اسقط ولا اعمر ال 128

**mahamedaraby** · 26-10-2008 10:39 AM

معلش انا كنت عايز اعرف اعمل ايه فى ال128 الميكانيكى قالى الموتور خفيف وعايز عمره كامله او اسقطله موتور استيراد

انتوا ايه رايكم اسقط ولا اعمل عمره

ولا سقطت من عند مين الحرافين ولا بورسعيد وفى فيه حد تانى فى القاهره

ولو حد يعرف حد كويس بيبع مواتير ياريت يقولى

ولما اسقطلها ايه احسن موتور يعنى 1300 ولا 1600 وهيعمله كام

**lada2010** · 26-10-2008 11:50 AM

عليك وعلى عزية شلبى وتخد معاك ميكانيكى يكون محترم لا يعمل عليك شغال وهتلقى كل اللى انت عايزة نصحية بىش تعمر لان العمرة هتصرف معاك من 1200 الى 1600 دا غير انك هتقعد بعدها شهر مش عارف تروح وتيجى بالعربية لم الموتور يلين

**mahamedaraby** · 26-10-2008 01:07 PM

المشاركة الأصلية كتبت بواسطة lada2010

عليك وعلى عزية شلبى وتخد معاك ميكانيكى يكون محترم لا يعمل عليك شغال وهتلقى كل اللى انت عايزة نصحية بىش تعمر لان العمرة هتصرف معاك من 1200 الى 1600 دا غير انك هتقعد بعدها شهر مش عارف تروح وتيجى بالعربية لم الموتور يلين

اه صح هو الميكانيكى قالى فعلا عزبه شلبى بس مكنتش فاكر اسمها طيب هو لو الميكانيكى يقدر يعرف الموتور ده كويس ولا لسه هنصرف عليه

المشاركة الأصلية كتبت بواسطة hamedo0

بس يا باشا العمره انت العملها علي ايدك يعني ان يعني حتجيب قطع الغيار الكويسه وتحطها في الموتور بتاعك بنسبه للموتور الاستيراد عامل ازاى البطيخه يا حمرا يا قرعا
الا انت لو عاوز تعدل ده كلام تاني

بس انا الصراحه مش فاضى اقعد عند الميكانيكى بالاسبوع والتلاته واقعد اجيب قطع غيار ومش عارف ايه انا بقول اسقط واريح دماغى وهيبقى معايا موتور اقوى بالفتيس بتاعه بدل فتيس ال128 المعروف طبعا بعيوبه بس بردوا ما خاب من استشار فقولت اسال اهل الخبره

بس المشكله اللى مواجهنى دلوقتى هى انى لو خد معايا هو ايه الضامن فى حوار الماتور ده يعنى الميكانيكى هيعرف حاله الموتور لو خدته ولا بناخده نجربه ويبقى ليه مثلا ضمان ولا ايه علشان انا مش عارف خالص فى الموضوع ده

**lada2010** · 26-10-2008 01:56 PM

بس المشكله اللى مواجهنى دلوقتى هى انى لو خد معايا هو ايه الضامن فى حوار الماتور ده يعنى الميكانيكى هيعرف حاله الموتور لو خدته ولا بناخده نجربه ويبقى ليه مثلا ضمان ولا ايه علشان انا مش عارف خالص فى الموضوع ده[/quote]
بص ياريس الميكانيكى الصح بيعرف يجيب موتوى صح لكن اوى تجيب ميكانيكى يعمل عليك شغل ويضبط مع البائع ويبعك لة هات ميكانيكى تثق فية واعطى لة 100 جينة فى نهاية المشوار وبالنسبة لتجربة الموتور هو بيجربوا الموتور هناك وخد منة ضمان استبدال لمدة 10 ايام بس فى خلال العشرة ايام لا تغسل الموتور وعلى تغير فية حاجة لو حصل اى حاجة روح رجعوا لهم

**hdmrdash** · 27-10-2008 11:51 AM

عمره طبعااا
وبعدين ازاى الميكانيكى حيعرف ان الموتور كويس ولا لأ
أنا لما كان عندى المازدا 323 عملت لها عمره وقعدت اسبوع وصرفت اقل من الموتور الستيراد بقليل وكان كل حاجه على ايدى والنتيجه ثلاث سنين حرت وفحت وردم فى الموتور لغايه لما بعتها والموتور زى الفل ولا نقطه زيت تنقص
ياترى الموتور الأستيراد حيديك نفس المده؟
طبعا لأ

**hdmrdash** · 27-10-2008 11:59 AM

لكن لو مصر على الأستيراد
روح بور سعيد وبلاش عزبه شلبى علشان مواتير الخلع
روح بورسعيد بالعربيه وأختار الموتور ,اسمع صوته وهو على الأرض وركبه عندهم وروح حط فلش اويل وبعدين حط زيت عادى مش تقيل واكبس على الموتور
والشراء من بور سعيد بضمان ألسترجاع لو فيه عيب
بس حتدوخ فى المرور علشان تثبت الموتور الجديد فى الرخصه

**Ramy_Ali** · 27-10-2008 12:28 PM

عمرة طبعا افضل هتعملها على ايدك وهتكون مضمونة
الموتور الاستيراد بيكون بطيخة مقفولة وممكن تتغش فيه

**mrghost** · 28-10-2008 04:27 PM

طبعا العمرهة علشان كل حاجه هتبقى قدامك وهى بتتعمل يعنى ان شاء الله هتعمر وتنسى الموتور

-

مشاهدة نتائج الإستطلاع: ايه الافضل ؟

الموضوع: اسقط ولا اعمر ال 128

LinkBack

أدوات الموضوع

عرض

اسقط ولا اعمر ال 128 - انشر الموضوع فى :

-

-

المواضيع المتشابهه

معايا 2e اعمر ولا اغير

ياترى اعمر ولا اسقط موتور للفيفوريت ؟؟؟

اغير موتور ولا اعمر

موتور عربيتي ريجاتا هغيره...عايز اسقط مكنه اكبر و تكون من غير تعديل اسقط ايه ؟؟

بدى اتجوز ع العيد , بدى اعمر بيت جديد

الكلمات الدلالية لهذا الموضوع

المفضلات

المفضلات

ضوابط المشاركة