عاوز اسقط مكنه 1400 لابيزا 2002 بدل اللى عندى افيدونى

**وائل عطيه** · 28-09-2014 12:53 PM

انا روحت الوكاله لتاجر اسمه محمود جنب عبده نصر وقالى المكنه بضفيرتها والكنترول والفتيس 4000 الاف جنيه هو انا لازم اخد ميكانيكى معاياا ولا اروح لوحدى وبعدين سئلته على عنده حد يركبها قالى ايوه فيه فى احمد عرابى وهاخد العربيه فى نفس اليوم افيدونى ياا جماعه لحسن انا خلاص هتجنن من العربيه

**hossamalsadik** · 28-09-2014 03:43 PM

هوا لو عندك ميكانيكى خاص بيك وضمنه أكيد هينقيلك حاجه كويسه
بس عمتاً الماتور بيكون على التجربه و تتفق معاه على كده ومش هيمانع لأن ده العرف السائد
وفى الفتره ديه ممكن تقيس كبس الماتور وتجربه
المشكله الوحيده الى ممكن تقبلك لو فيه حاجه الفك والتركيب من تانى

**hossamalsadik** · 28-09-2014 04:25 PM

لاتنسى
قبل التجربة تاخد اصل فاتورة الشراء ( مع التاكد من مطابقة رقم الماتور بالرقم المدون على الفاتورة ) + صورة الافراج الجمركى
بعد التجربه والتأكد من حالة الماتور
تعطى التاجر صورة الرخصة وصورة البطاقه والفاتوره وصورة الافراج الجمركى
ليرسله التاجر ألى مخلص الفراجات الجمركية فى بور سعيد ليرسلهم لقسم الافراجات الجمركية فى مرور بور سعيد
ليتم مطابقة صورة الافراج بالأصل ويختم صورة الافراج فى حالة المطابقة
ثم يرسل اصل الافراج الجمركى الى المرور التابع لك والمثبت بالرخصه مع أعطائه رقم صادر
ثم يبدأ التاجر باعطائك أصل الفاتوره مختومة وصورة الفراج الجمركى مختومة بختم المرور ومدون عليهم رقم الصادر
لتبدأ بالذهاب الى المرور التابع لك فى خلال ايام لتجد أصل الفراج قد وصل وتبدأ أجراءات أثبات الماتور الجديد

أحياناً بعض التجار يطلبون مبلغ اضافى لتسهيل ومتابعة وصول الافراج الجمركى الى المرور التابع لك

ومبروك مقدما

**the magice** · 29-09-2014 05:04 PM

فعلا والله بره مش مهم عندهم الموتور ولا رقمه ان شاالله تغير موتور كل اسبوع اهم حاجه رقم الشاسيه

**hossamalsadik** · 29-09-2014 07:20 PM

والله ياجدعان أنا لو افهم هقول على طول
مع ان ألى أعرفه أن احنا الى معلمين معظم الدول خاصة العربيه وكوادر من عندنا كمان هي الى بنت اللبنه الاساسية للفكر المتطور ده خاصة الادراى
من خلال كوادر ومعليمن فى فترة السبعينيات وبعد كده للأمانه بدأوا يطوروا نفسيهم وسفرو برا للتعلم وجلب احدث طرق التنظيم الادارى وخلافه . بفلوسهم بأه

**Karim Ibiza** · 29-09-2014 09:12 PM

الفكرة اننا عندنا العربيات مش بتموووت
يعنى لغاية دلوقتى ممكن تلاقى عربيات موديل سبعينات ماشية فى الشارع وكل ما تقع يتعملها عمرة وتقف على حيلها تانى كأنها زيرو
وده بسبب ارتفاع الجمارك على العربيات الجديدة وان ناس كتير متقدرش تشترى عربيات حديثة بسبب سعرها

زمان كان اى موتور بيركب على اى عربية
يعنى كتير جدا كنت بشوف رانجلر مخلفات حرب راكب عليها مكنة تويوتا
وده بقى بيخلى اى عربية مهما كانت قديمة انها تفضل شغالة وماشية
وعشان الحكومة تكهن العربيات دى وتجبر الناس انها تشترى جديد عشان التلوث والمنظر الحضارى والكلام ده
حددت ان مش اى موتور يركب على اى عربية وفى الحالة دى اصبحت العربيات القديمة قطع غيارها منقرضة وبالتالى بتسقط فى الفحص والترخيص وبتبقى اتكهنت
وعشان كده عملوا موضوع الافراج الجمركى واثبات الموتور والكلام ده

فى اى بلد تانية برة مصر سواء اوروبا او امريكا او حتى الخليج
الصيانة مكلفة جدا
وقطع الغيار مكلفة جدا جدا
بالتالى لو عربيتك عطلت وغلبت فى تصليحها يبقى احسنلك تشترى واحدة جديدة
وعشان كده مش شاغلين بالهم بموضوع المواتير واثباتها على الرخصة

**hossamalsadik** · 01-10-2014 03:17 AM

المشاركة الأصلية كتبت بواسطة sala7

الكلام ده جميل جدا و هايل و انا معاك فيه
لكن بردوا ما ارتحتش .. لسه عمال افكر المرور لما ياخد رقم الموتور الجديد اللي انت مسقطه و سجل الرقم على الرخصة هيضيف له ايه في في قضيه جنائية مثلاً لو حصل حادث !!!!!
و بعدين الموتور دخل البلد و اخد افراج جمركي .. لزمته ايه رقم صادر ؟؟ لزمته ايه ختم التاجر !! يعني هو ختم التاجر ده متسجل في الحكومة مثلاً ؟؟
ياااااااررررررررب ... مصر هتفضل غالية عليا
الراجل صاحب الموضوع ده اساسا زمانه لغى فكرة انه يركب عربية من اصله
هقول ايه غير (ربنا موجود)

صديقى العزيز صلاح
مع كثرة الفهلوه الى قالها كريم كان لابد من تكرار الاجراءات حتى يتيقن من عدم التلاعب فى اى شيىء هوا ممكن يكون اسلوب غلط غير تقدمى بما يسمى بالبيروقراطية لاكن حد من انتشار اى جريمه فى هذا المجال وتقليل التلاعب الى اقل درجه ممكنه
ومن ضمن الاسباب برضو أننا دوله ناميه وغير مصنعه للسيارات او الصناعات المغذيه لها بعكس الدول الاخرى
ولو كان لأصبحت السيارات فى مصر سلعه بسيطه يمكنك أستبدالها بالكامل بكل بساطه أو أصلاحها وعودتها بكامل طاقتها بكل المعايير القياسيه لسهولة الحصول على قطع الغيار عالية الجوده لانها تصنع فى نفس البلد
لذلك ومع علو قيمة السلعه أقتصادياً ومادياً اقصد السياره او قطع غيارها أصبح ذلك مطمع من زوى النفوس الضعيفه بالتلاعب لتعظيم موارده منها وترى ذلك من بعض الناس فى الاسعار العاليه غير العاديه والمنطقيه فى المعارض والأسواق بما لايتناسب وقيمة السلعه ( العربيه ) فى مجمل الوحده النقديه ومستوى دخل الفرد وايضأ بعض تجار قطع الغيار الى كل همهم تعظيم مواردهم من سلعتهم رغم عدم مطابقتها للمعايير وكمان بيستوردها ولايصنعها يعنى خساره للدوله وللناس كمان والكلام يطول فى هذا المجال
الله المستعان

-

-

الموضوع: عاوز اسقط مكنه 1400 لابيزا 2002 بدل اللى عندى افيدونى

LinkBack

أدوات الموضوع

عرض

العرض المتطور

-

-

-

-

-

-

المواضيع المتشابهه

انا عاوز اجنط اجنط دلوقتى ولا استنى لما اسقط مكنه

لسا شارى اكورد 1982 و عاوز اسقط مكنه

موتور عربيتي ريجاتا هغيره...عايز اسقط مكنه اكبر و تكون من غير تعديل اسقط ايه ؟؟

عاوز موتور 1400 لابيزا موديل 2001

عاوز اسقط مكنه 1600 فى 128

الكلمات الدلالية لهذا الموضوع

المفضلات

المفضلات

ضوابط المشاركة