السلام عليكم

ازيكم يا شباب؟ معلش انا مش بجيلكم الا في المشاكل

اولا كل سنه و انتم طيبين و عيد سعيد عليكم ان شاء الله

ثانيا بقى المشكله: انا معايا E90 2008 اميارح جالي charging failure قلت يبقى اكيد سير الدينامو قطع المهم فكيت الفيبره و جبت السير لقيته مش مقطوع بس مجروح المهم قلت اغيره, رحت جبت واحد جديد و قلت اركبه انا.
المهم وانا جي اركبه لقيت الكومبريسور بيتهز و مش ثابت في مكانه نهائي, كلمت الميكانكي بتاع العربيه, قالي كده يبقى عايز يتغير, قولتله بس هو سليم و تبريده كويس جدا, قالي هو كده ماينفعش يتثبت تاني مع انه سليم كاتبريد و محتاج يتغير وهو عنده ب 4500 جنيه, الكلام ده حصل في التليفون انا لسه ماودتلوش العربيه.

هل في حد يا جماعه عنده خبره في الموضوع ده؟ هل فعلا كده عايز يتغير؟ و مالوش اي حل تاني لقواعده علشان يتثبت؟