اغير موتور ولا اعمر

**aYaBooY** · 15-12-2010 12:34 PM

اولا بصبح على الناس الحلوة الي في المنتدي
ثانيا مش عاوز اي حد يجيب سيرة اي صنيعي
ثالثا عاوز مشاركة من كل واحد حتى لو دعوة و مش عاوز اي واحد يدخل على الموضوع من غير ما بشارك
و مش مهم هايكتب ايه انا هادر كل واحد
رابعا و ده الموضوع الفيستا بتاعتي فيستا 1300 مو 98 للميعرفش جابت اخرها بجد كتر خيرها
السؤال بقي انت ايه رايكم اغير الموتور و لا اعمر الموتور الي فيها
بكرر كل واحد يرد انا مفيش يوم قصرت مع اي حد على قد ما ربنا قدرني ( غير واحد بس علشان الامانة )
و مطلوب من كل واحد يقدم مشاركة

**MohamedSotohy** · 15-12-2010 12:54 PM

ادفنه وهات جديد

**م.محمد علاء** · 15-12-2010 01:08 PM

عمر يا باشا...
بس لو حتجيب جديد بتاع المصنع و تركبه في توكيل فورد حقولك هات الجديد..
بس إيااااااااك و إنك تفرط في موتورك...
موتورك حلو وعربيتك أصيله زي مبتقول...
يبقى لسه بدري على خطوة إنك ترمي الموتور..وتجيب واحد تاني...
بجد بلاش تجيب واحد..
إنت عارف المكنة بتاعك إيه اللي فيها و إيه اللي عليها...
حتجيب واحده تانيه إستعمال خارج يا عالم بقى هي إيه اللي فيها بقى..

**mido51eg** · 15-12-2010 01:45 PM

المشاركة الأصلية كتبت بواسطة ayabooy

اولا بصبح على الناس الحلوة الي في المنتدي
ثانيا مش عاوز اي حد يجيب سيرة اي صنيعي
ثالثا عاوز مشاركة من كل واحد حتى لو دعوة و مش عاوز اي واحد يدخل على الموضوع من غير ما بشارك
و مش مهم هايكتب ايه انا هادر كل واحد
رابعا و ده الموضوع الفيستا بتاعتي فيستا 1300 مو 98 للميعرفش جابت اخرها بجد كتر خيرها
السؤال بقي انت ايه رايكم اغير الموتور و لا اعمر الموتور الي فيها
بكرر كل واحد يرد انا مفيش يوم قصرت مع اي حد على قد ما ربنا قدرني ( غير واحد بس علشان الامانة )
و مطلوب من كل واحد يقدم مشاركة

مساء الخيرات ياأستاذ جوزيف ... انا ضد فكرة تغيير الموتور تماما لعدة اسباب :
1- الموتور الجديد بطيخة مقفولة ماتعرفش كان شغال ازاي قبل كده وتحت اي ظروف ولا عمل كام كيلومتر قبل كده حتى لو جربته ودورته على الأرض ممكن بعد فترة تطول او تقصر تلاقيه بيرزع او بيدخن.

2- انت عارف موتورك ، فلو جبت قطع غيار اصلية او عالية الجودة حتى لو مش اصلية + خراط نضيف + ميكانيكي نضيف إن شاء الله موتورك يرجع بحالة ممتازة تاني وده برغم ان تكلفة العمرة ممكن تبقى اكتر من تكلفة تغيير الموتور لكن هتبقى انت الكسبان في الآخر (ارجع للسبب 1).

3- اعتقد انك في غنى عن الجرى ورا ورق الموتور ومشاوير مرور الدراسة علشان الإفراج الجمركي وبعدين الفحص وتغيير الرخصة ووجع القلب ده خصوصا لو انت تابع لوحدة مرور زي اللي انا تابع ليها (مرور السلام).

اخيرا ربنا يوفقك للخير بإذن الله وعاوز اعرف هتستقر على ايه وليه ؟

**Ahmed Mubarak** · 15-12-2010 01:55 PM

بص ياباشا طبعا الاستيراد افضل من انك تعمل عمرة للمتور فى حالة
1- ان المتور اللى هتشترية استيراد يكون تمام ودا بيبقى حسب الصنايعى اللى هيختار المتور
2- اسعار قطع الغيار اللى تلتزمها العمرة هتكون اغلى بكتير من سعر الموتور الاستيراد
3- بعد تسقيط الموتور الاستيراد انت كدة عند موتور تانى ممكن تستفيد منة كقطع غيار بعد كدة
4- مصناعية التسقيط للميكانيكى والكهربائى هتبقى اقل فى حالة الاستيراد عن مصناعية الميكانيكى فى العمرة

انا خضت الجربة دى مع سيات ابيزا 94 وبعد حساب التكاليف والمصناعيات لقيت ان التسقيط افضل فى كل شىء ودا كان راى اكتر من واح واكتر من ميكانيكى

بس انت لو هتجيب الموتور استيراد هل هتجيبة كامل بجميع اجزاء التغذية والفتيس ولا موتور فقط

موفق ان شاء الله فى التسقيط او التعمير

**aYaBooY** · 15-12-2010 04:29 PM

اولا بشكر كل الافاضل الي شاركة
و الي شافوا الموضوع و مشاركوش هاعرفكم
ههههههههههههه

**aYaBooY** · 15-12-2010 04:30 PM

المشاركة الأصلية كتبت بواسطة mohamedsotohy

ادفنه وهات جديد

و مالة نتاويه و محدش من الدهاشنة هايعرفلة طريق جرة يا كبير
و طبعا شكرا على التعليق

**aYaBooY** · 15-12-2010 04:33 PM

المشاركة الأصلية كتبت بواسطة eng:mohamed

عمر يا باشا...
بس لو حتجيب جديد بتاع المصنع و تركبه في توكيل فورد حقولك هات الجديد..
بس إيااااااااك و إنك تفرط في موتورك...
موتورك حلو وعربيتك أصيله زي مبتقول...
يبقى لسه بدري على خطوة إنك ترمي الموتور..وتجيب واحد تاني...
بجد بلاش تجيب واحد..
إنت عارف المكنة بتاعك إيه اللي فيها و إيه اللي عليها...
حتجيب واحده تانيه إستعمال خارج يا عالم بقى هي إيه اللي فيها بقى..

طبعا راي يحترم بس صعب اوصل لخامات كتير اصلية و هاكون مضطر اني اجيبها استيراد او بديل و عادتا البديل بيكون مضروب
و طبعا شكرا على التعليق

**aYaBooY** · 15-12-2010 04:54 PM