استفسار من اهل الخبره

**midohector** · 08-10-2014 10:29 AM

بسم الله الرحمن الرحيم

السلام عليكم رجالة رينو

معاكو اخوكوا محمد من منتدي الشيفورليه و عندي اوبترا 2010 و كنت بفكر اغير عشان العربيات في مصر اخرها 5 سنين نتيجة الميكانيكيه التعبانين و التوكيلات المهمله ، و استقريت بعد تفكير علي رينو ستيب واي لان شكلها عاجبني جدا و من هنا نبتدي الاستفسار ايه لاني معرفش حد جربها و كل الناس بتشكر في شكلها الخارجي بس فمحتاج اعرف رايكو في العربيه دي و عامله ايه مع اللي جربوها و ايه كل عيوبها و مميزاتها و توكيلها و جميع اخبارها ...

ارجوكوا مساعده فورية لاني علي وشك البيع و شراء الرينو ، و لكم جزيل الشكر مقدما

**midohector** · 11-10-2014 04:43 PM

ايه يا جماعه محدش عايز يرد ليه

**georgedada82** · 11-10-2014 05:11 PM

السيارة ممتازة ومتلاقيين حاجات كتير كانت مضايقة الناس في الشكل القديم ... العفشة والموتور نفس الشكل القديم
ده جروب ملاك اللوجان الشكل الجديد ممكن حضرتك تدخل وتشوف الاراء بتاعة الملاك
https://www.facebook.com/groups/NEW.LOGAN2014/

**adel_edrees** · 11-10-2014 09:01 PM

الموتور و أتزان العربية الأوبترا أحسن و ممكن الصاج و الشاسيه أحسن لصالح الأوبترا دى عوامل التميزللأوبترا عن اللوجان و السانديرو أنا بأرشح لك اللوجان تعالى بقى نشوف اللوجان فيها أيه وضعية قيادة أفضل أوبشن بالهبل و خصوصا لو جبت النافيجشن التوكيل أحسن من الأوبترا أفخم تقفيل أقل من الأوبترا شوية بسيطة عوامل أمان أكتر من الأوبترا وسع داخلى أن لم يكن زى الأوبترا فهو أكبر منها بس مش بكتير و أخيرا ربنا يوفقك للى فيه الخير

**adel_edrees** · 12-10-2014 09:55 PM

حسب معلوماتى أن السانديرو الستيب واى كل مايميزها عن السانديرو تعديلات خارجية في الشكل فقط هذا عن النيو سانديرو السانديرو عموما أغلى و قطع غيارها الخارجية أغلى وهى هي اللوجان و إعادة البيع مش زى اللوجان اللوجان هي الأفضل و خصوصا الفئة الرابعة و الخامسة و أن كان يعيب الفئة الخامسة أن الكاسيت usb فقط و ليس cd لكن في المقابل شاشة نافيجشن الفرق بين الفئة الرابعة و الخامسة هو الكاسيت الكاسيت النافيجشين أغلى من الكاسيت الموجود في الفئة الرابعة ب 3000 جنيه و أنا تحت أمرك و لو في بدائل تانية أدامك غير اللوجان و السانديرو فكر فيها و أحنا مع بعض و شكرا