محتاج أرائكم فى عربيتي

**amoor89** · 02-10-2014 02:17 AM

المشاركة الأصلية كتبت بواسطة aw2100

على فكرة فى حل تانى للشنطة انك تشترى واحده استعمال نفس لون العربية مش غالية بالزجاج والقفل متقفله وتركبها تفك القديمه وتركب الجديدة وبكده تبقى الشنطه 0 ؟؟؟؟!!!

حل زى الفل بصراحة لو كانت الخبطة بعيد عن الشاسيه وفى الباب بس

**أحمد جودة** · 02-10-2014 09:09 AM

المشاركة الأصلية كتبت بواسطة ehab mobarak

بص حاقولك حاجه اللي انت بتمر بيه انا بارضه مريت بيه وكنت عاوز ابيع العربيه وكل ما اسمع سعر نفسي تقفل انت رش الحته اللي في الشنطه عند بويجي نضيف ومش حاتبان ونفسيتك حاتستريح انا العربيه فيها وش سلندر وكنت بافكر اسقط ماكينه من عند الميكانيكي بتاعي وبعدين بعد ما سبتله العربيه وراجع اخدها اكتشف ان شريكه باع المكنة ومغيرتش حاجه وحاكتفي بتغير الوش بعد العيد انا الصراحة باحب العربية دي وخصوصا انها اول بختي وعيالي حابنها قوي ومقضياني ومستحمله السكه اللي زي الزفت ودورت علي الجديد لاقيته مش حايستحمل وكمان عشان تشتري عربيه زيرو عايزلك مش اقل من 140 الف وحاتركنها فين وهي يعني مش حاتصرف اكيد حاتصرف الخلاصة طالما العربيه مقضية احتياجاتك وميزانيتك مش مستحمله جديد يبقي حاقظ عليها اينعم بتصرف كتير بس ده ليك ولراحتك اسف اذا كنت طولت عليك بس لاقيتك زيي محتار وشكرا

انا قربت اقتنع بكلام حضرتك وارشها علشان احافظ عليها من البارومة ومش مهم اعادة البيع أنا مستعد استعمل العربية لحد ماجيب اخرها وساعتها هبيعها باي مبلغ مش فارق

اشكرك صديقي على مشاركتك

**أحمد جودة** · 02-10-2014 09:10 AM

المشاركة الأصلية كتبت بواسطة zxcv38

حتي الان متفقين التعرفه احسن من المتعرفهوش

تشكر ياباشا وعندك حق اللى معايا عرفت عنها كل حاجة وعرفت ميزاتها وعيوبها

**أحمد جودة** · 02-10-2014 09:14 AM

المشاركة الأصلية كتبت بواسطة aw2100

على فكرة فى حل تانى للشنطة انك تشترى واحده استعمال نفس لون العربية مش غالية بالزجاج والقفل متقفله وتركبها تفك القديمه وتركب الجديدة وبكده تبقى الشنطه 0 ؟؟؟؟!!!

بس انا المشكلة مش فى باب الشنطة ...... المشكلة فى ارضية الشنطة نفسها من عند الداير بتاع الاستبن المنطقة دي متسمكرة ع البارد منغير رش ...... طيب تفتكر لو حبيت اغير بالمرة باب الشنطة هيكون بكام

**أحمد جودة** · 02-10-2014 02:09 PM

المشاركة الأصلية كتبت بواسطة ahmed_fayed_1

نفس اللي حاصل معايا كل فترة افكر ابيع العربية
وبعدين اقول انا غيرت فيها و ظبط شويه برجع تاني اقول لا
هو موضوع محير خصوصاً الاتباط النفسي بالعربية

باشا انتا كدة بتوصف حالتي فعلا وكل شوية برأي ساعات اقول اللى عرفته احسن من اللى معرفتوش وساعات اقول ماغير واجيب حاجة احسن بس اخاف اتدبس فى حاجة اقل من اللى معايا