الموضوع: مش عارف..مش عارف..اخطب زي الناس!!

المشاركة الأصلية كتبت بواسطة فتوك حائر

ساموعليقو
اخوكم يا جماعه عضو معاكم بس داخل باسم تاني (فتوك حائر متخفي ليسأل عن امر محرج)
عايز اخد رايكم كاخوه في موضوع مزهقني في عيشتي
سكه الخطوبه يا جدعان... عندي كلها مطبات اكل المطب من هنا اقع علي وشي
انا مهندس 26 سنه بقالي 3 سنين بحاول ارتبط رسمي واعف نفسي
دايما اقع في ناس مش كويسه
خطبت اول مره طلعت واحده علي علاقه بغيري وكانت مخبيه الحمد لله عرفت ورميتها لابوها،تاني واحده طلعت معقده وغريبه والاخر مرتحناش وطلع اهلها غاصبين عليها وانا خلعت منها لما لقيتها كل يوم برأي
مشكلتي يا جماعه نفسي في بنت فيها قدر من الجمال شكلا وجسما مش عايز حاجه خارقه بس اعرف ارتاح وانا ببص لها واتعامل معاها
مش هاممني كليه قمه ولا تكون مستوي اقل المهم تكون علي قدر معقول من الجمال ومحترمه متكونش عطيطه قبلي هههههه
هو دا بقي مستحيل يا جماعه
ومحدش يقولي خد الي تحبك وتصونك علي حساب الي انا طالبه لاني حاولت مره امشي في السكه دي وخطبن وقلت هحبها مع الوقت ومعرفتش اتاقل معاها ةسبتها
بعد دول عرفت بنت وارتبطت بيها كانت جميله ومحترمه وبنت ناس وناوي اخطبها في اسرع وقت لقيتها من معرشرتي ليها عصبيه و اسلوبها زفت بعدنا عن بعض
حتي مره عجبني واحده قلتلها اخطبك وش وقعدت اتكلم معاها في مكان لقيتها مصره تشتغل وانا رافض كدا متفقناش
خلاصه الرغي دا يا جماعه انا زهقت واتخنقت
ارتبطت من باب البيت وقعت في ناس زباله مره واتنين
ارتبطت من باب الكافيه الطبع معجبنيش
وقفت بنت وقلت لها عايزك طلعت عايزه تشتغل ليل نهار متفقناش
اعمل ايه يا جماعه اسافر المريخ
مفيش سكه سالكه معايا مع اني نيتي خير
وبقيت دلوقتي كل ما اشوف حد عاجبني في الشارع اقول معرفش عنها حاجه وامشي وانا مفقوع
حاجه اخيره يا جماعه
هو لاما واحده تشيل بيت وتصوني ومش قابلها شكلا
لاما واحده حلوه وتشدني ويطلع طبعها زفت
دايما اقع في دي او دي
دلوني يا جدعان ايش اسوي

بص عندك الوالدة او اخواتك او زوجاتهم هاتلاقى اكيد .. ساعات من زماله العمل شوف هو نصيب ولما ربك ما يقسم هاتلاقيها ..

المشاركة الأصلية كتبت بواسطة محمد أنور

كبر دماغك و متدورش ..
البنات المحترمة اليومين دول بقوا عملة نادرة و اكتر البنات زي ما انت قولت قبل كدة ((عطيطة)) و بقوا يتقنوا فن التمثيل جدا .. ممكن تلاقي بنت تحسسك انك اول حب في حياتها و انك عملت اللي عمر غيرك ما عمله و عمرها ما حبت قبلك و هي اصلا كانت (متأسف في التعبير) يعني بتعمل حاجات منافية للاداب مع خطيبها الاولاني ده على اساس انها كانت بتعمل كدة من باب الشفقة ولا ايه مش فاهم
نصيحة خلي اختك او بنت عزيزة عليك هي اللي تشوفلك .. لأن دول مش هيجيبولك اي حد و مفيش اخت هتجيب لأخوها واحدة هي عارفة انها مش محترمة
وحاول تصرف نظر عن الموضوع ده لحد ما ربنا يكرمك بواحدة بالطريقة اللي بقولك عليها وبلاش انت تختار لنفسك لأنك كدة ممكن تقع في واحدة مش محترمة

انا بس عندي سؤال صغير .. انت لما بتروح لبنت صالونات و بتقولها انك كنت خاطب مرتين قبل كدة و فركشت .. ازاي بتقنعها بيك اصل اللي اعرفه من خبرتي المتواضعة مع احترامي ليك طبعا ان البنت لما تلاقي اللي قدامها مفركش قبل كدة بتخاف منه و مش بترتاح للموضوع

عندك حق في موضوع فن التمثيل دا شفته كتير
وبالنسبه لسؤالك بصراحه محدش من الي ارتبطت بيهم علق علي خطوبات قبل كدا كنت بشوف بس قلق منهم اني مثلا اكون لسه متعلق بتجربه قديمه لكن غير كدا محصلش

المشاركة الأصلية كتبت بواسطة speed_magnum

هههههههههههه
جيت عالجرح ودوست
ممكن انضم لفريق الفتاتيك بتاعك ؟!

باشا اتفضل اعتبر نفسك مشرف فتاتيك
احكيلنا تجربتك في وجع الدماغ دا

انا موضوع الجواز والخطوبة شبه اتقفل بالنسبه ليا بعد ٣سنين بحث مميت لقيت بنت شكلها زى الى كان فى خيالى بنسبة ٩٩٪ وشخصيتها كانت ممتازة اكيد كان فيه تنازل على حساب المستوى الاجتماعى والعلمى و الثقافى للبنت واهلها لان مافبش حد كامل و فى الاخر هى الى نهت الموضوع بعد وسوسة ناجحه من اختها الكبيرة و تكتمل خطتها بانها تجيب بديل فى زمن قياسى (واحد زميلها فى الشغل) ليتم انهاء الموضوع بحجج واهيه جدا بشهاده والدها و تتم خطبتها على عريس الى من طرف اختها الكبيرة فى خلال ايام استغلالا لظروف سفرى وعملى بالخارج وعدم تواجدى فى مصر دلوقتى علشان الاقى حد مقبول فى نفس مستواها ممكن اقعد ادور سنين (اغلب بنات الزواج التقليدى اقل من المتوسط) و قى الاخر ممكن ما اعجبش و على المقابل انا ماديا ظروفى بتتحسن طبعا بفضل الله لكن ده هيصعب الموضوع فى اختيارك هتبقى زى اشترى توكتوك و بيفوله بنزين ٩٥ بمعنى هتفضل شاكك ان دى هى كانت تستحق تعبك ده كله بمعنى مش هى دى الى يستحق يتصرف عليها كان على ايه الغربه والبهدله ووجع الدماغ ما كنت اتجوزت فى ايجار جديد وانفضيت

المشاركة الأصلية كتبت بواسطة hitman235

انا موضوع الجواز والخطوبة شبه اتقفل بالنسبه ليا بعد ٣سنين بحث مميت لقيت بنت شكلها زى الى كان فى خيالى بنسبة ٩٩٪ وشخصيتها كانت ممتازة اكيد كان فيه تنازل على حساب المستوى الاجتماعى والعلمى و الثقافى للبنت واهلها لان مافبش حد كامل و فى الاخر هى الى نهت الموضوع بعد وسوسة ناجحه من اختها الكبيرة و تكتمل خطتها بانها تجيب بديل فى زمن قياسى (واحد زميلها فى الشغل) ليتم انهاء الموضوع بحجج واهيه جدا بشهاده والدها و تتم خطبتها على عريس الى من طرف اختها الكبيرة فى خلال ايام استغلالا لظروف سفرى وعملى بالخارج وعدم تواجدى فى مصر دلوقتى علشان الاقى حد مقبول فى نفس مستواها ممكن اقعد ادور سنين (اغلب بنات الزواج التقليدى اقل من المتوسط) و قى الاخر ممكن ما اعجبش و على المقابل انا ماديا ظروفى بتتحسن طبعا بفضل الله لكن ده هيصعب الموضوع فى اختيارك هتبقى زى اشترى توكتوك و بيفوله بنزين ٩٥ بمعنى هتفضل شاكك ان دى هى كانت تستحق تعبك ده كله بمعنى مش هى دى الى يستحق يتصرف عليها كان على ايه الغربه والبهدله ووجع الدماغ ما كنت اتجوزت فى ر جديد وانفضيت

موضوعك دا قويب جدا من اخر بنت كنت اعرفها ومكانتش ارتباط رسمي مع اني مش حابب الجو زا بس اتكعبلت فيها وكانت فيها كل الي انا عاوزه جميله ةمعايا دايما وكنت دايمارعايز اسرع واخطبها ومع الوقت بدات تتغير شويه بشويه لحد ما فقدت راحتي معاها وبرضه اخترعت حجج واهيه عشان تبعد لكن انا معبرتهاش ولا ناقشتها مبقتش تخصني
بجد بستغرب من التحول الغريب دا يا جماعه فيه حد يبدا عسل كدا وينتهي بصل

المشاركة الأصلية كتبت بواسطة maka

اصلا تخلص من البنت والقبول تقع فى اهلها و طلباتهم وتشرطتهم تخلص من اهلها تقع فى اهلك مش عارف مش عاجبهم ايه...#$%^$

انت جبت المفيد فعلا الواحد مبيصدق يخلص من حاجة يقع في حاجة تانية و تالتة لحد ما الواحد زهق و بقى بيروح يشوف اي بنت تقضية واجب .. ما انت كدة كدة هتترفض هههههههه
فعلا الموضوع مش سهل والواحد جاله احباط من كل حاجة بسبب الموضوع ده