg
الصورة الرابعة :- وهى فك المسمار الثانى والتى يقوم باخراج لوحة مفاتيح المروحة والتكييف والانتظار والتى هى يمين السائق*
http://www2.0zz0.com/2013/01/04/12/130015393.jpg
الصورة الخامسة :- وفيها يتم سحب المجموعة للخارج*
http://www2.0zz0.com/2013/01/04/12/216708245.jpg
الصورة السادسة :- وهى فك وصلات الكهرباء (الثلاث سوكيتات ) لتكون اللوحة باكملها حرة من الطابلوة
http://www2.0zz0.com/2013/01/04/12/903322108.jpg
الصورة السابعة : فك مسمار كفر الطابلوة الأول*
http://www2.0zz0.com/2013/01/04/12/680240741.jpg
الصورة الثامنه : فك مسمار كفر الطابلوة االثانى*
على فكرة هناك مسمار ثالث يوجد اسفل لوحة مفاتيح الانارة اقصى يسار السائق وهو ايضا لامساك كفر الطابلوة ....
http://www2.0zz0.com/2013/01/04/12/845071713.jpg
الصورة التاسعة : وهى سحب كفر الطابلوة من السيارة حتى نتمكن من الوصول الى مسامير الطابلوة....
http://www2.0zz0.com/2013/01/04/12/878590868.jpg
الصورة العاشرة :-فك المسمار اليمين اللطابلوة من اعلى كما بالصورة ....
http://www2.0zz0.com/2013/01/04/12/390463806.jpg
الصورة الحادية عش: فك المسمار الثانى للطابلوة يسار ....*
http://www2.0zz0.com/2013/01/04/12/264019506.jpg
الصورة الثانية عشر : وهى للطابلوة خارج السيارة ولاخراج العدادات الخطاواط كمايلى:-
1- حنفك الثلاث مسامير لتتحرير وش العدادات
2- كل عدادا مثبت بصامولتين صغيرتين ما عدا عداد السرعة فهو مثبت بصاموله كبيرة نقوم بفكها ببنسة او اى مفتاح مناسب انا عنفسى بفكها بالبنسة....
3- وكما قلنا كل عداد مثبت بصمولتين صغيرتين سنقوم بفكهما ببنسة وبالتالى تم اخارج العداد كما بالصورة التالية
4- وطبعا زى محنا شايفين المبات الاصلية لونها رصاصى نقوم بلفة لفه صغير عكس عقارب الساعة واخراجها ....
http://www2.0zz0.com/2013/01/04/13/306976751.png
http://www2.0zz0.com/2013/01/04/12/377545972.jpg
يارب اكون صنعت شيئ قد ينتفع منه العالمين وانا تحت امركم فى اى سؤال **
شرح كامل بالصور
فتيس
الفيفوريت و الفليشيا
لينك الموضوع
http://www.nilemotors.net/nile/320693-a.html
اقتباس:
السلام عليكم ورحمة الله وبركاته
طبعا كما هو بالعنوان النهاردة حنقوم بالشرح العملى على فتيس فليشيا واخواتها ازاى تفك الفتيس وازاى تغير الاسطوانه والدسك وازاى كمان تغير بلية الدبرياج....
ودا طبعا تم على موتور مفكوك على الارض وسوف ابين كيفية حل الفتيس من السيارة ولاكن لا توجد سور متوفرة لهذاه العملية ونبدء على بركة الله وقوته بالشرح....
الصورة الأولى
http://nileup.com/up/uploads/nilemotors_13537604681.png
هذا هو الفتيس راكب على الموتور وموضح مسامير ربط الفتيس بالماتور وهم عد خمسة مسامير مقاس 16 واثنين من اسفل مقاس 10....
الصورة الثانية
http://nileup.com/up/uploads/nilemotors_13537604682.png
هذ هو الفتيس من الداخل وساوضح النقاط المبينة كلتالى:-
1- ترس الحركة فى المارش....
2- مسمار تغيير اتجاه شداد الفتيس....
3- بلية الدبرياج....
4- مكان تركيب واير السرعة....
5- مكان تركيب الكوبلين الشمال....
6- مسمار 10 ....
8- مسمار ربيط16....
الصورة الثالثة
http://nileup.com/up/uploads/nilemotors_13537604682.png
الفتيس من جهة العجلة اليمنى وواضح مكان تركيب الفتيس القصير....
الصورة الرابعة
http://nileup.com/up/uploads/nilemotors_13537607401.png
طبعا الصورة دى بتوضح الديسك وكما ترون يتم تثبيتة بعدد 6 مسامير مقاس وثلاث بنوز تثبيت الديسك12....*
الصورة الخامسة
http://nileup.com/up/uploads/nilemotors_13537607402.png
اس البلاوى وسبب المشاكل الاسطوانه وكما ترونه تركب فى قلب الترس المدير....*
الصورة السادسة
http://nileup.com/up/uploads/nilemotors_13537607403.png
الصورة السادسة توضح معالم الشيخوخة التى تظهر على الاسطوانة....
الصورة السابعة
http://nileup.com/up/uploads/nilemotors_13537612551.png
الصورة السابعة تجمع بين الأختين هناء وشرين أسف (الاسطوانة والديسك)
الصورة الثامنه
http://nileup.com/up/uploads/nilemotors_13537612552.png
الصورة الثامنه تبين بوضوح طبة تفريغ زيت الفتيس والتى احتار فيها الأطباء والمعلمون سابقا....
وهذا ولسوف اسرد على حضراتكم كيفية التغيير العملى على السيارة والموتور راكب بالسيارة....
اولا : يتم رفع السيارة منالجهة اليمنى وفك الفردة اليمنى ووضع سنادة تحت عتب السيارة للحفاظ على ثبات السيارة واستمرار رفعها حيث اننا سوف نستعمل الكوريك فى اشياء اخر (تحزير يجب تثبيت السيارة واختيار سنادة قوية حتى لا يحدث اثناء الفك اهتزاز حيث اننا سوف نستعمل مطارق ثقيلة وخلافة....
ثانيا : بعد ما تتم رفع السيارة الى اقصى ارتفاع من الجانب الأيمن ووضع سنادة تحت العتب وفك الفردة نقوم بفك صامولة الكوبلين من صورة العجلة وهذا يحتاج لقمة 32 ولافيه....
ثالثا : نفك مسمار تثيبت المقص بالمساعد وعلى فكرة هذا مسمار مسلوب سيحتاج منك دق بمطرقة كبيرة حتى يخرج ومن ثم الدق على المقص من نقطة تثبيته فا المساعد بقوة....
رابعا : هانحن انتهينا من فك المساعد واصبح المقص اليمين حر الحركة نقوم بسح الكوبلين الى الداخل لاخراجة من صورة العجلة....*
خامسا : نقوم بفق مسمار تثبيت عصا التحويل من اسفل وفك واير السرعة بالقمة مسمار 8 حتلاقية جنب واير السرعة بلاش تفك واير السرعة لوحدة لا فكة يالقمة....
سادسا : ضع الكوريك تحت الفتيس بالمنتصف وفم بالرفع خفيف حتى تتمكن من فك مسمار القاعدة ....
سابعا : لا تنسى فك شداد الديبرياج ....
ثامنا : فك وصلات الدينموا ويستحسن فصل كبلات البطارية لتجنب وقوع شرر اثناء الفك....
تاسعا : هنا نبدا بفك المسامير الخمسة بمفتاح 16 ومسامارين من اسفل بمفتاح 10....
وهنا كما اوضحنا بالصور يتم عمل تغيير الاسطوانة والديسك وكمان بلية الدبرياج....
يارب اكون عملت حاجة ينتفع بها الناس....
بالصور شرح مبسط كاربرتير الفيفوريت و الفليشيا
لينك الموضوع
http://www.nilemotors.net/Nile/328852-a.html
اقتباس:
السلام عليكم ورحمة الله وبركاته ....*
طبعا كلنا بنسمع عن منظفات الكاربرتير وما اكثرها فبعد قراءة عدة موضوعات جاء بخاطرى ان استرى احدى منظفات الكاربرتير لصيان كاربتير فيفورتى ولاكن لم اشعر باى تغيير فقرت ان اجاذف وافك الكاربرتير بنفسى مع جهلى بالعديد من مكوناته وقررت ايضا ان اصور كل قطعه للعلم بالشئ وليس الجهل به....
وعلى بركة الله وتوفيقة انقل لكم التجربية:-
http://www13.0zz0.com/2013/01/08/12/697344476.png
الصورة الأولى وهى صورة الكاربرتير بعد ما فكينا العمة واخرجنا الفلتر وهو ممسوك بثلاث صامولات مقاس 8 وكما هو موضح بالاسهم مسامير ربط الطاربرتير على قاعدتة بالمنيفور وهم ثلاث مسامير يتم فكهم بمفتاح الانكيه وواضح بالصور فلتر البنزين العمومى (الكوبايه ) والتى تحتوى على ثلاث خراطيم ايضا وقد شرحتها سابق ولاكن للعلم هذا الفيلتر بهة مدخل للبنزين ومخرجين واحد يدخل على الكاربرتير والثانى العلوى فائض يعوض الى التانك:-
http://www3.0zz0.com/2013/01/08/12/145730771.png
الصورة الثانية :-وهى ايضا للكاربرتير قبل فكة يجب فك كافة الخراطيم وهذا كما بالصورة خرطوم مياة لتسخين الكاربرتير وخاصة ان فليشيتنا مصنعه للأجواء الثلجية فهذا الخرطوم يقوم بنقل المياة الساخنة لتساعد على سيولة البنزين فى الشتاء:-
http://www3.0zz0.com/2013/01/08/12/862517887.png
الصورة الثالثة والواضح بعها اهم شئ اعتبره انا فى الكاربرتير وهو المسؤل عن تغذية السيارة والتى يجهل فائدته الكثير والكثير:
1-واير الاكسرتير والتى يصل منتها الى دواسة البنزين وهو كما نرى مثل واير فرامل الدراجة فى نهايته قطعة من الرصاص التى تبيت فى مكانها بالاكسرتير كما هو بالصورة *
2- بيت واير الكسرتير
3- شداد الاكسرتير هنا وليس فى صدر السيارة كما يعلم الجميع فمن عهذا الشداد يمكن التحكم فى كميه البنزين الداخلة للسيارة فالكثير يشتكون خنق فى السيارة بعد ال 100 كيلو فها هو من الاسباب التى تؤدى لذالك وهو انه لا يسمح بمرور كميات كبيرة من البنزين لتغذية السيارة فيجب ان يكون الشداد مظبوط مما يجعل الدواسة مرفوعه الى الدرجة المعقولة
http://www3.0zz0.com/2013/01/08/12/392869862.png
الصوورة الرابعة وهى انفصال الكاربرتير من جسم السيارة والى المشرحة معتادا المرش:-
http://www3.0zz0.com/2013/01/08/12/826270046.png
الصورة الخامسة والتى يظهر باللون الأخضر هى المسامير المسؤله عن ربط جزئى الكاربرتير ببعضهما الجزء العلوى والجزء السفلى التى يحتى على غرف البوابات الاثنين وغرفة العوامة ....
http://www3.0zz0.com/2013/01/08/12/210655636.png
الصورة السادسة :- انفصال جزئى الكاربرتير الرئيسيين ومكاونات الجزء السفلى وهذا اهم جزء فى الكاربرتير كما يلى:-
1-الغرفة الأولى وهى المسؤله عن ادارة المحرك والسير بسرعة لا تتجاوز ال120كيلو*
2- الغرفة الثانية والتى تفتح بعد ال 120 كيلو متر لتساعد الغرفة الأولى فى تغذية السيارة*
3-هذه القطعة لااعرف اسمها العلمى ولاكن وظيفته هى المسؤلة عن فتح البوابة الثانية فقط ....
4- غرفة العوامة *
5-لا اعرف اسمه ولا وظيفته ياريت اللى يتعرف عليه يقولنا ....
6-رشاش البنزين وهو التى يقوم بضخ البنزين فى الغرفة الأولى....
http://www3.0zz0.com/2013/01/08/13/999736322.png
الصورة السابعة وهى لجسم الرشاش والمثبت بثلاث مسامير....
http://www3.0zz0.com/2013/01/08/13/488990247.png
الصورة الثامنة :- للجسم الغريب فى الكاربرتير والمسؤل عن فتح البوابة الثانية....
http://www3.0zz0.com/2013/01/08/15/207180143.png
الصورة التاسعة:- وهى للغرف بعض التنظيف وازالة الرواسب الكربونية التى تعيق عمليه التغذية بكامل طاقتها للسيارة ....
http://www3.0zz0.com/2013/01/08/15/185203570.png
الصورة العاشره :- لفلتر الهواء وتم تنظيفة ايضا بنقعة فى كمية بنزين لاذابة الزيت المتراكم والتى يتسبب فى خنق السيارة وسد منافذ الهواء عليه وكما ترون البنزين اصبح زيت صالح لمواتير الهيدرولك متعددة القوة....
اخيرا يتم تنظيف اجزاء الكاربرتير الداخلية بالأسبرية المخصص لتنظيف الكاربرتير او تنر باستعمال فرشة اسنان قديمة ولازالة الكاربون المتراكم داخل الغرف ....
هذا ولقد تمت عملية التنظيف بعون الله وتوفيقة واعطت نتيجة جيدة للغاية وتم ازالة مشاكل الكرابرتير من السيارة ولسوف اعاود التجربة مرة اخرى إن شاء الله ويتم فك كل جزء ضئيل او كبير فى الكربرتير ........
هذا وارجوا لمن ينتفع بهذا الموضوع الدعاء لى بظهر الغيب جزاكم الله وكفاكم الشرور ومخاطر الطرقات....
شرح تفصيلى بالصور عوامة بنزين فيفوريت و فليشيا
لينك الموضوع
http://www.nilemotors.net/Nile/315424-a.html
اقتباس:
السلام عليكم ورحمة الله وبركاته
زى مهو واضح فى العنوان دا شرح مدعوم بالصورة كيفية اصلاح عوامة البنزين من الألف الى الياء....*
معانا الصورة الأولى وهى صورة عوامة البنزين وزى مهو واضح فى الصورة اسم كل قطعه فى العوامة وسنشرح وظيفتها....
الصورة الأولى
http://www.nileup.com/uploads/13513310791.png
1: طقعة الفلين وهى التى تطفوا على سطح البنزين بالتانك وبها زراع طويل متصل بأبرة التلامس....
2: روزيتات توصيل الكهرباء وكما بالصورة اللوان هى الوان اسلاك الكهرباء وبرجاء الحرص وعدم التبديل بين الأسلاك....
3: ماوسورة راجع البنزين ودى بيوصل فيها خرطوم عبارة عن وسيط بين تلك الماسورة والمسورة الأساسية التى تمر من اسفل السيارة حتى موتور السياره....*
4: ماسورة التغذية من التانك الى طلومبة البنزين وهى كمثيلتها تتصل بواسطة خرطوم وسيط....*
الصورة الثانية
http://www.nileup.com/uploads/13513310802.png
الصورة الثانية وصف الأجزاء الداخلية للعوامه ووضائفها كما يلى....
1: المقاومة السلكية وهى عبارة عن سلك رفيع ملفوف على قطعة من الفبر وعلى فكرة عدد الفات بنفس سعة التانك باليترات يعنى 42 لفة ودى بيتحرك عليها ابرة التلامس التى هى بزراع العوام فيتقاطع مع العوامة ليخفض قوة الطاقه الكهريبائية فبالتالى ينخفض المؤشر....
2: ها هى ابرة التلامس والتى تتحرك بفعك تحرك العوامة فتتقاطع مع المقاومة السلكيه....
3: دى الماسورة التى تنقل البنزين من اعماق التامنك وهى تصل الى ادنى نقطه فى التانك لضمان نقل البنزين من التانك بالكامل الى طلومبة البنزين....
الصورة الثالثة
http://www.nileup.com/uploads/13513310813.png
هذه الصورة تعتبر اهم الصور فهى التى تحتوى على الجزاء الهامة والتى كثيرا ما تتلف وتسبب المشاكل العديد سنتناولها الآن....
1: مسمار ربط ابرة التلامس وهنا يمكن لنا استبدال ابرة التلامس اذا حدث لها تأكل او انكسرت ويكون الاستبدال باى قطعة رقيقة من المعدن ونقوم بتثبيتها بالمشمار شريطة ان تصل الى جنب المقاومة السلكية وتتحرك عليه بحريه....
2: هذه هى ابرة التلامس وكما شرحنا وظيفتها سابقا....
3: المقاومة السلكية وكما شرحنا وظيفتها سابقا انما لو كان العطل بهذه المقاومة فيمكن لنا استبدال السلك بآخر شريطة ان تكون بلفات منتظمة ومتساوية وان تكون عدد الفات 42 لفة....
ارجوا ان اكون قد تمكنت من استيفاء الموضوع ....*
بالصور طريقة تصليح ذراع الاشارة (العالى-الواطى) للنور فى الفليشيا
لينك الموضوع
اقتباس:
2-طلعت العلبة بتاع ذراع الاشارة بالضغط على ذراعين موجودين فى الجنب زى اللى فى الصورةhttp://www.nileup.com/uploads/13497071641.jpg 3-فكيت الكابلات الواصلة للدراع من اسفل وهما عبارة عن كابلين.الموضوع ده انا عامله هدية لحبايبي اصحاب الفليشيا اولا انا ايه اللى حصل معايا فجاة لقيت ذراع الاشارة اللى هو الاصلى اللى راكب فالعربية بقاله 14 سنة ابتدى يعلق يعني اجى ادى اشارة يمين والنور الواطى شغال اول مالف الدريكسيون يمين الاقى النور العالى ضرب فى وش اللى قدامى ونفس الموضوع لما اجى ادى اشارة شمال وبعدها بفترة ابتدي النور الواطى يقلب عالى لوحده من غير ماجى جنب الذراع وانا بصراحة كنت مطنش لغاية ماجيت كنت مسافر بالعربية وقلت مابدهاش اغيره وخلاص واشترى واحد جديد وكانت الصاعقة لما سالت عن الالمانى الجديد لقيته ب 180 جنيه قلت لما الجديد كده هيبقي الاستيراد بكام وحالته ايه سالت برده لقيت الاستيراد عامل 120 جنيه واكتشفت ان فيه منه صيني وب 50 جنيه فاشتريت الصيني وقلت امشي بيه نفسي وروحت للكهربائى فك لى الاصلى اللى كان راكب وركب الصيني وتمام زى الفل وقاللى انا ممكن اصلحلك الاصلى وروح رجع الصيني ده بس الاصلى هيتصلح ويشتغل معاك فترة وهيرجع تانى قلتله لا ركب الصيني وخلاص ولما يبوظ ابقي اجيلك نصلح الاصلى المهم بعد ماركب الصيني واخدت الاصلى وشيلته عندى المهم الصيني مكملش اسبوع وعمل نفس المشكلة اللى كانت موجودة قبل كده فبقيت امشي من غير ما اولع النور الواطى بتاع العربية لغاية ما جيت فى مرة واتعافيت على الدراع الصيني ده واتكسر فى ايدى فقلت لازم اصلح الذراع الاصلى فعملت ايه فكيت الذراع الصينى المكسور وقلت علشان اشوف ايه الفرق بين الاتنين الصيني والاصلى :-
1- فكيت المسمار اللى بيربط الجزء اللى تحت الدريكسيون مكانه تحت الطارة.
ودلوقتى العلبة بقيت بالشكل ده بعد مافتحت الغطاء العلوى ليها http://www.nileup.com/uploads/13497083391.jpg
4-وده شكل الغطا بتاع العلبة من جوة http://www.nileup.com/uploads/13497077341.jpg
5-هنبص هنلاقى سوستتين موجودين واحدة يمين وواحدة شمال هنفكهم بالراحة علشان ميطيروش مننا زى اللى فالصورة بالظبط http://www.nileup.com/uploads/13497079891.jpg
6-والجزء ده فى سوستة بس انا اخدتها مكان اللى كانت موجود فى الذراع الاصلى علشان السوستة اللى كانت فى الدراع الاصلى ضعفت وكمان غيرت شوية سوست اخدتهم من العلبة الصيني مكان اللى موجودين فالاصلى http://www.nileup.com/uploads/13497081631.jpg
7-بعد ما شيلنا السوستتين والدراع بتاعهم هنفك الجزء ده http://www.nileup.com/uploads/13497085061.jpg
8-بعدين هتظهر لنا العلبة بالشكل ده وفيه فردتين سلك واحدة مشعرة وواحدة متغطية بغطاء بلاستيك زى سلك الكهرباء وهما دول سبب المشكلة http://www.nileup.com/uploads/13497086471.jpg
9-السلكة اللى هيه باللون الازرق هنلاحظ انها مقطوعة هنلحمها بمكواة لحام قصدير
http://www.nileup.com/uploads/13497088811.jpg
10- ونخلى بالنا برده من السلك اللى مشعر ده ونحاول ان احنا منخلهوش ملمس لانه عبارة عن كوبرى بين الوصلتين الحديد انا مش عارف اوضحها ازاى بس اكيد الصورة اللى فاتت موضحة اكتر من كلامى
11بعد ما خلصنا اللحام هنغير سوستة مهمة جدا فى الذراع لانها لو ضعيفة كل الشغل ده هيروح على الفاضى ولو بصينا فى الصورة اللى جايو هنلاقى فيه دراع بلاستيك لونه ابيض لو شديناه بايدينا هيبقي تحته سوستة ضاغطة عليها دى اللى المفروض تتغير ولو ما امكنش ممكن نشدها شوية بحيث انها تطول شوية
12-خلاص غيرنا السوستة دى نرجع بقى نركب كل حاجة زى مافكيناها هنبدا الاول بالجزء اللى لسه مغيرين له السوستة وهيبقي بالشكل ده نركب الجزء اللى فيها الحتة النحاس لتحت والدراع اللى لسه مغيرين له السوستة يكون جوة العلبة من قدام وفيه قاعدة مدورة من تحت انا معلم عليها وهيبان هيه بتركب ازاى
13-هنلاقى العلبة بقت بالشكل ده http://www.nileup.com/uploads/13497096371.jpg
14-نيجي لاصعب جزء فى التركيب اللى هو الدراع والسوستتين دول
15-السوستتين اماكنهم زى ماهو فالصورة كده
والدراع الابيض هيدخل فالمجرى بتاعه
16-اخر حاجة الغطاء اللى احنا كنا فكيناه فالاول هنلاحظ فيه ان ليه مكان علشان الدراع اللى فالنص يبات فيه وكمان بيقفل على الجزء اللى ركب فيه السوستتين http://www.nileup.com/uploads/13497102241.jpg
17-
1- نرجع نركب الكابلين اللى كنا فكيناهم من العلبة ونركب العلبة بالضغط على الدراعين اللى فالجنب ونقفل تانى http://www.nileup.com/uploads/13497684583.jpg
معلش كان نفسي اصور لكم فيديو بس مقدرتش ويارب اكون قدرت افيدكم على قد ما قدرت ولو حد مش فاهم جزئية ممكن اشرحها تانى والحمد لله الواحد وفر على نفسه 120 جنيه ولا حتى 180 كان الواحد دفعهم فى دراع جديد
اقتباس:
القصه ابتدت لما جيت ادور فى مره الكونتاكت يفتح الكدربا عادى بس تكة المارش فى حاجه منعاها جوه الكونتاكت ميكانيكا.
كنت مشغول فصرفت نفسى يومين كده باننى كونت بفتح الكهربا من الكونتاكت وادور من جوه الموتور باننى اوصل سلك المارش الرفيع بالكهربا العمومى اللى واصله للمارش
وبعد شويه لما فضيت, فكيت القطمه كلها وطلعتها بره علشان اعرف اشتغل.
مكنتش عارف ان الفبره بتتفك من مسمارين رفيعين فى جسم الكونتاكت لان المسمارين مغطينهم ببويه يخلوك متشوفهومش الا لو عارف مكانهم.
المهم حاولت افك الفبره من تحت اتفرفطت 60 حته بالرغم من انها الأصليه ومكانش فيها مشكله , قدر الله وما شاء فعل.
نيجى بقى للجزء الميكانيكى كان قافش قفشه سودا, المهم روحت مفور المسمار اللى ماسكه من تحت بالشنيور طلع كله زى الباشا.
ملحوظه,,كل مسامير الكونتاكت معموله بنظام ان يبقى ليها زور رفيع بعد ما تنربط يتقرص عليها فتقوم مقطومه.
حاولت افتحه , قرفنى علشان نظام المسامير دى , المهم فتحته ولقيت جواه حتة الامونيا صغيره مكسوره وراشقه وهى اللى مانعه الدوران., شيلتها وظبطه بس كان مبوش شويه و اتبهدل من محاولة فتحه.
المهم انى بعد ما خت غرضى منه واستمتعت بتفشيخه , ابتديت ادور حعمل ايه.
بتوع الاستيراد,,,,الفبره 200ج والميكانيكا ب 200ج ومع بعض ب350ج وهو مفتاح واحد.
بتوع الجديد,,,,,,فبره صينى 50ج, فبره اصلى 190ج ,كونتاكت كامل بالفبره فيكا مكتوب عليه تركى بمفتاحين ب170ج.
جبت كونتاكت جديد وركبته ومارضتش اقطم المسمار علشان لو احتجت افكه بعدين.
ودى شوية صور للمساعده والتوضيح لو حد اتحط فى القصه دى.
http://img02.arabsh.com/uploads/imag...434360fb0d.jpg
http://img02.arabsh.com/uploads/imag...434360fb0c.jpg
http://img02.arabsh.com/uploads/imag...434360fa05.jpg
http://img02.arabsh.com/uploads/imag...434360fa04.jpg
http://img02.arabsh.com/uploads/imag...434360fa07.jpg
http://img02.arabsh.com/uploads/imag...434360fa06.jpg
http://img02.arabsh.com/uploads/imag...434360fa01.jpg
http://img02.arabsh.com/uploads/imag...434360fa00.jpg
http://img02.arabsh.com/uploads/imag...434360fa03.jpgتغيير كونتاكت الفيليشيا
لينك الموضوع
http://www.nilemotors.net/Nile/366990-98.html
http://img02.arabsh.com/uploads/imag...434360fa02.jpg
وعلى فكره انا عملت اللى عليه ورحت لاحسن صنايعيه ولقيت معظمهم حيجرب زيى فقلت انا اولى .
وكل عام وانتم بخير
د/احمد عواد
حل مشكلة انقطاع خرطوم التبريد (المياه)
لينك الموضوع
http://www.nilemotors.net/Nile/368809-a.html
اقتباس:
السلام عليكم ورحمة الله وبركاته
مشكلة تعرضت لها من حوالى اسبوع كنت باخد الهوا بتاع دورة التبريد وانا باضغط على الخرطوم الغليظ اتقطع فكرت الحمة بالامبوبتنين جبت امبوبتين ب7 وحاولت الحمها ومشيت اسبوع وامس وحين عودتى من العمل فوجئت بان مؤشر الحرارة فول قارب على الاحمر قلت يمكن تيرمستات شغلت المروحة مباشر وراقبت المؤشر برضو على الفول وقفت على جنب وفتحت الكبود قلت يمكن سلوك المروحة مفصولة ولاكن المفاجئاة لقيت القربة فارغة الحمد الله ربنا ستر الخرطوم الغليظ بينفس معايا زجاجة مية مليت القربة والعربية دايرة وطبعا هويت على غطاء القربة علشان اخفف الضغط عن الخرطوم (هام جدا لتفادى انفجار الخرطوم) واليوم روحت اشتريت خرطوم ب25 لقيته حاجة خايبة وطرى بصراحة خفت منه الاصلى فارق بكتير ففكرت فى فكرة قلت اعرضها ليكم لتعم الفائدة....
فكرت انى اقطع الجزء التالف من الخرطوم واشتريت جلبة بروبليم قطر 4/3 بوصة ولبستها فى الخرطوم واربط قفيزان وركبت الخرطوم الاصلى والحمد الله نجحت الفكرة والصورة توضح مكان القطع والوصل
وطبعا رميت الجديد فى شنطة العربية للطوارء....
http://www5.0zz0.com/2013/07/17/16/313140843.png
بالصور طريقه ظبط تاكيهات الفليشيا
لينك الموضوع
http://www.nilemotors.net/Nile/404644-a.html
اقتباس:
بسم الله الرحمن الرحيم
بقالى فتره موضوع التاكيهات ده واكل دماغى وبما انى ابتديت اعمل بعض الحاجات بايدى .. فقررت انى اظبط التاكيهات .. وكانت التجربه كالتالى .
اول حاجه نسمى الله ونصلى على سيدنا النبى علشان ربنا يوفقنا ..
تانى حاجه لازم العربيه تكون بارده ويفضل ان تكون بايته من الليل ويتم العمل صباحا (انا عملت الموضوع الساعه سته ونص علشان دوشه الشارع ) .
-يتم رفع السياره من الجانب الامامى وتعشيق الفتيس على الغيار الخامس
-كما بالصوره رقم واحد يتم فك عدد 2 صاموله بتوع غطا وش التاكيهات بمفتاح عشره
http://nileup.com/up/uploads/nilemotors_13919558871.jpg
- بعد كده هانفك وش الاسبراتير علشان مايضايقناش واحنا بنرفع الغطا ..وبعد كده نرفع الغطا بالراحه ونشيك بالمره على الجوان بتاعه ممكن يكون عايز يتغير .
http://nileup.com/up/uploads/nilemotors_13919558883.jpg
وبعد كده نبدأ بقى الشغل اللى بجد.
الصوره دى فيها ترتيب اليساتم من 1الى 4 وههوكالتالى (1342)
كمان موضح مكان البنزين والعادم
كمان مكان الصاموله ال12 اللى فى قلبها المسمار العاده اللى بنربط منه مقاس التاكيه ربط او فك
http://nileup.com/up/uploads/nilemotors_13919558884.jpg
اول حاجه هانحير البستم رقم 4 (العادم طالع والهواء نازل ) عن طريق لف العجله للامام وبعد كده هانظبط تاكيه رقم 1 بنزين 20 وعادم 25 .. وتاكيه 2 بنزين فقط 20 .. وتاكيه 3 عادم فقط 25 .
بعد كده هانحرر البستم بتحريك العجله للامام 360 درجه ونبدأ نحير البستم رقم 1(برضه العادم طالع والهواء نازل ) .
ونظبط التاكيه رقم 4 بنزين 20 وعادم 25 و تاكيه 2 عادم فقط 25 وتاكيه 3 بنزين فقط 20 .
طبعا الكلام ده كله بالفيلر وده موجود فى التوفيقيه من اول 10جنيه لحد 80 على حسب . انا جبت واحد كويس ب20 وظبطت بيه ...
فى النهايه احب اقدم الشكر للاخ منسى لانه كان عامل موضوع زى ده وانا استفدت منه جدا ..
http://www.nilemotors.net/Nile/331345-a.html
انا بعتذر بشده لانه طريقتى فى الشرح مش اد كده .. ولكن بما انى اتعلمت الكتير من المنتدى ده ومن الناس المحترمه اللى فيه ..حابب انى انقل تجربتى المتواضعه فى ظبط التاكيهات واللى كنت فاكر انها صعبه .. وللعلم على قد ماهى صعبه على اد ماهى ممتعه لما تعمل حاجتك بنفسك .. انا جربت اظبط مره والتانيه .. وبعد ماكان صوت التاكيهات بينقر و صوت الموتور عالى ..الحمد لله صوت الموتور هدى كتير وجارى التجربه لبضع ايام وربنا يستر ويسهل.