الموضوع: علبة الفيوزات هتجنني

والله انا ملقيتش حاجة للرشاشات دي.. اللي لقيته كان للمساحات بس.. يمكن يكونوا معاهم علي فيوز واحد..
الله اعلم.. ممكن تجرب و تقولنا..
و عموما فيوز المساحات هو اول واحد علي الشمال في الصف اللي تحت..

المشاركة الأصلية كتبت بواسطة Ahmad Allawy

والله انا صورتها النهاردة.. و ادي الصورة.. و معلش اتأخرت عليك شوية..
بس استني برضه هاتأكد ليك هو انهي جوز فيوزات. عشان مش فاكر هما العمود الرابع ولا التالت.. من علي اليمين طبعا..
بس انا متأكد انهم رقم 10 و 25.. يبقي هتبقي الرابع..
بس غالبا الرابع..

اللي هي علي يمين الصف الفاضي ده..
و برضه عشان تتأكد فك الغطا و امسكه في ايدك.. بحيث يبقي فيوز المروحة الكبير اللي علي اليمين خالص ف الصورة ده الاسود اللي مكتوب عليه 30 .. في نفس المكان علي الغطا اللي في ايدك.. و غالبا هتلاقيه رقم 10 فوق.. و اللي تحتيه.. و مش فاكر اذا كان 25 ولا كام.. و هتلاقي مرسوم عليه علامة النور العالي الي هي بتنور معاه ف التابلوه..

هما في العمود الرابع فعلا.. و الترقيم شغال كالتالي:
من 1-13 من الشمال لليمين في الصف اللي فوق.. و بعدين 14-15 اللي هما الكبار.. واخدين الصفين..
و بعدين من الشمال لليمين برضه ف الصف اللي تحت من 16 لحد الاخر بقي.. 28 باين..

و هما فعلا رقم 10 و رقم 25.. معلش معرفتش اصورلك غطا العلبة كله عشان النيا كانت ضلمة و مش باين ف الصورة..
ربك ييسر نصوره تاني ف النور..
و بالنسبة للأخ الفاضل اللي بيسأل علي علبة الفيكترا اللي ف الكبوت.. دي علبة ريليز.. اللي هي زي الفيوزات بس كبيرة شوية.. انما علبة الفيوزات العادية غالبا بتكون موجوده جوة الصالون بتاع العربية.. بس ف الفيكترا مش عارف فين بالظبط..
مختار بقي و احمد و وليد بك يفيدونا..