بسم الله الرحمن الرحيم

أحب قبل كل شيئ أتقدم بأسمي معاني الود والاحترام واهني كل اعضاء القسم بمناسبة عيد الاضحي كل عام وانتم بخير وسعادة وتقبل الله منا ومنكم صالح الاعمال


أنا كنت عاوز أخد أراء الزملاء فى حاجة كدة

أنا من فترة بعد ماجبت العربية والحمد لله أخدت العين ومن الواضح انها كانت عين قوية
العربية اتخبطط من الخلف الاكصدام اتكسر والشبطة اتطبقت

وديتها للسمكري عمل زرجينة علي الشنطة ولحمت الاكصدام ورشيت الجزء الخلفي للعربية والحمد لله مفيش حاجة باينة ..... بس نفسيا الحتة دي عملالي أرق

وطبعا علشان اداوي المشكلة كلها كنت المفروض ارش الجزء اللى اتسمكر من جوة الشنطة بس طبعا هتقلل سعر العربية فقررت اسيبها وعملتلها طبقة شحم ابيض وحطيط عليها كيس بلاستيك ومن وقت للتاني بنضفها وبغير طبقة الشحم والاكياس

بس نفسيا انا عندي شوية عيوب فى العربية وهي
++ خبطة الشنطة
++ شرخ فى الفتيس بردو عملنه لحام كهربا ومفيش منه مشكلة والفتيس كويس
++ فيه نواقص فى العربية (( المصفحة --- عزل باب الكبوت مش موجود ))
+++ داخل على شغل فى العفشة واقلها الكبالن


مش عارف بقالي كام يوم في حيرة وبفكر تفكيرين الاول اني ابيع العربية على وضعها وأكمل عليها واجيب فابيا أو أوكتافيا


والتفكير التاني اني معتز أوي بالعربية دي خاصا ان اساسياتها كلها ممتازة شاسية كويس وصاج مفيهوش بارومة والموتور بحالة كويسة جدا وفكرت اعمل كل حاجة فيها واعملها كسوة جديدة وارشها من جديد


أنا عارف انه موضوع ملخبط شوية بس أنا بحب افضفض مع اخوتي فى القسم علشان نتبادل الاراء وأطلع بأفكار جديدة

ياتري ابيع واغير ولا اجدد العربية