الحمد لله حجزت مازدا 3 2015 في الكويت

**elostaz13** · 03-10-2014 01:44 AM

انا كنت حاجز الفلوانس 2015 الخليجي بس اكتشفت ان التكييف مش نيسان زي مكا وكالاتها بيقولو ودا بعد تجربة القيادة وهايكون ضعيف جدا في الكويت ودا طبعا مينفعش غير اني اختلفت معاهم في العرض بتاع الضمان والصيانة فقولت اروح اتفرج تاني على المازدا وبعد صلاة الاستخارة قررت احجزها واتوكل على الله العربية طبعا نازلة بموتور 1600 سي سي والفتيس القديم الاربعة غيار وقبل ماحد ينتقد الموضوع دا انا اولا مش بتاع شد وجري وسرعة كبيري 80 او + ان تكييفها تلاجة بمعنى الكلمة 100 وكمان احنا المصريين مبيعجبناش العجب ياعني لما قالو هاتنزل مصر بالموتور الاسكاي ااكتيف 1500 اتهاجم انه اضعف من القديم ومش هاتكون له قطع غيار ولما تنزل بالقديم تتهاجم لانه قديم ما هو زي الفل في الشكل اللي قبله عموما زي موضحت انا اختارت بناء على احتياجاتي انا .
مواصفات العربية هنا فئة واحدة بس اللي نازلة 1600 وطبعا هي كشكل خارجي اقيمها 10/10 رائع
كخامات وشكل داخلي 10/10 اافضل خامات في الفئة دي
كصوت الموتور وعزله عن الكبينة 7/10 العزل شوية ضعيف
عزل العربية للاصوات الخارجية وثباتها لا غبار عليه 10/10
نيجي بقى للمواصفات والاوبشن
1- فرش بيج وانا اختارت اللون البني المعدني اللي نازل جديد عليها
2- رنجات الومنيوم 16 انش+ الاطار الاحتياطي نفس المقاس بس حديد عادي
3- كشافات ضباب
4- تحكم في الكاسيت من الدريكسيون وازرار البلوتوث
5- مثبت سرعة مع ازرار تحكم بالدركسيون
6- ستارت انجن بدون مفتاح
7- شاشة معلومات وعدادات مضيئة + عداد ديجيتال لعدد لفات الموتور
8- يو اس بي واتنين مخرج شحن وايواكس داخل مسند السائق
9- امكانية اعطاء اوامر صوتية للنظام السمعي ونظام الاتصال.
10- كسوة جلد للدركسيون وفرامل اليد
11- الكنبة الخلفية قابلة للطي + مسند خلفي بالمنتصف
12 - امكانية تحريك وضبط الكشافات الامامية يدويا اعلى وااسفل تلسكوبي
13 - اضاءة نهارية تعمل اتوماتيكيا
شاشة معلومات مضيئة واهم حاجة ان كلها قطع وتجميع يباني بالكامل+ ضمان خمس سنوات واول سنة مجانا لحد 20 الف كيلومتر
وانشاء الله هاستلم بعد العيد وهايكون ليكم احلى تقرير مصور اتعمل بالمنتدي بالكامل
ادعولي اكون احسنت الاختيار وربنا يباركلي فيها .

**blazer** · 03-10-2014 02:30 AM

الف مبروك
العربيه فى رأى ممتازه عدا الماتور و الفتيس القديم ,, و فيه بدائل كتير كنت ممكن تختار بينها زى الكرولا او الامبريزا الى فى راى افضل عربيه فى فئتها

**janjon1978** · 03-10-2014 07:34 AM

الف مبروك وان شاء الله تستمتع بيها
احلي حاجة في العربية دي انها مافيهاش اعطال
صيانات منتظمة عادية باقل التكاليف
سير الكاتينة حديد مايتغيرش
سير المجموعة واحد فقط كل 100 الف كم
بوجيهات كل 40 الف او الاريديوم كل 100 الف
ان مركب الاريديوم NKG من 95 الف كم و لسة سحب العربية هايل
فلتر بنزين كل 40 الف
فلتر هواء كل 30 الف
العفشة في الموديل الجديد احسن من القديم لانها ياباني مش من فورد زي القديمة فهاتستحمل احسن من القديمة

نيجي بقي لنقطة الموتور و الفتيس
اولا الموتور ده من 2004
تسارع حتي 100 كم في 12.2 ث و متوسط الاستهلاك 7.9 لتر لكل 100 كم
في 2006 عملو تحديث ل سوفت وير
وبقي تسارع في 12.4 ث واستهلاك بنزين اقل شوية 7.6
فئ الجيل التاني من 2010 عملوا تحديث للسوفت وير
وبقي تسارع اقل 13.1 ث و استهلاك بنزين اقل 7.4
و الشكل الجديد في 2014 اللي هو معاك عملو اخر تحديث
وبقي تسارع 13.6 ث و استهلاك اقل بكثير 6.3 لتر لكل 100 كم

يعني هما خلوا العربية اقتصادية اكتر مقابل كدة سحب اقل وده بشبهه بالضبط بزرار ال economy mode زي العربية التانيةاللي معايا نيسان جوك فعلا لما بخليها eco mode العربية سحبها بيبقي بطة.. كنت اتمني انهم يعملوا زرار زي كدة في المازدا و السواق هو اللي يحدد هو عايز ايه استهلاك بنزين اقل ولا سحب جامد و سريع

من الواضح كدة من قصة التحديثات انها معمولة علشان يقللوا استهلاك البنزين
لان برة مصر الضربية بتتحسب علي اساس استهلاك البنزين و اخراج CO2

طيب مش عاجباك التسارع بتاع الشكل الجديد اعتقد بسهولة جدا ممكن تغيير السوفت وير لموديل 2008 زي عربيتي
العربية اللي معايا موديل 2008 سحبها جيد جدا

**mnashat77** · 03-10-2014 09:47 AM

الف ميروك عليك وربنا يحافظلك عليها و طول ما حضرتك مش بتاع جري يبقي موضوع ال ٤ غيار مايفرقش معاك ومش هيضرك ف حاجه،العربيه اكيد لا غبار عليها ومعروفه انها من العربيات الثابته و كفايه تقفيل ياباني،
انا عن نفسي لولا ان عارف ان لو انا جبتها هنا ف مصر لما اجي هبيع هخسر كتير نظرا لثقافه شعب :) كنت جبتها بدون تفكير بس حضرتك ف الكويت اكيد الوضع يختلف

**mr.moustafa** · 03-10-2014 03:36 PM

مبرووووووك من الاعماق والى الامام وبالتوفيق يارب

**Hunting_Eagle** · 03-10-2014 05:27 PM

مبروك مقدما

تستلم على خير

**elostaz13** · 03-10-2014 11:22 PM

انا متشكر للجميع وربنا يخليلي منتدانا الجميل لاني بقالي 3 شهور بجرب في عربيات زي
1- كورولا الخليجي
2- سنترا
3- هوندا سيتي
4- رينو فلوانس
واخيرا المازدا وفعلا ممكن تكون مش احسنهم اداء لاكن بجد اجودهم كخامات وبردو الباور والتكييف حكاية والشكل الخارجي دا ازواق بس بصراحة شكها قمة في الشياكة وطبعا انا ستبعدت كل اللي فات لعدة اسباب الكورولا نازلة هنا بفتيس القديم وفاضية وسعرها مبالغ فيه وطبعا لا غبار عليها لكن حرام ادفع فيها مبلغ كبير واخد الفئة الفاضي
والسنترا موتورها ضعيف على حجمها بالاضافة لشكل التابلوه حاجة عقيبمة كانها موديل 90
والسيتي صغيرة وصوت الموتور فاجاني عالي جدا جدا
واخيرا استقريت على الفلوانس لاكن زي مقولتلكم اداء التكييف ضعييف هنا والحرارة بتوصل 50 معظم الصيف كمان التوكيل بيدي ضمان تلات سنين بس ولاغى عرض اول سنة مجانا وزود سعر موديل 2015 فقفلني منهم وروحت برجلي للماذدا لانها بختصار مميزات ااكتر من عيوبها بكتييير
مميزات سعرها معقول جدا فل اوبشن ما عدا الفتحة وسعرها مناسب هنا ااقل من الكورولا الفاضية
كمان تجميع وقطع يباني 100% معاها شوية اوبشن دلع ستارت انجن ورنجات ومثبت سرعة وكشافات ضباب وبلوتوث واضاءة نهارية وخاماات وجودة تمام
العيوب ممكن يكون سحب الموتور ضعيف بس انا بروح بيها شغلي م رايح سبق + اني مسمعتش ان في عيوب في الموتور والفتيس القديم او ان حد اشتكي منهم ان فيهم مشاكل وياريت لو حد يعرف اي عيب فيهم يقولي انا لسة مستلمتش حجزت بس بمبلغ بسيط لاكن لو الموتور والفتيس تمام يبقى تعتبر اافض اختيار وشكرا للجميع

**DR_UNIQUE** · 08-10-2014 03:43 AM

مبروك على حضرتك مقدما....انا مسافر الكويت ان شاء الله قريب وكنت بفكر فيها بس كنت عاوز اعرف سعر الهاي لاين مش الكور الي فيها شاشة عرض بتنزل مع اطفاء المحرك....وكمان نظام التقسيط هناك وابقى شاكر فضلك جدا....

**elostaz13** · 08-10-2014 05:21 PM

المشاركة الأصلية كتبت بواسطة DR_UNIQUE

مبروك على حضرتك مقدما....انا مسافر الكويت ان شاء الله قريب وكنت بفكر فيها بس كنت عاوز اعرف سعر الهاي لاين مش الكور الي فيها شاشة عرض بتنزل مع اطفاء المحرك....وكمان نظام التقسيط هناك وابقى شاكر فضلك جدا....

الكويت تنور ولو حضرتك اول مرة تيجي ومحتاج اي مساعدة في اي شئ انا تحت امرك بالنسبة للمازدا المحرك 1600 نازل منه فئة واحد اللي انا حجزتها من غير فتحة سقف ومن غير زنون او شاشة لاكن المحرك 2000 سي سي فيها تلات فئات وموجودة شاشة وفتحة سقف بس ااكيد مينفعش تنزل مصر عشان جماركها ممكن تعدي 250 الف فلو حضرتك ناوي يبقى 1600 وبخصوص الاقساط لازم الراتب يتحول على البنك تلات شهور وبعدين الامور سهلة بعد كدة خلال يومين تستلم والارباح كلام فاضي 14%

هههههههههههه على خمس سنين ياعني 2.8 تقريبا في السنة ولا عزاء للاقساط في مصر سرقة علنى اه ومن غير مقدم كمان ههههههههههه

**DR_UNIQUE** · 08-10-2014 05:34 PM

منورة بيك يا باشا ربنا يبارك فيك....بس انا مش ناوي انزلها مصر اصلا....أنا عاوز اجيبها فترتي هناك ان شاء الله وبعد كده ابيعها.....لو كنت تعرف اسعار اول وتاني فئه من ال2000 cc ابقى شاكر ليك جدا.....

الموضوع: الحمد لله حجزت مازدا 3 2015 في الكويت

LinkBack

أدوات الموضوع

عرض

-

-

-

-

المواضيع المتشابهه

حجزت ال 3 موديل 2015 ... ايه ننصيحتكم لي عند الاستلام و بعده؟

حجزت كيا ريو 2015 وكيل والاستلام بعد شهرين !!

الحمدلله حجزت ريو هاتشباك 2015 الفئة الجديدة dab + abs

مازدا 3 2015 ولا كيا سبورتاج 2015

الحمد لله حجزت c5

الكلمات الدلالية لهذا الموضوع

المفضلات

المفضلات

ضوابط المشاركة