الكاوتش الفابريكه

**م.أحمد الدسوقي** · 04-10-2014 01:05 AM

سؤال لو سمحتم

انا معايا لوجان 2014 عامله 3500 كم بس

الكاوتش الفابريكه نوع سيء اسمه باروم

لاحظت فرق كبير بينه وبين البريدج والميشلان والبريللي

والنيتروجين حسنه لكن بحدود

دلوقتي انا عاوز اعرف هل ممكن ابيع الاربع فرد بالجنط الحديد واجيب جنط سبور ممتاز مع تورانزا

هما عندي مقاس 15-185-65 تقريبا عاوز اخليهم 15-195-65

ياتري التكاليف كام ولو بعت اللي عندي الكاوتش والجنط الحديد

حيجيبولي كام

وسؤال اخر بريللي يفرق كتير عن بريدج ستون ولا لا

**bedo84** · 04-10-2014 01:36 PM

المشاركة الأصلية كتبت بواسطة م.أحمد الدسوقي

سؤال لو سمحتم

انا معايا لوجان 2014 عامله 3500 كم بس

الكاوتش الفابريكه نوع سيء اسمه باروم

لاحظت فرق كبير بينه وبين البريدج والميشلان والبريللي

والنيتروجين حسنه لكن بحدود

دلوقتي انا عاوز اعرف هل ممكن ابيع الاربع فرد بالجنط الحديد واجيب جنط سبور ممتاز مع تورانزا

هما عندي مقاس 15-185-65 تقريبا عاوز اخليهم 15-195-65

ياتري التكاليف كام ولو بعت اللي عندي الكاوتش والجنط الحديد

حيجيبولي كام

وسؤال اخر بريللي يفرق كتير عن بريدج ستون ولا لا

السلام عليكم ورحمة الله

باشا انا ممكن محتاج أغير الكاوتش والفلوس متسمحش أجيب ماركات عاليه حاليا والكاوتشات تقريبا دأبت خالص فممكن اشتريهم منك بس من غير الجنوط وانا أنصحك انك متغيرش جنوط اللوجان لانها تصنيع ممتاز ومحمله جدا ،، شوف ممكن
اخدهم منك اربع فرد ب 800 جنيه ،، لو هتبيع الاستبن أخده ب200 جنيه إضافي وشكرا

**Dr.Karim Emam** · 04-10-2014 03:27 PM

طبعا التورانزا كاوتشه محترمة جدا و أنا أؤيدك في تغيير الباروم بأي نوع تاني حتى لو هتفضل بالجنوط الحديد.
لكن لو هتغير يبقى تجيب مقاس 15\60\195 و لو ان كفاية انك تغير نوع الكاوتش بس و هتحس باختلاف رهيب.

و لو ناوي تبيع الجنوط الحديد أنا محتاج جنط منهم عشان فيه واحد عندي اتعوج من خبطة, شوف حضرتك سعره كام و انا اشتريه منك

**م.أحمد الدسوقي** · 04-10-2014 03:59 PM

والله انا مش ممانع حتي لو حبيع كل جنط لوحده بس انا عاوز اعرف الاسعااااااااااااااار

**adel_edrees** · 04-10-2014 08:50 PM

بس يا سيدى البريلى سينترينو p7 او الميشلان ال energy saver نوعيات ممتازة مافيش كلام لكن من وكيلهم دى حاجة الحاجة التانية اختلاف بلد المنشأ عن بلد التصنيع و أنا ما بأحبش كده خصوصا فى الكاوتش و لو نزلت جتجبهم بتاريخ حديث ؟؟؟ أحنا كنا فتحنا المناقشه في الموضوع ده و توصلنا ألى أن أحسن كاوتش ممكن يركب على اللوجان هما كالتالى 1 - بريد جستون تورانزا gr 90 ياباني المنشأ و الصنع و ده نمرة واحد في كل حاجة ثبات وفرامل و تحكم وسرعات عالية لكن تمنه معدى معدى الفردة تقريبا تعمل 750-800 جنيه
2- يوكوهاما سي درايف و خلى بالك من السى و ده تمنه 540 جنيه و ده كويس في كل حاجة و الفروق ما بينه و و بين البريدجستون قليلة و ده ياباني الصنع والنشأة و غير كده توكيله غبور يعنى أسم برضه طبعا البريدجستوم توكيله غنى عن التعريف و أنت برضه القرار قرارك الأربع أنوع بالموديلات اللى قلات لحضرتك عليهم ممتازين و ربنا يوفقك
أما بالنسبة لبيع الكاوتش القديم أنا أديته هدية للواد اللى غير الكاوتش لأن بعد 9 ألاف كيلو الكاوتش عمل كرف curve في النص الأربعة و الواد قاللى أنا ما أشتريهمش النوع ده سئ جدا و معروف أنا غيرت عند على صبرة اللى في أحمد سعيد فأنا رأى الشخصى أنه ما يعملش أكتر من وألا بلاش علشان حضرتك ما تزعلش منى و في النهاية البيع و الشراء ده نصيب و أنا ما أقدرش أتدخل في حاجة مش بتاعتى ماليش فيها
بالنسبة للجنوط حتلاقى في شارع أ؛مد سعيد ناش كتير بيبعوا جنوط صيني خقيف و صيني محمل و تايوانى لكن دعنى أهمس في أذنيك بكلمة صغيرة و برضه ما تزعلش منى مش اللوجان اللى تغير لها جنوط حتخسر فيهم جامد جدا الجنط بيتباع في التوكيل مابين 700-800 يعنى حتخسر جامد فيه الحاجة التانية مش اللوجان اللى يتعمل فيها الشغل ده و أنت و ذوقك و براختك برضه لو ناوى تعرض ممكن تجيب 195 60 و لو أنا بأقلق من تعريض الكاوتش و أسأل برضه بتاع الكاوتش اللى حيركب لك قاله الجنط القديم يشيل 195 و ألا أيه و شرا و ماتزعلش منى

**Porsche911TT** · 04-10-2014 10:44 PM

سعر الجنط في التوكيل 630 بدون الضريبة ، السعر ده من حوالي 3 شهور

**م.أحمد الدسوقي** · 04-10-2014 11:19 PM

المشاركة الأصلية كتبت بواسطة adel_edrees

بس يا سيدى البريلى سينترينو p7 او الميشلان ال energy saver نوعيات ممتازة مافيش كلام لكن من وكيلهم دى حاجة الحاجة التانية اختلاف بلد المنشأ عن بلد التصنيع و أنا ما بأحبش كده خصوصا فى الكاوتش و لو نزلت جتجبهم بتاريخ حديث ؟؟؟ أحنا كنا فتحنا المناقشه في الموضوع ده و توصلنا ألى أن أحسن كاوتش ممكن يركب على اللوجان هما كالتالى 1 - بريد جستون تورانزا gr 90 ياباني المنشأ و الصنع و ده نمرة واحد في كل حاجة ثبات وفرامل و تحكم وسرعات عالية لكن تمنه معدى معدى الفردة تقريبا تعمل 750-800 جنيه
2- يوكوهاما سي درايف و خلى بالك من السى و ده تمنه 540 جنيه و ده كويس في كل حاجة و الفروق ما بينه و و بين البريدجستون قليلة و ده ياباني الصنع والنشأة و غير كده توكيله غبور يعنى أسم برضه طبعا البريدجستوم توكيله غنى عن التعريف و أنت برضه القرار قرارك الأربع أنوع بالموديلات اللى قلات لحضرتك عليهم ممتازين و ربنا يوفقك
أما بالنسبة لبيع الكاوتش القديم أنا أديته هدية للواد اللى غير الكاوتش لأن بعد 9 ألاف كيلو الكاوتش عمل كرف curve في النص الأربعة و الواد قاللى أنا ما أشتريهمش النوع ده سئ جدا و معروف أنا غيرت عند على صبرة اللى في أحمد سعيد فأنا رأى الشخصى أنه ما يعملش أكتر من وألا بلاش علشان حضرتك ما تزعلش منى و في النهاية البيع و الشراء ده نصيب و أنا ما أقدرش أتدخل في حاجة مش بتاعتى ماليش فيها
بالنسبة للجنوط حتلاقى في شارع أ؛مد سعيد ناش كتير بيبعوا جنوط صيني خقيف و صيني محمل و تايوانى لكن دعنى أهمس في أذنيك بكلمة صغيرة و برضه ما تزعلش منى مش اللوجان اللى تغير لها جنوط حتخسر فيهم جامد جدا الجنط بيتباع في التوكيل مابين 700-800 يعنى حتخسر جامد فيه الحاجة التانية مش اللوجان اللى يتعمل فيها الشغل ده و أنت و ذوقك و براختك برضه لو ناوى تعرض ممكن تجيب 195 60 و لو أنا بأقلق من تعريض الكاوتش و أسأل برضه بتاع الكاوتش اللى حيركب لك قاله الجنط القديم يشيل 195 و ألا أيه و شرا و ماتزعلش منى

بص يا كبير

انا اصل عندي حد في بريللي مصنع اسكندريه ممكن يجيبهوملي من هناك بسعر المصنع وبتقسيط كمان

فعاوز اشوف البريللي عشان كدا

ثانيا لو هوا الجنوط مقاس اللوجان تمنه كام ممكن يكون الفرق مش كبير لو غيرته؟؟

**م.أحمد الدسوقي** · 04-10-2014 11:21 PM

المشاركة الأصلية كتبت بواسطة bedo84

انا بعتلك رساله عالخاص مش عارف وصلتك ولا لا ،، ممكن تبعتلي رقمك عالخاص وانا هكلمك ،،

بعتلك رقمي خاص

**amrezzat82** · 07-10-2014 01:18 PM

انا عايز ابيع ال5 فرد قريب جدا المتركبين فى السانديرو- 185-65- 15 - العربية موديل 2011 و مش معدية 27000 و الاستبن لم يركب ابدا و لم يتم عمل اي خرم فى اي فردة ماعدا خرم واحد من 3 سنين فى فردة الشمال و اتعملت فى موبيل
يا تري فردة الكاوتش يعمل كام كده؟ و من يشتري ؟
https://imageshack.com/i/ipulatogj