عاوز موتور 1400 لابيزا موديل 2001

**mouraddesk** · 17-06-2010 04:16 PM

رجاله الابيزا اخوكم من وحوش الميجان صباح الفل ارجو الافاده عن موتور ابيزا 1400 نجيبه منين و سعره تقريبا كام على فكره انا من القاهرة و لكم خالص الشكر

**windofchange** · 18-06-2010 02:46 AM

في الحرفيين ان شاء الله هتلاقيه عالأرض وفي انصاص لو عايز اما عن السعر اذا نزلت هسأللك

**banky** · 21-06-2010 01:17 PM

طيب يا جماعة بعد اذنكم انا عايز واحد فى الحرفيين يكون محترم و ميخمنيش في الموتور عشان انا باردو هاجيب واحد ان شاء الله فا كنت عايزكم تقولولى عن واحد اخد منة الموتور عن ثقة و شكرا

**mshamy** · 21-06-2010 07:41 PM

لو عايز تنزل بورسعيد الموتور ال 1400 موجود كامل بالتكييف و البور بيعمل حوالي 3000 جنيه
وتسقيطة بحوالي 500 جنيه

**banky** · 22-06-2010 05:36 AM

طيب ما فيش حد فى القاهرة يكون في حد مجربة و واثق فية عاشان انا ماعنديش خبرة اوى في الموضوع دة و ماعرفش ميكانيكية ... عشان كدة عايز واحد اشترى منة الموتور وانا مغمض

**Ahmed Mubarak** · 22-06-2010 09:13 AM

بص يا باشا
الموتور ال 1400 الانجيكشن ال 75 حصان دا بحوالى 1400 ج لوحدة بدون اى شى (الفتيس .......)
ودا موجود فى الحرفيين عند ناس كتير ومنهم بيت الجولف وبصراحة انا اتعملت معاهم واسعارهم ممتازة مقارنة بالسوق كلة وفى استلام ورق الموتور وخلافة
ممكن تنزل وتلف فى الحرفيين شوية وتبقى تعدى عليهم
وموفق ان شاء الله فى التسقيط

**amr_paolo** · 22-06-2010 11:05 AM

المشاركة الأصلية كتبت بواسطة m_o_b_i

بص يا باشا
الموتور ال 1400 الانجيكشن ال 75 حصان دا بحوالى 1400 ج لوحدة بدون اى شى (الفتيس .......)
ودا موجود فى الحرفيين عند ناس كتير ومنهم بيت الجولف وبصراحة انا اتعملت معاهم واسعارهم ممتازة مقارنة بالسوق كلة وفى استلام ورق الموتور وخلافة
ممكن تنزل وتلف فى الحرفيين شوية وتبقى تعدى عليهم
وموفق ان شاء الله فى التسقيط

مشكووور يا باشا على الافادة ولكن ممكن
تقولنا عنوان بيت الجولف فين في الحرفيين
وشكراً

**banky** · 22-06-2010 03:08 PM

الف شكر يا عم موبى ... بس الموتور اللى انت بتتكلم علية دة بلوكة بوش ولا موتور كامل بالتغزية بتعتو و بيت الجولف دة انت واثق فية ولا هيكون الموتور معملة طقم شنبر .... و لو معملو طقم شنبر اعرفو منين ؟؟

**Ahmed Mubarak** · 23-06-2010 01:36 PM

المشاركة الأصلية كتبت بواسطة banky

الف شكر يا عم موبى ... بس الموتور اللى انت بتتكلم علية دة بلوكة بوش ولا موتور كامل بالتغزية بتعتو و بيت الجولف دة انت واثق فية ولا هيكون الموتور معملة طقم شنبر .... و لو معملو طقم شنبر اعرفو منين ؟؟

بص يا باشا دا بيبقى موتور كامل بدون الفتيس او الدينموا او الكمبروسر بتاع التكييف او الضفيرة او ماكينة الباور
مجرد موتور
اما عن كيفية فحص الموتور اذا كان استيراد او لا او معمولة طقم شنبر فانت بتشترى موتور وله افراج جمركى يعنى مستورد وبصراحة الراجل بتاع بيت الجولف دا محترم واسعارة ممتازة مقارنة بالسوق

وغير كدة انت ممكن تميز الموتور الاصلى اللى مش مفكوك اللى هو بتاع بلادة واللى معمولة طقم شنبر وغير كدة انت بتنقى من 5 الى 10 مواتير انت والميكانيكى اللى هيسقطة

بيت الجولف انا جربتة خلال تسقيط المكنة 1600 بتاعت البولو او البوينتر على 1994 كان تمام معايا ودوغرى ومواعيدة تمام بالنسبة للورق بتاع الموتور
اما عن الموتور واداءة بعد التسقيط ممتاز ممتاز والله كان نفسى الاستاذ ايهاب والاستاذ حسام كمال يجربو ا العربية لكن لظروف تم بيع العربية وان شاء الله فى اقرب فرصة لما الظروف تتحسن شوية هجيب ابيزة تانى

توكل على الله وانزل الحرفيين وشوف المواتير عاملة اذاى وخلى بيت الجولف اخر حاجة

على العموم انت لما تدخل شارع جمال عبد الناصر بتلاقى مطعم حضر موت التانى مش الاولانى تدخل فى الشارع اللى قدامة لاخرة هتلاقى الشارع بيلف شمال وبعدين يمين وبعد كدة سد هتلاقى بيت الجولف على ايدك الشمال تالت او رابع محل

وهناك واحد اسمة عبد الغنى

وربنا يوفقك فى عملية التسقيط

**banky** · 23-06-2010 03:41 PM

الف شكر يا موبى ... بس انت سقط المكنة ال 1600 ده بكام ... عشان انا عايز اسقطها

الموضوع: عاوز موتور 1400 لابيزا موديل 2001

LinkBack

أدوات الموضوع

عرض

-

-

-

المواضيع المتشابهه

تجربتى مع تسقيط شورت بلوك 1400 mpi لابيزا 2001

ايه هى متطلبات تسقيط موتور 1400 فى بولو 2001

تسقيط موتور 1400 لأبيزا 2001

جولف 3 موديل 93 موتور 1400 او 1600ولا بولو موديل 2000

للبيع بيجو 206 موديل 2001 موتور 1400 سى سى

الكلمات الدلالية لهذا الموضوع

المفضلات

المفضلات

ضوابط المشاركة