محتار بين BYD L3 Auto و New LOgan أرجو معرفة أراء الأخوه الأعزاء

**S O P H O S** · 08-10-2014 04:35 AM

هي الرينو نزل منها الاوتو

**meemoo2104** · 08-10-2014 01:27 PM

المشاركة الأصلية كتبت بواسطة s o p h o s

هي الرينو نزل منها الاوتو

حتي الأن النيولوجان 2015 لا يوجد منها غير المانيوال فقط ومن توكيل رينو الأوتوماتيك ممكن ينزل علي نص 2015 والله أعلم

**ELTenin** · 08-10-2014 05:13 PM

المشاركة الأصلية كتبت بواسطة abokoko

خده معاك الى معرض كبير فيه كل العربيات المرشحه وشوف رايه ايه

وجهة نظرى هتعجبه ال l3

الخوف انه ياخده معاه المعرض الكبير ده يقوم ابنه يمسك فى حته BMW ولا MINI COPPER

عموما اخى الفاضل انا مركبتش اللوجان ولا اعرف امكانياتها

بس انا لسا شارى BYD L3 Auto

ولو قدامى الاتنين حاخد البى واى دى نظرا لانى بيفرق معايا الكماليات والشكل الخارجى والداخلى وكمان الارتفاع عن الارض والشنطة والواسعة

انا كاتب موضوع مفصل عن العربية اللى اشتاريتها شوفوا

وشوف حد يكون عامل موضوع عن اللوجان ويكون اشتراها وقارن وربنا يكرمك ويسهل لك الاختيار

**meemoo2104** · 08-10-2014 06:36 PM

المشاركة الأصلية كتبت بواسطة eltenin

الخوف انه ياخده معاه المعرض الكبير ده يقوم ابنه يمسك فى حته bmw ولا mini copper

عموما اخى الفاضل انا مركبتش اللوجان ولا اعرف امكانياتها

بس انا لسا شارى byd l3 auto

ولو قدامى الاتنين حاخد البى واى دى نظرا لانى بيفرق معايا الكماليات والشكل الخارجى والداخلى وكمان الارتفاع عن الارض والشنطة والواسعة

انا كاتب موضوع مفصل عن العربية اللى اشتاريتها شوفوا

وشوف حد يكون عامل موضوع عن اللوجان ويكون اشتراها وقارن وربنا يكرمك ويسهل لك الاختيار

شكرالك أخي الفاضل علي مشاركتك اللطيفه
وبالفعل أنت عارف شباب اليومين دول كل أللي يهمهم في السياره الشكمان ال devil والsound system
وبالفعل أنا اطلعت علي موضوعك الجميل وأكيد هأستفيد منه أن شاء الله

**corsair** · 11-10-2014 04:48 PM

المشاركة الأصلية كتبت بواسطة sonytogy

النصيحة موجهة الى الاستاذ :meemoo2104
اللوجان سيارة رومانى مغربى
النيو صنى سيارة تجمع بالصين وتقفل فى مصر
الbydسيارة صينى بس بجودة عالية ومعظم تكسيات مصر بتشكر فيها +انها سيارة اوتوماتيك وعامرة بالكماليات
من وجهة نظرى الbyd الانسب

النيو لوجان والسانديرو والاستيب واي والداستر

مكونات فرنسي بالكامل والمغرب تقوم بتجميع البودي وتقفيل الفرش فقط

**magdyh1979** · 11-10-2014 05:39 PM

استاذى العزيز
انا كنت عامل زيك بالظبط واحتارت فى جميع السيارات وفى النهاية عملت بحث عن كل السيارات الى ان هدانى الله واشتريت بى واى دى اف 3 والحمد الله العربية جميلة فى كل شىء تقفيل خطير جدا سحب ممتاز العفشة جميلة جدا باختصار العربية رائعة مع العلم انى كنت قلقان جدا من صيانة الاف كيلو ولسة عاملها من اسبوع فى القطامية ناس محترمة جدا والله ومحدش بيسيبك الا لما يخلص ليك شغلك كله ومافيش مصنعية ولا رشاوى والصيانة كلها 180 ج بالزيت
فعلا ربنا معاهم

**sonytogy** · 11-10-2014 05:42 PM

المشاركة الأصلية كتبت بواسطة corsair

النيو لوجان والسانديرو والاستيب واي والداستر

مكونات فرنسي بالكامل والمغرب تقوم بتجميع البودي وتقفيل الفرش فقط

يا استاذ كل الموديلات اللى انت ذكرتها دى من مصنع داتشيا رومانيا

**MACATHIUS** · 12-10-2014 02:41 PM

بص انا كان معايا اللوجان و كنت من اول الناس اللى اشتروها فى 2010 - القديمة: مميزاتها استهلاك بنزين قليل جدا و كنت بصينها فى الميكانيكيون العرب ممتازين و محترمين و اسعار صيانة عمرها ما زادت عن ال 700 جنيه كل 10 الاف كيلو تقريبا نهاية كل سنة... بس عيوبها انى ماكنتش بحس انها stable ولا ناعمة و صاجها ضعيف و الفراغات فيه بتزيد مع الايام... جايز الجديد منها تلافوا عيوبه الله اعلم.... دا عن اللوجان.
بالنسبة للصينى: فى رأيى انه مش وحش زى ما الناس بتقول انا العربية اللى معايا دلوقتى اسبيرانزا و احلى من اللوجان فى الثبات و النعومة و القدرة بالحصان اعلى بس استهلاكها للبنزين اعلى شوية.. يعنى موضوع الصينى دا مافرقش معايا خالص بالعكس دى احلى من اللوجان. بحسب سماعى من معارفى البى واى دى احسن عربية صينى بس اسأل عن الصيانة اسأل عن الصيانة اسأل عن الصيانة اسأل عن الصيانة .. و اسعار قطع الغيار!!!

**corsair** · 14-10-2014 04:27 PM

المشاركة الأصلية كتبت بواسطة sonytogy

يا استاذ كل الموديلات اللى انت ذكرتها دى من مصنع داتشيا رومانيا

لا يا فندم داتشيا رومانيا في بعض الدول الاوربيه

لكن في مصر رينو فرنسا تجميع مغربي

**ابو ياسمين** · 14-10-2014 07:45 PM

الزملاء الأعزاء
اولا اقدم احترامى لصاحب الموضوع ولكل من قام بالتعليق فيه

ثانيا انصح الأخ الفاضل meemoo2104 ان يترك الحرية لأبنه فى الأختيار لأن للشباب اولويات ومقاييس تختلف عن ابائهم

واعتقد ان سيارة من فئة الكروس ستكون انسب له

اما عن الخلاف فى الرأى فى اصول بعض السيارات وبلد المنشأ الحقيقى لها فهو اختلاف لا أراه الا فى المنتديات المصرية

وسببه الأنعدام التام والمتعمد للشفافية من التوكيلات المصرية جميعا
فأخفاء مثل هذه المعلومات سياسة ثابتة لكل التوكيلات المصرية للسيارات بدون أستثناء احد
مع ان الوصول للحقيقة النهائية فى مثل هذه الأشياء سهل جدا ومدهش فى بساطته

ولولا ان هذا الموضوع ليس مكان لأجابة نهائية عن لوجان او صنى او غيرها من السيارات
لأنها ستأخذ مساحة كبيرة للرد لقدمت لكم هذه الأجابة الكاملة الأن

ولكنى اظن انها تحتاج لموضوع خاص بها وقد أكتبه قريبا بأذن الله

الموضوع: محتار بين BYD L3 Auto و New LOgan أرجو معرفة أراء الأخوه الأعزاء

LinkBack

أدوات الموضوع

عرض

-

-

-

-

-

المواضيع المتشابهه

محتار وعاوز أراء عن تجربة .. 127 ولا 128 ولا ريتمو !!!

استفسار من الأخوه الأعزاء ملوك الأوبل

محتار بين (Gen 2, 2009 Auto & Matrix, 2010 Auto) ايه رأيكم؟

الزملاء الأعزاء أرجو محاولة الأستفاده من هذه النصائح

الأخوه الأعزاء عشاق رينو - اللينك ده جديد في جنيف 2008

الكلمات الدلالية لهذا الموضوع

المفضلات

المفضلات

ضوابط المشاركة